“pashu banam “manushya” mukhakriti adhyayn  

‘pashu’ banam ‘manushya’ mukhakriti adhyayan dae. bhagvan sahay shrivastav pashu, pakshi, manushya tatha anya sabhi jiv panch tatvon se bane hain. sanbhav hai islie unki prakriti, svabhav, lakshan adi men samanta ho is adhar par pashu-pakshi tatha manushya ke svabhavon ki tulna karen to donon men samanta dikhai degi. yahan kuch pashu vishesh ki akritiyon ki manushya ki akritiyon se tulna kar unke svabhav par vichar prastut kar rahe hain. 1. bandar 2. ghora 3. gadha 4. bhains, 5 gay 6. bail 7 lomri 8. sinh 9 shvan 10. chil 11. ullu 12. chuha 13. billi 14. vanmanush adi. bandr: aisa vyakti svabhav se chalak v satark hota hai. use dhokha dena mushkil hota hai. vah bijli ghar men hailpar tatha khan men karya karne vala ho sakta hai. yadi kisi stri ka chehra bandar jaisa ho to use santan ke prati vishesh sneh hota hai. ghora: ghore ki mukhakriti vala vyakti dabav parne par hi karya karta hai. naukar jati ke logon men aisi visheshta hoti hai kintu ve kulin bhi ho sakte hain. aise vyakti ke guru ka shani se ya lagnesh ka shani se sanbandh hota hai. ya uske lagn par pap grahon ki drishti hoti hai. unt: jis vyakti ki gardan lanbi aur mukhakriti unt jaisi ho usmen yogyata ki kami hoti hai. uska shukra parvat kamjor hota hai. yadi aise vyakti ki kundli men chathe sthan men pap grah ho to vah apni shakti se khatm kar sakta hai. merhakriti: aise log balvan tatha furtile hote hanai. unka lagnesh trik sthan men hota hai v shani se bhi yukt hota hai. gadha: is akriti vale adhikansh log majdur hote hanai. unke dusre sthan par pap grah ki drishti hoti hai. unki vani katu hoti hai. ajakriti: aisi mukhakriti vale logon ka munh age se patla aur piche se chaira hota hai. unke hoth patle hote hain. ve sthirchitt nahin hote hain. unka chandra nich ka tatha pap grahon se drisht hota hai. ve navin faishan pasand karte hain. unka shukra mithun ka hota hai tatha shukra v mangal yukt hote hanai. shukra v mangal ki sthiti adhikatar 1, 4, 6, 8 ya 12ven sthan men hoti hai. ve prem sanbandh men chatur hote hain. bher akriti: is akriti ke log koi bhi karya soch samajh kar karte hain. kintu ve dusron ki baton ko bhi sunte aur mante hain. unki kundli men chaithe v dasven sthanon ke svami shubh sthanon men hote hain tatha hatheli men matri-pitri rekhaen mili hoti hain kintu kati fati nahin hotin. tote ki akriti: aise logon ki nak nukili v lanbi hoti hai. jatak unki kundli men dvitiya sthan sudridh hota hai aur lagn men budh ya shukra hota hai. ve vakpatu hote hain aur natkiya dhang se bat karte hain. unka shukra balvan hota hai tatha janmapatrika men uski sthiti sudrirh hoti hai. kak akriti: aise log chalak v dhurt hote hain. ve sankuchit vichar vale aur svarthi hote hain. unki kundli men shani ki sthiti sudrirh hoti hai. yadi kisi ke lagn men shani ho to use kak akriti vala hona chahie. aise log rishvatkhori men mahir hote hain. uluk akriti: aise logon ki nak nukili v netra golakar hote hain. unke pas dhan bahut hota hai. unki kundli ke dusre sthan men amrit yog ya lakshmi yog hota hai. mahish akriti: aise log kuch ghamandi hote hain. unke lagn men mangal ya shani ho sakta hai athva donon ka sanbandh bhi ho sakta hai. krodh ki avastha men ve kabhi-kabhi akraman bhi karte hain. aise log prayah sainik sipahi hote hain. kintu ve peshevar apradhi bhi ho sakte hain. gay ya bail: aise log mansik star par kamjor hote hain. lekin ve paropkari hote hain. unki nak kuch fuli hui tatha mastak utha hua hota hai. yadi kisi stri ki mukhakriti gay ya bail jaisi ho to uski santan nirog hoti hai. aise logon ka guru bahut hi balvan hota hai lekin chaturth sthan pap grahon se grast hota hai. lomri ki akriti: aise logon ki buddhi tivra hoti hai. ve dhairyavan hote hain. is akriti ke kisi vyakti ke chehre men yadi spashtata ho to vah dhurt hota hai. aise logon men kuch chuglkhori ki adat bhi hoti hai. unke mangal v budh men paraspar drishti sanbandh hota hai. budh balvan hokar navam sthan men sthit hota hai ya mesh rashi ka hota hai. shani, mangal ya rahu chaithe sthan men hota hai. ye sabhi yog janmapatri men milenge. sinhakriti: aisa vyakti svabhav se bahut kathor hota hai. uski ankh bari-bari, chehra bhara hua tatha honth bare hote hain. usmen paryapt atmabal v tej hota hai. aise log yuddh v sangharsh men piche nahin hatte hain. unka lagn sinh tatha rashi sinh hoti hai. lagnesh ke lagn men hone se unmen sinh ke sabhie gun vidyaman hote hain. aise log jimmedar v sena men uchch padasth hote hain. yadi majdur hon, to neta hote hanai. kintu unka dampatya jivan tanavpurn ho sakta hai. vichoh ki sanbhavna bhi rahti hai. chil ki akriti: aise logon ka dusra v barhvan sthan bahut hi balvan hota hai. dusre sthan men chandrama v shukra nahin hon to unke netra tej hote hain. ve karya karne men piche nahin rahte. aise logon ka svabhav har kam men jhagralu hota hai. ve choti-choti baton par bhi larne par utaru ho jate hain. kintu ve rashtrabhakt, premi v fauji hote hain. shvanakriti: aise log vafadar hote hain. ve dhokha nahin dete. unmen imandari kut-kut kar bhari hoti hai. unke chaithe sthan ka svami svarashisth ya uchchasth hota hai. chaturthansh gaupuransh men ya lagnesh ya chaitha sthan shubh grahon se yukt ho sakta hai. aise log klark, munshi, nirikshak adi hote hain. yadi stri ho to apne adhikari ko khush rakhti hai. mushkakriti: is mukhakriti ke logon ki nak nukili v choti hoti hai. unka kad chota hota hai aur ve uchlte kudte rahte hanai. aise log karya shighra nibtate hain. kintu ve darpok hote hain. unhen apni chinta jyada rahti hai. ve dhan sanchay bhi khub karte hain. biralakriti: aise logon ki ankhane chamkdar hoti hain. unki dhran shakti tivra hoti hai. ve apni raksha ka vishesh dhyan rakhte hain. unka shani lagnesh men ya lagnesh pap grah se yukt hota hai. ve jhuth bolte hain. ve apna samman jyada chahte hain kintu dusron ka samman kam karte hain. vanmanush: vanmanush jaisi mukhakriti vala vyakti parishrami hota hai. vidyadhyayan men uski koi ruchi nahin hoti. uske budh v panchmesh kamjor hote hain. arthat uske pancham sthan par pap grah ki drishti hoti hai. kintu mangal v surya prabal hote hain. mangal saptam sthan men hota hai. karkansh kundli men tisre sthan men pap grah hote hain.