kisi bhi ghar, aefis ya udyog ko vastu sammat banane men aise anekanek bindu evan niyam ate hain jab ki ek niyam manen to dusre niyam ki upeksha hoti hai. kisi bhi ghar ya aefis ko purnataya vastu sammat banana to sanbhav hi nahin ho pata. kai bar paristhitivash bhi vastu niyamon ka palan kathin ya asanbhav ho jata hai.
aisi sthiti men jo niyam adhik faldayi hote hain, unhen chunna hi uchit hai. yadi ishan v nairritya kon men thik se niyamon ka palan kar liya jae, to vah sthan anukul aur upyogi ho sakta hai. kin niyamon ka palan kaise karen, aie ek drishti men dekhen.
ishan bara v khula hona
ishan men vastu purush ka mastishk mana gaya hai. yadi ishan bandha ho, ya sthan kam ya kata ho, to mastishk kam nahin karta. nirnay galat ho jate hain. mehanat karke bhi labh nahin hota. is kon ko sarvada svachch v sugandhamay rakhna chahie taki ghar men adhik se adhik urja ka pravesh ho. is kon men jal srot ya favvara bhi uÿam hota hai, lekin gande pani ka nikas is or se nahin hona chahie.
iske atirikt yah kon anya sabhi sthanon se nicha hona chahie. niche hone ke karan barish ka pani isi or se bahar niklta hai. yah shubh mana gaya hai, kyonki varsha ka pani purn shuddh jal hota hai. isi or chapakal ya bhumigat pani ki tanki hona bhi shubh hai. sakaratmak urja sadaiv prapt ho islie daiv pratishtha bhi isi kon men ki jani chahie. yadi ishan thik ho, to mansik kasht, dhan ka apavyay v svasthya sanbandhi kasht nahin hote hain. is or chatkile v halke rangon ka upyog karna chahie.
nairritya uncha v sukha hona
nairritya kon men vastu purush ke pair hote hain. vastu purush sthir rah sake islie yah kon thos, uncha v sukha rahna chahie. yadi kon nicha hota hai, to rahne vale nishchay hi rog ka shikar ho jate hain. yadi yah khula ho, to sakaratmak urja ka nikas ho jata hai aur nakaratm urja jatak ko rogi bana deti hai. chor adi us sthan par kabja kar lete hain. yadi is kon men pani bahta ho, to vyay barh jate hain. keval nairritya evan ishan kon ko sahi rakha jae, to adhikansh vastu dosh dur ho jate hain. airritya kon men bhukhand avashya hi samkonik (900 ka) hona chahie. koi bhi bhavan nirman pahle isi kon men kiya jae evan baki konon se 1-2 fut adhik rakha jae, to nirman doshmukt rahta hai aur koi vyavdhan nahin ata.
pani ki tanki
pani ki tanki bhavan ko bhar pradan karti hai. atah tanki ko nairritya men rakhne ko manyata di jati hai. lekin nairritya kon hamesha sukha rahna chahie aur vahan kisi tarah ki gatividhi nahin honi chahie. pani ki tanki se pani ki gati bani rahti hai. kabhi pani rista hai, ovaraflo bhi karta hai jisse kon sukha nahin rah pata. agni kon men pani nahin hona chahie. brahmasthal khula evan halka hona chahie. ishan, purva v uÿar bhi halke hone chahie. atah pani ki tanki ko dakshin, pashchim ya vayavya kon men hi rakhna shreshth hai. lekin bhumigat shuddh jalashay yathasanbhav ishan men rakhen aur septik taink vayavya ya pashchim kon men hi banaen.
sirhiyan
vastu niyamon ke anusar nairritya anya sabhi konon se bhari aur band hona chahie. chahl-pahal ya gatividhi ishan men honi chahie aur nairritya sthir ya ruka hona chahie. isilie nairritya men bhandar grih ko sabse adhik manyata di gai hai. yadi nairritya men sirhiyan bana di jati hain, to yah kon bhari aur uncha ho jata hai. lekin gatividhi evan kisi bhi tal par pravesh sthan nairritya kon ho jata hai. isilie sirhiyan nairritya men shubh nahin hotin, apitu ishan men sabhi talon par supravesh pradan karti hain.
shahron men chote bhukhand hone ke karan pravesh samne se hi rakhna parta hai. yadi bhukhand ishan, uÿar ya purvamukhi ho, to sirhiyon ko ishan kon men rakhna uÿam ho jata hai. isse pravesh dvar v ishan men gatividhi ke niyam achchi prakar se lagu ho jate hain. unchai adhik n ho iske lie chat tak sirhiyon ko n le jakar uchchatam tal tak hi le jaen. chat ke lie sirhiyan uchchatam tal se kisi aur kon se le jaen jaise dakshin ya pashchim se. anyatha chat par nairritya bhag men ek kamra bana den taki sirhi ki unchai ka dosh bhi n rahe.
besment
vastu niyam ke anusar dakshin ya pashchim bhukhand par bhavan adhikanshtah nairritya, dakshin ya pashchim ki or banaya jata hai, taki ishan, uÿar ya purva khula rahe aur nairritya adhik bhari ho. yadi bhavan ke niche hi besment bana diya jae, to ishan uncha v bhari ho jata hai. atah ya to besment purva v uÿar men bhavan se adhik bhukhand ki sima tak banaen ya ishan men besment se adhik gahra pani ka taink banvaen. purva ya uÿar ke galiyare men besment ki satah v chat donon niche rakhi ja sakti hain taki bhumital par yah sthan parking adi ke lie upyog men laya ja sake. sath hi bhavan ke niche besment ko hava v roshni ke lie sthan prapt ho sake.