shri buddh jayanti evan vrat pan. brajkishor bharadvaj ‘brajvasi’ bhagvan buddh ki jayanti evan vrat sanatan dharm ke anusar paush shukla paksh saptami ko karne ka vidhan hai. paush shukla saptami ko sayankal ki bela men gaya ke pavan kshetra men bhagvan buddh ka janm asuri shaktiyon par vijay prapti hetu bhagvan shri vishnu ke ansh se hua tha. jo vyakti bhagvan buddh ke is param mangalamay vrat ko karta hai evan unke avataran ki katha ka shravan karta hai, vah nishchay hi antrik evan bahya asuri shaktiyon par vijay prapt kar jivan ka kalyankari marg prashast kar leta hai. buddh vrat ka palan karne vale sadhak ko pratah kal suryoday se purva hi jagakar dainik sandhya vandan krityon ko purn karte hue yah sankalp lena chahie ki aj main bhagvan buddh ke vrat men nirahar rahte hue sayankal ki bela men shri vishnu bhagvan ke ansh se avtrit bhagvan buddh ka panchopchar ya shodshopchar pujan aur unke avataran mahatmya ka shravan kar brahmanon ko pan. brajkishor bharadvaj ‘brajvasi’ naivedya dakshinadi se santusht kar hi falahar grahan karunga. dinabhar ‘‘¬ mahabuddh namah’’, ‘‘¬ buddhaye namah’’, ‘‘¬ namo narayn’’, ‘‘¬ namo bhagvte vasudevay’’ adi mantron ka jap evan shri hari bhagvan ke sundar charitron ka shravan karen. hari sankirtan karen. ratri men bhagvan buddh ki prasannata ke lie jagaran, sankirtan v mantra jap karen. aisa karne se sadhak ki asuri shakti se raksha hoti hai aur uske jivan men daiviya shakti ka vikas hota hai. sanpurn sanpÿiayan evan bhog prapt hote hain. ihlaukik sukhon ko bhogakar vah parlaukik sukhon ki prapti karta hai. bhagvan ki ahaituki kripa ka labh prapt kar jivan ka kalyan kar leta hai. vastav men yah vrat andhkar ko dur karne vala, asatya par satya ki pataka fahrane vala tatha mrityu se amrit ki or le jane vala vrat hai. is vrat ka palan karne se papiyon, atyachariyon evan durachariyon ka ant hota hai. devtaon, bhakton evan sadhkon ko anand ki anubhuti hoti hai. bhagvan buddh ki yah jayanti evan vrat param manglkari evan ananddata hai. bhagvan buddhavtar katha maharaj shuddhodan ke yashasvi putra gautam buddh ke rup men shri bhagvan avtrit hue the, aisi prasiddhi vishrut hai, parantu puranavarnit bhagvan buddh dev ka prakatya gaya ke samip kikat desh men hua tha. unke punyatma pita ka nam ‘ajn’ bataya gaya hai. prastut prasang puranavarnit buddhavtar ka hi hai. katha hai ki daityon ki shakti barh gai thi. unke sammukh devta tik nahin sake aur unke bhay se pran lekar bhage. daityon ne devdham svarg par adhikar kar liya. ve svachchand hokar devtaon ke vaibhav ka upbhog karne lage. kintu unhen prayah chinta bani rahti thi ki pata nahin, kab devagan samarth hokar punah svarg chin len. susthir samrajya ki kamna se daityon ne suradhip indra ka pata lagaya aur unse pucha- ‘hamara akhand samrajya sthir rahe, iska upay bataie.’ devadhip indra ne shuddh bhav se uÿar diya- ‘susthir shasan ke lie yagya evan vedvihit acharan avashyak hai.’ daityon ne vaidik acharan evan mahayagya ka anushthan praranbh kiya. faltah unki shakti uÿaroÿar barhne lagi. svabhav se hi uddand aur nirankush daityon ka upadrav barha. jagat men asur bhav ka prasar hone laga. ashay aur nirupay duahkhi devagan jagatpati shrivishnu ke pas gae aur unse karun prarthana ki. shribhgvan ne unhen ashvasan diya. shribhgvan ne buddh ka rup dharan kiya. unke hath men marjani thi aur ve marg ko buharte hue us par charan rakhte the. is prakar bhagvan buddh daityon ke samip pahanuche aur unhen updesh diya- ‘yagya karna pap hai. yagya se jivhinsa hoti hai. yagya ki prajvalit agni men hi kitne jiv bhasm ho jate hain. dekho, main jivhinsa se bachne ke lie kitna prayatnashil rahta hun. pahle jhadu lagakar path svachch karta hun, tab us par pair rakhta hun.’ sannyasi buddhadev ke updesh se daityagan prabhavit hue. unhonne yagya evan vaidik acharan ka parityag kar diya. parinamtah kuch hi dinon men unki shakti kshin ho gai. fir kya tha, devtaon ne un durbal evan pratirodhhin daityon par akraman kar diya. asamarth daitya parajit hue aur pranaraksharth yatra-tatra bhag khare hue. devtaon ka svarg par punah adhikar ho gaya. is prakar sannyasi ke vesh men bhagvan buddh ne trailokya ka mangal kiya.
Kya aapko lekh pasand aaya?
Subscribe