ang sparsh dvara prashn vishleshan in. upendra kumar sharma paristhiti aur jatak ke sharir ki bhav bhangima, uske apne ang sparsh adi se uske prashn v uttar ki jankari milti hai. ismen kisi prakar ki ganna nahin hoti. paristhitiyon ke anusar hi prashn ka uttar kaha jata hai. jyotishigan apne aur jatak ke angon ko prakriti ki ghatnaon ko jorakar vishleshan aur ganbhirta purvak soch vichar kar falakathan kar sakte hain. pahle fal kathan ka sthan kaisa ho is par vichar karen. jo sthan sundar fal-fulon, vrikshon se bhara ho, jahan, charo taraf hariyali ho, jahan sundar pakshi chahchhate hon, jahan devta ririi muniyon, siddhon aur guni janon ka vas ho, jo dhan-dhanya se paripurn ho. us, svadisht jal ki nirmal dhara bahti ho. vah fal kathan ke lie shubh hota hai. iske viprit jahan kiron ke khaen hue kantedar, jale hue terhe medhe vriksh hon, jo krur pakshiyon se ghira ho, jahan bure nam vale duble vriksh lage hon aur bhumi banjar v sukhi ho vahan falakathan karna ashubh hai. isi prakar jis sthan par mashan, chairaha, suna makan, koyla, manushya ki khopriyan, sukhi ghas adi hon vah bhi shubh nahin hota. sath hi vah jahan madya evan ayudh ki bikri hoti ho aur jahan pirit logon ka vas ho vah sthan bhi shubh nahin hota. ab dishaon par vichar karen. purva aur uttar dishaen v ishan kon prashn karne ke lie uttam hote hanai. vayavya, pashchim v dakshin dishaen aur nairratya kon shubh nahin hote. ratrikal, subah, sham aur aprahn men prashn karna shubh nahin hota. uru, hoth, stan, andkosh, panv, dant, bhujaen, hath, kapol, kesh, gala, nakh, anguthe, shankh, kandha, kan, gudaen, jor ke sthan ye sabhi purush sangyak hain. bhaun, nasika, kamar ka mans pind, kamar aur sundar rekha vali ungliyan stri sangyak hain. jibh, gardan, pindika, pindliyan, eriyan, jangh, nabhi, karnapali, choti, vadan, pith, hansli, janu asthipashrva, hriday, talu, netra, ling, kamar ke niche ki tani haddiiyan, mastak aur lalat ye ang napunsak sangyak hain. ang sparsh ke samadhan mukhadi chue to - vilanb se siddhi. rukhe, kshat vikshat ya napunsak angon ko chune se siddhi kadapi nahin. purush ya stri sangyak sanudar angon ko chune se sanbandhit karya ka labh milta hai. jatak ki vani bhi apna prabhav rakhti hai. vidvan us bhasha v usmen jhalkne vale atmavishvas se anuman lagate hain. panv ka angutha chuna ya hilana netra rog ka suchak hai. unguli ko aghat kare - beti ka shok. sir par aghat kare - vrishabhay chati ko chue - priya viyog. ang se vastra utar de - priya viyog. vastra pahan kar piche hate - pyari vastu ki prapti. dharti ko panv se kurede - kheti ki chinta. donon pairon ko khujlae - naukar, dasi ya sevak ki chinta. prashn ke samay vastuon ko dekhne se bhi jankari milti hai. bhojapatra, kesh ya asthi dekhne par- vastra ki chinta. rassi ka jal dekhne par - rog ho. chal ya valkal dekhne par - bandhan hota hai. pipal, mirch, saunth ya motha dekhne se - stridosh, purushdosh ya nash. long, kut, vastra, jira, - pirit, nash, satyanash. hath men bad, mahua, tendu, jamun, pipalakhan, am, ber ya jayafal ho to dhan, svarn, purush, lohe, vastra, chandi, tanbe ki prapti hoti hai. dhanya se bhara patra ya bhare hue ghare ko dekhne par kutunb barhta hai. hathi ki lid, gay ka gobar, kutte ki vishtha dekhne par - dhan, yuvti aur suhridon ke vinash ka prashn hota hai. pashu, hathi, mahish, pankaj, chandi aur vyaghra ko dekhne par mesh, dhan, bher ya bhed ke kanbal, chandan, reshmi vastra aur gahnon ke labh ki chinta hoti hai. vriddh sannyasi ka darshan hon to dhurt, mitra v dhan ki chinta hoti hai. yuva sannyasi ke darshan hon to veshya, raja, bachcha aur dhan ki chinta hoti hai. shakya, upadhyay, nigrranth, nimitra, nigam aur dhivar dekhne par chor, senapti, vapika, dukandari ke dravya v vadh sanbandhi chinta janni chahie. tapas ya kapal dekhne par videsh gae hue manushya ki chinta, pashupalan