apni praparti ka ap svayan banen vastukar  

apni praeparti ke ap svayan banen vastukar vinay garg ap apni jamin-jaydad, praeparti v vyavsayik pratishthanon ke vastukar svayan ban sakte hain. yadi ap kuch mulbhut tathyon ko dhyan men rakhen aur kuch mulbhut siddhanton ko jan len, to ap svayan vastukar banakar nirikshan v upay kar sakenge. jab bhi koi vastukar kisi jagah vastu ke lie jata h,ai to use nimn paristhitiyon men vastu nirikshan karna hota hai. sarvapratham vyakti jis ghar men rah raha hota hai, uska vastu parikshan karke vahan ki sthitiyon aur paristhitiyon ke dosh ya labh ka akalan karte hue vastu doshon ka nirakaran v prabhavon ka varnan karna hota hai. inmen se kuch dosh aise hote hain, jinka ham tor-for kie bina kafi had tak upay kar sakte hain, kintu kuch dosh aise hote hain, jinka sudhar tor-for ke bina sanbhav nahin hota hai. thik usi prakar yadi kisi vyakti ko jukam-khansi ho, to davai dekar thik kiya ja sakta hai, parantu yadi uska koi ang sar kar bekar ho jae, to use davaiyon ke dvara thik kar pana sanbhav nahin hota aur yadi us ang ko katakar nikal n diya jae, to vah sharir ke baki angon ko bhi hani pahunchakar vyakti ko mrityu ke darvaje tak pahuncha sakta hai. aisi sthiti men us ang ko sharir se alag nikalne men hi bhalai hoti hai. isi prakar vastu dosh ka kabhi-kabhi tor-for kie bina upay nahin kiya ja sakta hai. dusri sthiti hoti hai ki vyakti koi naya makan kharidna chahta hai, to uske makan kharidne ke kai vikalp hote hain. tab vastukar ko vastu niyamon ko dhyan men rakhte hue sarvottam makan ka chayan karna hota hai. aisi sthiti men vastu ka tulnatmak adhyayan karna parta hai. iske lie vastu nirikshan tulnatmak adhik ganbhir ho jata hai tatha vastukar ko nirnay bahut hi samajh bujh se lena parta hai. tisri sthiti men vyakti nai jamin kharidna chahta hai, jis par use makan banana hota hai. uska vishleshan karne ke lie tathya nimn ho jate hain. ismen vastukar ko sarvapratham bhukhand ki disha dekhni hoti hai. iske pashchat vahan ki mitti ki gunavatta ki janch karni hoti hai. sath hi aspas ke margon par vichar karna hota hai tatha dekhna hota hai ki kahin kisi marg dvara bhukhand ka vedh to nahin ho raha hai. iske atirikt bhukhand ki akriti par vichar karna hota hai ki vah kaisi hai? visham sankhya vale said ke plaet ashubh aur sam sankhya vale said ke plaet shubh mane jate hain. sath hi plaet ki lanbai aur chairai ka anupat bhi dekhna hota hai ki yah saman hai ya nahin. ise 1ah3 se adhik bilkul nahin hona chahie. yah islie dekhna avashyak hota hai kyonki sam sankhya vali said ke bhukhandon men bana makan majbuti aur bhar vitaran ki drishti se adhik paripakva hota hai. yadi ham dhyan den to ham paenge ki sankre plaet men kamron ka apsi sanbandh thik nahin ho paega, kyonki ho sakta hai ki kamron ke mukhya dvar ki disha ek hi ho jae. aisi sthiti men kamron men rahne valon ka apsi mel nahin ho paega, apas men sahyog ki bhavna bhi kam rahegi aur ghar ke sadasya svarthi aur apne tak hi simit rah jaenge. chaithi sthiti men vastukar ko kisi kamarshiyal praeparti ka nirikshan karna par sakta hai. is sthiti men sarvapratham aise vastu ka mukhya uddeshya us vyapar se sanbandhit dhan kamana hi hota hai tatha karmachariyon ke bich sahyog v sahbhagita ki bhavna honi chahie. vyavsay ka utpad aisi jagah rakha jana chahie ki jismen uski bikri nirantar hoti rahe arthat uski bikri men kisi prakar ki rukavat n ane pae aur grahak ki santushti bhi bani rahe. utpad se sanbandhit kachche mal ke godam sadaiv bhare rahen tatha vyavsay ke svami ko arthik/mansik shanti aur labh kamane ki pravritti bani rahe. bane banae makan men, jismen vyakti rah raha ho, yadi uska vastu nirikshan karna ho, to uske lie nimn tathyon ko dhyan rakhna chahie. 1. mukhya dvar ki disha uttar, purva ya ishan kon men hona chahie. 