aspatal hetu vastu ke niyam dae. punit sharma aksar dekhne men ata hai ki chikitsak sthan ke anurup aspatal ki antrik sanyojan vyavastha rakhte hain. kintu yadi yah sanyojan vastu ke niyamon aur siddhanton ko kinchit dhyan men rakhakar kiya jae, to aspatal ki pragti to hogi hi, usmen ane vale marijon ka svasthya bhi shighra anukul hoga. yahan aspatal ki samuchit pragti hetu 10 ati mahatvapurn vastu niyam prastut hain. aspatal hetu 10 vastu niyam pravesh dvar: pravesh dvar ki bhuja ki sanpurn lanbai nap kar uske 9 hisse kar len. yadi pravesh dvar purva men banana ho, to ishan kon se 2 hisse chorakar shesh 2 hisson men, dakshin disha men ho, to agney kon se 2 hisse chorakar shesh 2 hisson men, pashchim disha men banana ho, to rnaitya kon se 3 hisse chorakar shesh 2 hisson men aur uttar disha men banana ho, to vayavya kon se 2 hisse chorakar shesh 3 hisson men banaen. is prakar nirmit pravesh dvar vastusammat hota hai, jisse hokar sakaratmak urja grih men pravesh karti hai. isse unnati ke dvar shighra khulte hain. pravesh dvar ke thik samne, andar, vighna-vinashak bhagvan shri ganesh ji murti sthapit karen. risepshana: risepshan ka nirman dakshin disha men kiya ja sakta hai. kintu dhyan rahe, risepshanist ka mukh uttar disha ki or ho. sthan ki upalabdhata ke anusar risepshan uttar disha men bhi bana sakte hain. aisi sthiti men risepshnist ka mukh purva disha men hona chahie. risepshan men kauntar par ya koi upyukt sthan dekhakar vahan ‘¬’ likhvaen. marijon ka veting laej: marijon veting laej uttar disha tatha vayavya kon ke samip banaya ja sakta hai. vyavastha kuch is prakar hona chahie ki marijon ka mukh purva ya uttar disha men rahe. yahan divar par gayatri mantra likhvana atyant labhkari hota hai. veting laej ka rang safed hona chahie hai. davakhana: davakhana yathasanbhav uttar disha men hona chahie. godam ki avashyakta ho, to uska nirman dakshin men kar sakte hain, kintu aisi sthiti men bhi davakhana uttar disha men hi hona chahie. daektar ke baithne ki disha daektar yadi ek ho, to use dakshin disha ya dakshin-pashchim men baithna chahie. yadi ek se adhik hon, to varishthata ke adhar par dakshin-pashchim, dakshin, pashchim aur anya dishaon ka chayan karen. daektar uttar ki or tatha marij purva disha ki or munh karke baithen. vikalp ke rup men iske viprit daktar purva ki or munh karke tatha marij uttar ki or munh karke baith sakte hain. daektar ke kaksh men bhayanak drishyon vale foto ke sthan par manohari saral chitra lagaen. bim ke niche n baithen. kamre men prakash v hava ka sanchar achcha hona chahie. aepreshan kaksha: aepreshan kaksh aspatal ka sarvadhik mahatvapurn kaksh hota hai. atah iskas nirman prayatnapurvak upyukt sthan par hi karna chahie. aepreshan kaksh ka sanyojan is prakar se ho ki ismen sabhi yantra-sanyantra dakshin disha men hon, kintu atoklev adi agney kon men chahie. daektar aepreshan karte samay purva ya uttar ki taraf munh karke khare hon. yadi daektar adhik hon to mukhya daektar anivarya rup se purva ya uttar ki or munh karen. sirhiyan v rainp: strechar ke lie rainp v sirhiyon ka nirman dakshin disha men karna chahie. nirman ke samay dhyan rahe ki ye donon klaekvaij hon. sirhiyan visham sankhya men hon. ek tal se dusre tal par pahunchne par sirhi ya rainp purva ya uttar disha ki or unmukh hokar khulen. jenretar v vidyut vyavastha jenretar ya vidyut upakaran sadaiv agney kon men rakhen, jine ke niche nahin. pani ki tanki ke pas bhi vidyut upakaran nahin rakhne chahie. jenretar ishan kon men kadapi n rakhen. jal vyavastha: aspatal men shuddh peyajal ki vyavastha atyadhik avashyak hoti hai. iske lie veting rum ke pas uttar ki disha upyukt hoti hai. kintu, dhyan rahe, yahan jal jamav ya gandgi n rahe, anyatha unnati men badha aegi. is sthan par taeylet ka nirman bhi nahin karvana chahie. peyajal hetu uttar disha se ishan kon tak ka bhag bhi uttam hota hai. kuradan: saf-safai men kuredan mahatvapurn bhumika nibhate hain. vastu ke anusar kuredan dakshin disha men rakhne chahie. dhyan rahe, ye dhake rahen tatha sirhiyon ke niche n hon. kuredan lanbe samay tak bhare nahin hone chahie. inki safai roj honi chahie. is tarah kisi aspatal ki vanchit unnati ke lie uska nirman upar varnit niyamon ke anurup karna chahie.
Kya aapko lekh pasand aaya?
Subscribe