vyapar kendra ke vastu sutra vijay sud keval ghar ko shastrasammat sutron ke anurup nirmit karana paryapt nahin hai. ajivika ke lie adharbhut karyalay, ya dukan bhi shubh lakshanon se yukt hone chahien aur uske andar upkrnon ko yathasthan kaise sajana hai, ya kis disha ki or munh kar ke asin hona hai. ityadi baton ki jankari bhi avashyak hai. dakan ke purva men mukhya dvar ho, to pashchim se purva ki or tatha dakshin se uttar ki or farsh ko dhalandar banane ki vyavastha karni chahie. vyapari, ya dukandar ko agney men, purvi divar ki sima ka sparsh kiye bina, dakshin agney ki divar se sat kar, uttarabhimukhi hi asin hona chahie aur kaish baeks ko dayin taraf rakhna chahie. usi sthal men purvabhimukhi ho asin hone par tijori ko dayin or rakh lena chahie. yahan par chabutre nahin banvane chahien. farsh, ya gadde par n baithna chahen, to mej-kursi laga kar baith sakte hain. kintu kisi bhi halat men ishan aur vayavya disha ki or asin nahin hona chahie. yadi sanbhav hua, to, rnaitya men chabutre, ya mej ka prabandh kar ke, purva, ya uttarabhimukhi ho kar asin ho sakte hain. thori si gaddi bana kar farsh par bhi baith sakte hain. dakshinmukhi dukan: dakshin se uttar ki or tatha pashchim se purva ki or farsh dhalaun bana kar rnaitya men chabutre, ya mej ke age kursi par, purvabhimukhi ho, baithne par dayin taraf galle ko rakhna chahie. usi sthan par uttarabhimukhi ho kar asin hone par bayin or galla, athva tijori ka prabandh karva lena chahie. dakshin sinh dvar vali dukan men agney, vayavya aur ishan dishaon men baith kar vyapar nahin karna chahie. pashchim dishabhimukhi dvar: pashchim se purva ki or, dakshin se uttari disha men, farsh ko dhalaundar bana kar, rnaitya men chabutre, ya kursi par, ya niche uttarabhimukhi ho baith kar, bayin or galle ko rakhva lena chahie. pashchimmukhi dvar vali dukan men vayavya, ishan aur agney ki or nahin baithna chahie. uttaramukhi dvar: dakshin se uttar ki or, pashchim se purva ki or, dhalaundar farsh bana kar, vayavya men uttari divar ko chue bina, pashchim divar se sat kar, bina chabutre ke, niche, ya kursi par baith kar vyapar karya sanpann karna hoga. purvabhimukhi asin hone par dayin disha men galle, ya tijori ka intjam karva lena chahie. uttaramukhi dvar vale dukan men, sanbhav ho to, rnaitya men chabutre, ya mej ka prabandh karna chahie. ishan, ya agney men nahin baithna chahie. purva dishabhimukhi dukanah dukan se bahar jane ke lie ishan se utrne layak sirhiyan banva leni chahien; athva puri dukan ki chaithai men sirhiyan banva sakte hain, ya, purva-agney ho kar, dukan ke adhe bhag tak chabutra banva kar, ishan men sirhiyon ka prabandh kar sakte hain. aisi halat men uttara-ishan tak sirhiyan banva leni chahien. pashchimi mukhya dvar: vayavya men sirhiyan banvani chahien, ya, rnai tya ki or adhe bhag tak chabutra bana kar, shesh adhe men vayavya disha men sirhiyon ka prabandh kar sakte hain. sanbhav ho to madhya bhag men ardh chandrakriti men sirhiyon ka prabandh kara sakte hain. rnaitya men sirhiyan n banaen. rnaitya ki disha ka chabutra dukan ki farsh ke star ke barabar, ya thora uncha hona chahie. dakshin sinh dvar: agney disha men utrne ke lie sopanon ka prabandh karna chahie, ya, sanbhav ho, to adhe bhag tak chabutra banva kar, shesh adhe bhag men agney ki or sirhiyan banva leni chahien. sanbhav ho, to madhya bhag men ardh chandravritt men sirhiyan banva sakte hain, kintu rnaitya men utrne layak nahin. rnaitya ki or se pravesh aur nirgam uchit nahin hai. uttar men sinh dvar: ishan men sirhiyon ka prabandh karva lena chahie ya vayavya ki or se ishan tak, purn rup se, sirhiyon ka prabandh kar lena chahie. yadi mumkin ho, to vayavya ki disha se adhe bhag tak chabutra banva kar, ishan men sirhiyan rakhva leni chahien. kisi bhi sthiti men purva aur uttaramukhi dukanon ke lie ardh chandrakriti sirhiyan nahin banaen. yahan vayavya men nirmit hone vala chabutra farsh ki satah se uncha nahin hona chahie. dukan men taraju ko chabutre, ya manch par hi, pashchim aur dakshin divaron ki or, rakhva lena chahie. shokes, staind, bore, ya anya bhari saman ko ishan men nahin rakhna chahie. vyapar sansthan ke