2. yadi uparyukt disha men mukhya dvar n ho, to ghar ke mukhiya ki janmakundli ke adhar par bhi ghar ki mukhya disha ke chunav hetu dishaon par bhi vichar kiya ja sakta hai. jaise anya vrish, kanya, makar rashi valon ke lie dakshin disha ke dvar ka tatha mithun, tula, kunbh rashi valon ke lie pashchim dvar ka chayan bhi kiya ja sakta hai, jabki ye dishaen vastu ke adhar par ashubh mani jati hain. lekin mukhya dvar ka pad nimn adhar par kiya jana chahie. 3. yadi mukhya dvar sahi disha men nahin ban pa raha ho, to ap ghar ke andar pravesh hetu aise dvar ka prayog kar sakte hain, jiski disha vastusammat ho. 4. mote taur par nirikshan karen ki ishan disha men bhari bharakam nirman n hua ho, balki nicha, halka aur roshni aur hava se bharpur, bagicha ya kar rakhne ki jagah ke karan khula hua ho. 5. ghar men upri manjil par jane ki sirhiyan uttar se dakshin ki or charhte hue kram men purva se pashchim ki or charhte hue kram men hon. sirhiyon ki pad sankhya visham ho. 6. ghar men ek sath ek sidh men tin ya tin se adhik darvaje n hon. agar hon, to bich vale darvaje par parda dalakar ya adhikatam band rakha jana chahie. aisa hone se ghar ki sakaratmak urja ko bahar jane se tatha nakaratmak urja ko ghar men pravesh karne se roka ja sakta hai. 7. ghar ke bichobich ka sthan brahmasthan kahlata hai. ise ghar ki lanbai aur chairai ke kendra dekhakar jana ja sakta hai. yah ghar ke anya bhagon se nicha nahin hona chahie, n hi yahan par koi khanbha ya divar honi chahie. jahan tak sanbhav ho bharrhit hona chahie. 8. ghar ka mastar bedrum dakshin-pashchim disha men hona chahie. yadi ghar ke is bhag men ghar ka mukhiya nahin soega, to is bhag men rahne vala vyakti ghar men shasan karta hoga. 9. uttar pashchim men koi mahatvapurn vastu nahin rakhi jani chahie. jo bhi kimti vastu ya mahatvapurn vyakti is disha men rahega vah jald hi bimar ho jaega ya vastu hai to vah aksar kharab pari rahegi. atah prayas karen ki aisi jagah par snanagar ya shauchalay rahe. isse ghar ki nakaratmak urja turant ghar se bahar nikal jaegi. kyonki is disha ka dusra nam vayavya kon bhi hai, atah is kon men jo bhi vastu hogi vah vayu ke saman chali jaegi. 10. rasoighar ya ghar ka draingrum dakshin-purva disha men rakhen, kyonki yah shukra ki disha hai aur shukra ka sanbandh kalatmak v vaibhvpurn vastu aur kshetra se hota hai. is disha ka dusra nam agney kon bhi hai, atah rasoighar men agni ka vas hota hai. yahi karan hai ki is jagah par rasoi ghar ka pravdhan kiya jata hai. 11. dakshin-purva disha men prithvi tatva hota hai. atah is disha men sthayitva adhik rahta hai tatha ghar ke mukhiya ko sthirta v sthayitva dene ke lie use is disha men rahne ki salah di jati hai tatha bhari saman v nirman ki salah bhi is disha men rakhne ki salah bhi isilie di jati hai. 12. uttara-purva disha ko jal tatva ka sthan mana jata hai. atah is sthan par sthayitva nahin hota hai. islie aisi jagah par bhari nirman karne v vastuon ko rakhne ki salah nahin di jati hai. 13. ghar ka khajana, sef, almari ityadi ko ghar ke uttar men rakhna chahie kyonki yah disha kuber ki disha mani jati hai. is disha men dhan rakhne se uski vriddhi nirantar hoti rahti hai. 14. ti. vi. ya manoranjan ki koi bhi vastu rnaitya kon men nahin rakhni chahie anyatha ghar men rahne vale vyakti in chijon ka prayog adhik karenge tatha anya mahatvapurn karyon se unka man hat jaega. jaise ghar ke bachche parhai men man n lagakar adhikatar ti. vi. hi dekhte rahenge. 15. bachchon ka kamra uttar disha men hona chahie kyonki uttar disha men budh ki hoti hai aur budh ka sanbandh buddhi aur vidya se hota hai. atah yadi bachche is disha men rahenge to unki buddhi aur vidya ka vikas nirantar hota rahega. 