vastu evan vriksharopn  

vastu evan vriksharopan pan. sharad tripathi vastu nirman men vrikshon evan lataon ka apna vishesh sthan hai. kintu vartaman samay men narad sanhita, yajurved aur kautilya ke vastu niyamon ke anurup vriksharopan ke niyamon ko ganbhirta se nahin liya jata. bhavishya puran, agni puran, padm puran, narad puran, bhagavat gita, ramayan, shatapath brahman, tantrasar, yognighantu adi mahagranthon men mantramhoddhi vrikshon evan lataon ke anek sthanon par varnan ate hain. padm puran men ullekh hai ki kuane ya jalashyon ke pas pipal ka vriksh lagane matra se vyakti ko saikron yagyaon ka punya prapt hota hai. iske sparsh se chanchla lakshmi prasann hoti hain. iski pradakshina dirghayu banati hai, iske darshan matra se vyakti ka chiÿa prasann hota hai aur uske papon ka ant ho jata hai. ashok ka vriksh lagane se shok se mukti milti hai jabki pakar ka vriksh yagyatulya fal pradan karta hai. jamun ka vriksh kanya ratn ki prapti aur maulsiri ka vriksh kul ki vriddhi karata hai. chanpa ka paudha saubhagyadayi aur katahal ka vriksh lakshmipradata mana jata hai. nim ke per se suryadev ki kri pa ke sath-sath dirghayu ki prapti hoti hai. vastushastra ke anusar pipal, bar, nim, nariyal, chandan, supari, bel, am, ashok, haldi, tulsi, chanpa, bela, juhi, anvla, angur, anar, nagkesar, maulsiri, harsingar, genda, gulab adi per paudhe atyant shubh mane jate hain. shastron men purva disha men baragad, pashchim men pipal, uÿar men kaith athva ber aur dakshin disha men gular lagana shubh mana gaya hai. ghar ki vatika men ishan men katahal, am, tatha anvla rnaitya men jamun tatha imli, agni disha men anar tatha vayavya men bel ka vriksh shubh shubh hote hain. ghar men kantedar paudhe nahin lagane chahie, kyonki kantedar fal-ful tatha vriksh shatruta ke karak hote hain. narad puran, narad sanhita, raj nighantu, naryni sanhita, vrihad dhrushrut, sharda tilak, mantra maharnav, shrividya parva adi vibhinn granthon men vyakti vishesh ki rashi tatha nakshatra ke anusar vriksharopan ke ek nishchit kram ka ullekh hai. yadi koi apni samathrya, sthan ki suvidha adi ke anurup purvabhimukh hokar tatha panchopchar pujan vidhi dvara vriksharopan kare, to use daihik, daivik tatha bhautik sabhi vyadhiyon se mukti milegi. yadi kinhin abhavon men vyakti vriksharopan ka sanpurn kram sanpann nahin kar pata, to use apni rashi athva nakshatra ke anusar kam se kam ek vriksh avashya lagana chahie. isse n keval paryavaran men sudhar aega, apitu vastu doshon ka bhi nivaran hoga. janm lagn ke anusar vriksharopan jahan vriksharopan lagn kram men karna ho, vahan purva disha men apne lagn ka vriksh laga na chahie. yahan se ghari ki viprit disha men kram se anya vriksh lagaen. ye aytakar, vargakar athva vriÿaakar kisi bhi kram men lagae ja sakte hain. jaise yadi lagn mesh rashi men udit ho, to sabse pahle khadir arthat katthe ka vriksh lagaen. fir kramshah 2 ke sthan par gular 3 ke sthan par apamarg adi. ye kisi bhi akriti men lagaen. nav grah vriksharopan vidhi vargakar akar men hi akriti ke anurup vriksharopan karen. dhyan rahe, pipal ka vriksh uÿar disha men ho. janm nakshatra ke anurup vriksharopan jinhen apna janm nakshatra gyat ho, ve vastu ke niyamon ke anurup us nakshatra se sanbandhit vriksh kahin bhi laga sakte hain.