malik, ya prabandhak apne kamre rnaitya disha men banvaen, to adhik labhdayak hoga. un kamron men unhen purva, ya uttarabhimukhi ho asin hona chahie. un kamron ke dvaron ko purva aur dakshin dishaon men ishan ki or hi rakhvana chahie. kisi bhi sthiti men agney, ya vayavya men dvar nahin rakhvana chahie. purva dishamukhi dukan ke lie do shatar hane, to, purvi disha ke ishan shatar ko khula rakh kar, agney disha ke shatar ko band rakhna chahie. kisi bhi halat men ishan ke shatar ko band kar ke, agney shatar ko khula nahin rakhna chahie. lakri ke darvaje vale ko bhi isi kram ka palan karna chahie. dakshin dishabhimukh dukan: agney disha ke shatar ko khol kar rnaitya ke shatar ko band rakhna hoga, athva donon ko khula rakhna chahie. rnaitya ke shatar ko khula rakh kar, agney shatar ko band nahin rakhna chahie. pashchim disha ki dukan: vayavya disha ka shatar khol kar rnaitya disha ke shatar ko band rakhna hoga, ya donon khol dene chahien. kisi bhi halat men, rnaitya disha ka shatar khol kar, vayavya disha ke shatar ko band nahin rakhna hai. uttar dishabhimukh dukan: ishan disha ka shatar khol kar vayavya shatar ko band rakhna chahie, athva donon shatron ko khol kar rakhna chahie. kisi bhi halat men, rnai tya shatar ko khula rakh kar, ishan shatar ko band nahin rakhna chahie. kuch log is vishvas ke bal par ishan kon ki chat ko khula rakhte hain ki ghar ke ishan men surya rashmi ka prasar atyant labhdayak hota hai. yah atyant doshpurn hain, kyonki jab uttar aur purva ka milan sthal ishan men yadi chat n ho, to uttara-vayavya aur purva-agney ki chat band ho jati hai. iske alava chat par laghu divar ke nirman se ishan kat jata hai. yah dukan aur makanon ke lie hitakar nahin hai. yadi is prakar khula rakhna hi hai, to purva men ishan se le kar agney tak purn rup se chat ko, saman map ke sath, hata sakte hain. yadi purvi disha men aisa sanbhav nahin hai, to uttari disha men ishan se le kar vayavya tak, ek hi map ke sath, hata dena uttam hai. dukan, makan, athva koi aur nirman ho, to, dakshin men rnaitya se agney tak ki map ki apeksha, uttar men vayavya se ishan tak ki map jyada honi chahie. pashchim men rnaitya se vayavya tak ki map ki apeksha purva aur agney dishaon se ishan tak ki map adhik honi chahie. parishram ka kendra karkhana: karkhane ka adhar bhi bhumi hi hai. yadi udyog ko nirantar chalte rahna hai, to vastu sutron ke anurup bhumi ka chunav karna hai. sarvapratham aisi bhumi ka chayan karen, jiska rnaitya unnat ho, ishan nicha ho, kone sthir hon. tadnantar vastu sutron ka palan karte hue karkhane ka nirman karna chahie. karkhane ke lie bhari yantron ki avashyakta hoti hai. bhari yantron ki sthapna rnaitya men hi karvani hogi. farsh ke niche sthapit kiye jane vale yantron ko bithane ke lie gaddha khodna parega. aise yantron ko purva aur uttar men hi sthapit karna hoga. godamon ka nirman bhi rnaitya men hi hona chahie. parantu baeyalar ki sthapna agney men hi honi chahie. karkhane ke malik apne karyalay ka prabandh apni suvidhanusar kar rahe hain. yahan ajakal niyamon ka palan nahin ho raha hai. yah shubhdayak nahin. purab aur pashchim dishaon men fatak vale karkhanon ke dakshin aur uttar ki dishaon men godam nirmit hote hain. aisi halat men dakshin disha men fatak ho, to godamon ka nirman purva aur pashchim men hona chahie tatha yahan pashchim men karyalay ka prabandh kar lena chahie. bhutal godam: agar purvi mukhya dvar vala ghar ho, to bhutal godamon ko purvi ishan, ya purva men nirman kar sakte hain. dakshinmukhi bhavan ke age nirman nahin karvana chahie. aisa karna pashchimmukhi ke age bhi varjit hai. uttaramukhi ghar ke lie uttara-ishan, athva uttari disha men godam ke lie khudva sakte hain. bharat men 75 pratishat audyogik kshetron ke nakshe vastu shastra ke viprit banaye ja rahe hain. bhaugolik, bhautik, rasaynik ityadi samast kshetron ke siddhanton men kalanusar anek parivartan hote ja rahe hain. parantu aj bhi nirarthak prachin siddhanton se chipke logon ki sankhya kam nahin hai. aj bhavan, bandh, sarak adi ke nirmarnon men vastu shastra ke niyamon ka khul kar ullanghan ho raha hai. bharat sarkar is ka fal bhi bhugat rahie hai.