vastu shastra ka adhar prakriti hai. akash, agni, jal, vayu evan prithvi in panch tatvon ko vastu-shastra men panchmhabhut kaha gaya hai. shainagam evan anya darshan sahitya men bhi inhin panch tatvon ki pramukhta hai. arastu ne bhi char tatvon ki kalpana ki hai. chini fengshui men keval do tatvon ki pradhanta hai- vayu evan jal ki. vastutah ye panchatatva sanatan hain. ye manushya hi nahin balki sanpurn charachar jagat par prabhav dalte hain. vastu shastra prakriti ke sath samanjasya evan samrsta rakhakar bhavan nirman ke siddhanton ka pratipadan karta hai. ye siddhant manushya jivan se gahre jure hain.
atharvaved men kaha gaya hai-
panchavahi vahatyagrameshan prashtayo yukta anu savahant.
ayatamasya dasye nayatan par nediyo{var daviya .. 10 /8 ..
srishtikarta parmeshvar prithvi, jal, tej (agni), prakash, vayu v akash ko rachakar, unhen santulit rakhakar sansar ko niyampurvak chalate hain. mannshil vidvan log unhen apne bhitar janakar santulit ho prabal prashast rahte hain. inhin panch santulit tatvon se nivas grih v karya grih adi ka vatavaran tatha vastu shuddh v santulit hota hai, tab prani ki pragti hoti hai.
rigved men kaha gaya hai-
ye aste pasht charti yashch pashyati no janah.
teshan san hanmo akshani yathedan hamrth tatha.
prostheshya vahneshya nariryastalpashivriah.
striayo ya: punyagandhasta sarvaah svaypa masi !!
he grihasth jano ! grih nirman is prakar ka ho ki surya ka prakash sab dishaon se ae tatha sab prakar se ritu anukul ho, taki parivar svasth rahe. rah chalta rahgir bhi andar n jhank pae, n hi grih men vas karne vale bahar valon ko dekh paen. aise uttam grih men grihini ki nij santan uttam hi uttam hoti hai.
vastu shastra tatha vastu kala ka vaigyanik aur adhyatmik adhar ved aur upved hain. bhartiya vad.may men adhibhautik vastukla (arkitekchara) tatha vastu-shastra ka jitna uchchakoti ka vistrit vivaran rigved, atharvaved, yajurved men upalabdh hai, utna anya kisi sahitya men nahin.
grih ke mukhya dvar ko grihmukh mana jata hai. iska vastu shastra men vishesh mahatva hai. yah parivar v grihasvami ki shalinta, samriddhi v vidvatta darshata hai. islie mukhya dvar ko hamesha baki dvaron ki apeksha bara v susajjit rakhne ki pratha rahi hai. pauranik bhartiya sanskriti ke anusar ise kalash, nariyal v pushp, kele ke patra ya svastik adi se athva unke chitron se susajjit karna chahie.
mukhya dvar char bhujaon ki chaikhat vala ho. ise dahlij bhi kahte hain. isse nivas men gandgi bhi kam ati hai tatha nakaratmak urjaen pravesh nahin kar patin. pratah ghar ka jo bhi vyakti mukhya dvar khole, use sarvapratham dahlij par jal chirkna chahie, taki rat men vahan ekatrit dushit urjaen ghulakar bah jaen aur grih men pravesh n kar paen.
grihini ko chahie ki vah pratah sarvapratham ghar ki saf-safai kare ya karae. tatpashchat svayan naha-dhokar mukhya pravesh dvar ke bahar ekadam samne sthal par samathrya ke anusar rangoli banae. yah bhi nakaratmak urjaon ko rokti hai. mukhya pravesh dvar ke upar kesriya rang se 9ga9 pariman ka svastik banakar lagaen. mukhya pravesh dvar ko hare v pile rang se rangna vastusammat hota hai.
khana banana shuru karne se pahle pakshala ka saf hona ati avashyak hai. rosoiye ko chahie ki mantra path se ishvar ko yad kare aur kahe ki mere hath se bana khana svadisht tatha sabhi ke lie svasthyavarddhak ho. pahli chapati gay ke, dusri pakshiyon ke tatha tisri kutte ke nimitt banae. taduprant parviar ka bhojan adi banae.
vishesh vastu upchar
nivas grih ya karyalay men shuddh urja ke sanchar hetu pratah v sayan shankh-dhvani karen.
guggul yukt dhup v agaravatti prajvalit karen tatha un ka uchcharan karte hue samast grih men dhumra ko ghumaen.
pratah kal surya ko aghrya dekar surya namaskar avashya karen. yadi parivar ke sadasyon ka svasthya anukul rahega, to grih ka svasthya bhi thik rahega. dhyan rakhen, aine v jharokhon ke shishon par dhul nahin rahe. unhen pratidin saf rakhen. grih ki uttar disha men vibhushak favvara ya machli kund rakhen. isse parivar men samriddhi ki vriddhi hoti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!