ki chinta hoti hai. bhumi par gire ann ko ikattha karne vala muni dikhai de to vipatti parne ki chinta hoti hai. vani dvara kathan main puchne ki ichcha karta hun, kahie, ya darshan kijiye ya ap agya dijiye aisa kahne par kutunb se mile labh aur dhan ki chinta hoti hai. bhali bhanti se vichar kar mera manorath kahie kahne par jay v marg ki chinta hoti hai. ap shighra hi dekhie kahne par bandhu aur chinta. ang sparsh bhitar ka ang sparsh kare - svajan ki chinta. bahar ka ang sparsh kare - bahar ke manushya ki chinta. panv, angutha ya panv ki ungliyan chue - das v dasi ki chinta. jangha ke sparsh se - prekshaniya purush. nabhi ke sparsh se - bharya ki chinta. hath ke anguthe ya ungli ke sparsh se - putra v kanya ki chinta. pet ka sparsh kare - mata ki chinta. mastak ke sparsh se - gupt. dayan ya bayan hath chune se - bhrata ya bharya ko chori ki samasya. bahri angon ko chue, sharir ko bahut jhukae, alasya men a kar tore, kisi manushya ke hath men khali bartan dekhe, chor ko dekhe evan prashn ke samay har liya, gir gaya, kat gaya, bhul gaya, nasht ho gaya, tut gaya, chori gaya, mar gaya jaise shabd sune to chori gai vastu nahin milti. bhus, haddi, vish dekhne ke sath rone ya chinkne ki sthiti ho to rogi ka maran hota hai. bhojan sanbandhi prashn bhitar ke angon ko chu kar shvas le to samjhna chahie ki bhojan karne vala tript ho raha hai. mathe ko sparsh kare, shuk dhanya ka darshan kare - ise chaval khaya hai. chati ka sparsh kare - vivah ka ann khaya hai. gardan sparsh kare - jau ka ann. kokh, stan, udar, jangh ko chuna - urad, dudh, til, dal ka bhojan karne ka sanket deta. donon hothon ko chatna - madhur pan karne ka suchak. jibh se hothon ke sthan ko chate v badan ko sikode to samjhna chahie ki khatta khaya hai. hichki utpann ho to garm padarth khaya hai. thukna saindha namak khane ka suchak hai. prashn ke samay kaf tyag kare to samjhna chahie ki sukha v tikha padarth khaya hai. mans khane vale pakshi ko dekhe ya uska nam sune - mans mila ann khaya hai. gal v hoth ka sparsh pakshi ke mans khane ka suchak hai. mastak, gale, thori, kesh, kanpti, jangh ka sparsh janvron ke mans khane ka suchak hai. dusht shakun darshan v shravan karne se machli ka mans khaya hai. garbh se sanbandhit prashn pan, pushp ya ann ka darshan shubh hai. anguthe se udar ya ungli sparsh karke puche to puchne valo ko garbh ki chinta samjhni chahie. shahad, ghi adi v svarn, ratn munga, mata, bhai, putra age khare dikhai dane to - garbh ki chinta ko pramad karte hain. pet par hath rakhe ya sparsh kare to samjhna chahie ki stri garbhini hai. dusht nimitt dikhai dene se garbh nash hota hai. pet ko daba kar, hath se hath mila kar prashn kare to garbh ka nash samjhna chahie. stri yadi dayen nasachidra ka sparsh kare to ek mas ke bad garbh dharan hoga. vam nasika ya bayane hath ka sparsh kare to char mas ke bad garbh dharan hoga. santan prashn kan ka sparsh kare - panch putra. hath ka sparsh kare - tin putra. pav, anguthe ya donon ediyon ka sparsh kare to ek kanya hoti hai. choti ungli ka sparsh kare to panch kanyaen hoti hain. anamika ke sparsh se char kanyaen hoti hain. madhyama ke sparsh se tin kanyaen hoti hain. tarjani ka sparsh do kanyaon ka suchak hai. dayin chati ke sparsh se char kanyaen hoti hain. mathe ke shesh bhag ka sparsh kare to tin kanyaen janm leti hain. matha, lalat, bhaun, kanon, gal, tori, danton, gale, dayen aur bayen kandhon, donon hathon, bal, udar, kunchon, hriday donon pashrvon, jathar, kamar, sfik, kamar ke mansaddh, guda, sandhi, uruyugal, donon januane donon chavon aur donon panvon men kamanusar kritika se lakar sab nakshatra virajman hai. kalpurush ki rashiyon ko ang sparsh se lagn manakar bhi prashn ka uttar dene ki pratha hai. ang vidya ke sath shakun, panchapakshi v svar vigyan ki sahayta se jatak ke prashnon ke satik uttar die ja sakte hain.