16. uttara-purva disha ka dusra nam ishan kon hai. jaisa ki nam se bhi pata chalta hai, yah disha ishvar ke lie arthat puja sthal se hai. yadi ghar men adhyatm ya ishvar ka sthan nahin hoga, to ghar men sakaratmak urja ka hamesha abhav rahega, jisse vahan rahne valon ki sukh-samriddhi, bhagya, vikas aur satvikta men kami hokar ghar men klesh ka vatavaran vyapt rahega, pratyek karya men badhaen aengi v durbhagya ka vas hoga. 17. ghar men khirki aur darvaje is prakar hone chahie ki prakritik roshni v hava ka kabhi bhi abhav n rahe. sath hi aprakritik roshni jaise bahut tej roshni ghar men nahin honi chahie kyonki ghar aram karne ki jagah hoti hai tatha mansik shanti ki avashyakta rahti hai. dusri taraf, restorent v hotlon adi men adhik chakachaindh, glemar v kriyashilta ki avashyakta hoti hai, atah in sthanon par tej roshni ka hona avashyak mana jata hai. 18. jab ghar ke aspas bahar ki or dekhen to aisa koi bijli ka tar adi ghar ke age se nahin gujrna chahie jo ghar ki urja ko vichlit karta ho. sath hi ghar ke samne koi dharmik sthal, aspatal ya koi anya sarvajnik sthal nahin hona chahie, taki ghar men rahne valon ki mansik shanti v ekagrata bani rahe. yadi aisi koi jagah ho, to ghar ke mukhya dvar par pakua darpan lagana chahie jisse vedh karne vali vastuon se ghar ko bachaya ja sake. 19. ghar ke mukhya dvar ke thik samne bahar ya andar jal, nali ya sivar ka dhakkan nahin hona chahie. 20. sirhiyon ke niche ka sthan khula, nirman rahit v saf suthra hona chahie. 21. septik taink ko nairritya kon (dakshin-pashchim disha) se bachaen tatha vayavya kon (uttara-pashchim disha) men banaen. 22. ovar hed taink ishan kon men n banaen. boring, kuan adi yathasanbhav ishan kon ke najdik hi banaen. 23. uttar disha men jal srot adi ke chitra lagaen. 24. kisi disha vishesh men dosh hone par us disha men digdosh nivarak yantra ya us disha se sanbandhit grah ka yantra lagaen. 25. jal sanbandhi doshon ko dur karne ke lie matsya yantra lagaen. 26. ghar men kisi bhi prakar ka aisa vastu dosh ho, jo kisi upay se n sudhara ja sake ya jane-anjane men koi vastu dosh rah gaya ho, to iske nivaran ke lie puja sthal men vastu doshnashak yantra ya 81 devtaon ke chitron vale vastu mahayantra ki sthapna kar niyamit rup se uski dhup, dip, agarabatti jalakar puja karen. kanpas se kaise dekhen dishaen ghar men kisi bhi sthan ki disha dekhne ke lie us praeparti ka kendra bindu khojen aur floting kanpas lekar us par khare ho jaen tatha jis sthan ki disha gyat karni ho, us or kanpas karke usmen disha dekh sakte hain. yadi uttar disha se kisi sthan ka kon napna ho, to sadharan kanpas men lal suni ko uttar disha ke upar sthit kar den. fir jis sthan ki disha gyat karni ho, uska kon kanpas men dekhen. sosaiti flait men kaise janen apne ghar ki disha ka prabhav sosaiti ke mukhya dvar ka prabhav flait malik ke lie naganya ke saman hota hai, kyonki us dvar ka prabhav us sosaiti men rahne vale sabhi flait malikon ke bich saman anupat men vibhajit ho jata hai. udaharan ke lie, kisi sosaiti men 100 flait hon, to us sosaiti men rahne vale 100 logon par us sosaiti ke mukhya dvar ka shubh ya ashubh prabhav vibhajit hokar matra 1 pratishat hi parega. lekin flait ke mukhya dvar ka shubh ya ashubh prabhav us flait malik par 100 pratishat parega, kyonki vah vyakti us flait ka akela malik hota hai. isi prakar, yadi koi tin manjil ka bhavan ho aur uski apni flor men koi dosh n ho tatha anya flor men dosh hon, to uska prabhav makan malik par nahin parta hai, kyonki flait malik matra apni hi flor ka malik hota hai. udaharan ke lie, kisi plaet par tin flor bane hon aur us bilding men sirhiyan uchit disha men n bani hon, to sabse upar flor par rahne vale vyakti ko sirhiyon ka dosh nahin lagega. madhya flor par rahne vale vah bhi 50 pratishat hi dosh lagega parantu sabse niche flor par rahne vale ko 100 pratishat vastu dosh lagega. isi prakar yadi kisi vyakti ke pas do ya do se adhik makan hon tatha kisi bhavan vishesh men vastu dosh ho, to us makan ko kiraye par dekar aur svayan dosh rahit makan men rahe to vah vyakti vastu dosh se bach sakta hai.