vastu badlen bhagya badlega pan. mahesh chandra bhatt aj bhautiktavad ke is yug men avas ki samasya ek jatil samasya ho gai hai. sukhamay jivan ki chah lie am admi is mul avashyakta ki purti hetu jaise-taise paise jor bhi leta hai, to yah jaruri nahin ki use uske manonukul vastusammat ghar mil hi jae. samathryavan log bhi samyabhav ke karan aur agyantavash vastusammat bhavan nahin bana pate. fir ban chuke bare bhavnon ko tor-for kar doshmukt karana kathin hota hai. islie vastushastra men bina tor-for kie vastu men parivartan ke upay die gae hain, jinmen se kuch pramukh upayon ka vivaran yahan prastut hai. ishan ka kona hamesha svachch v khali rakhna chahie. dhyan rahe, yahan shauchalay kisi bhi halat men nahin ho. ghar men agni ka sthan vastusammat disha men hona chahie. agni ka sthan agney kon hai, atah rasoighar yathasanbhav ghar ke dakshin-purva disha men banana chahie. chulha uttara-purva disha men nahin hona chahie. mukhya dvar ya khirki se chulha dikhai nahin dena chahie anyatha parivar par sankat ane ki sanbhavna rahti hai. pani ka bartan rasoi ke uÿar-purva ya purva men bharakar rakhen. ghar men pani sahi sthan par aur sahi disha men rakhne se parivar ke sadasyon ka svasthya anukul rahta hai aur sukh-samriddhi men vriddhi hoti hai. pani ka sthan ishan kon hai atah pani ka bhandaran athva bhumigat taink ya boring purva, uttar ya purvottar disha men honi chahie. pani ko upar ki tanki men bhejne vala panp bhi isi disha men hona chahie. dakshin-purva, uÿar-pashchim athva dakshin-pashchim kon men kuan athva tyubvel nahin hona chahie. iske lie uÿar-purva kon ka sthan upyukt hota hai. isse vastu ka santulan bana rahta hai. anya disha men kuan ya tyubvel ho, to use bharva den, aur yadi bharvana sanbhav n ho, to uska upyog n karen. nahane ka kamra purva disha men shubh hota hai. dhyan rakhen, ghar ke kisi nal se pani nahin risna chahie anyatha bhukhmri ki sthiti paida ho sakti hai. ovar hed taink uÿar aur vayavya kon ke bich hona chahie. taink ka upri bhag gol hona chahie. makan banate samay hava evan dhup ka vishesh dhyan rakhna chahie. nirman is tarah hona chahie ki hava aur dhup sardi aur garmi men avashyakta ke anurup prapt hoti rahen. sone ke kamre men, aur khasakar vivahit jore ke kamre men, pujaghar kadapi n banaen. yadi sthanabhav ke karan aisa karna hi pare, to pujasthal ko har taraf se parde men rakhen. puja-sthan sada saf-suthra rakhna chahie. ise uÿar-purva arthat ishan kon men hona chahie. puja-ghar men kimti vastuen, dhan adi chipakar n rakhen. sote samay sirhana dakshin-pashchim kon men dakshin ki taraf hona chahie. is prakar sone se nind gahri v achchi ati hai. yadi dakshin-pashchim disha men adhik dvar ya khirkiyan hon, to unhen band karke unki sankhya kam kar deni chahie. mukhya dvar ya khirki ke samne setelait ya dish entina ka hona pranik urja ko nasht karta hai, atah ye chijen is sthan par n lagaen. bhavan men khirkiyan adhik hon, to grihasvami ka svabhav chirchira hota hai. islie kuch khirkiyan hamesha band rakhen aur sabhi khirkiyon par parde lagaen. mukhya dvar badha rahit hona chahie arthat uske samne bijli ke khanbhe, transfarmar jaisa koi avrodh nahin hona chahie. yadi makan dakshinmukhi ho, to ghar ke mukhya dvar par chandi ki thori patti lagaen, labh hoga. purva-uÿar disha ka bhag yadi uncha ho, to dakshin-pashchim bhag men koi nirman karya kara len taki uÿar-purva disha ka bhag nicha ho jae. ghar ki chat par charon konon men tulsi ke gamle rakhen, isse makan par bijli ke girne ki sanbhavna kam rahti hai. pashchim disha men baithakar bhojan karne se santosh, sukh v shanti milti hai. atah bhojan kaksh pashchim men hona chahie. yadi yah sanbhav n ho, to daining tebal pashchim disha men lagaen. apni dukan ya daftar men uÿar-purva men kuch sthan khali rakhen. daftar ya dukan men pashchim v dakshin disha men adhik saman, almari, farnichar, rikard adi rakhen. svayan uÿar-purva ki or munh karke baithen. aksar dekhne men ata hai ki karyalay ya ghar men kuch n kuch anavashyak athva kam upyogi saman pare hote hain. unhen idhr-udhar fenkna ya rakhna n keval bhadda lagta hai, balki haniprad bhi hota hai. bhari ya anavashyak saman ko dakshin disha ya rnaitya kon men rakhen. yahan kisi devi-devta ka chitra n lagaen. ise pani v silan se bhi bachaen. arthat stor-rum ko bhi saf v vyavasthit rakhen. yadi bhavan ka dakshin-pashchim bhag nicha ho, to dakshin-pashchim kon men kafi uncha ti.vi. ka entina lagaen, tatsanbandhi vastu dosh dur ho jaega. is bat ka khas dhyan rakhna chahie ki almariyan khirki ke bahar se dikhai n den. chek buk, baink aur vyapar ke kagjat, nakad, abhushan adi almari ki tijori men is prakar rakhen ki vah dakshin ya rnaitya ki or n khule anyatha dhan ki hani hogi. tijori shayanakaksh men nahin rakhen. yadi rakhni hi ho, to dakshin bhag men is tarah rakhen ki uska munh uÿar arthat kuber ki disha ki or khule, dhan labh hoga. ghar men nau din tak bhagvan ke akhand kirtan karaen, dosh se mukti milegi. mukhya dvar ke upar sindur se nau angul chaira svastik ka chihn banaen. iske atirikt yah chihn ghar ke vastu dosh se grast sabhi sthalon par banaen. ramayan, mahabharat ya yuddh darshate chitra, rakshas, churail ya bilkhte bachchon ka ya vibhishika darshata koi chitra ya murti n lagaen, aur yadi pahle se laga ho, to use yathashighra hata den. arjun ko gita ka gyan dete krishn ka chitra bhi n lagaen. anyatha parivar ke sadasyon men vaimanasyata ho sakti hai. bachchon ke kamre men safal vyaktiyon aur mahapurushon ke chitra lagaen. parivar ke svargavasi vyakyion ke chitra dakshin-pashchim men lagane chahie. ghar men giddh, ullu, siyar, kaue, suar, sanp, baj adi ke chitra kadapi n lagaen. ghar ke piche khali jagah ya bagicha ho aur koi pahar, bhavan ya abadi nahin ho, to yah shubh nahin hai. vastu ki drishti men aisa bhavan asurakshit rahta hai. ghar ki uÿar aur purva dishaon men khirkiyan, dvar, jal aur baramda adi banvaen aur khuli jagah rakhen. dhyan rakhen, ghar ka koi bhag golakar n ho. dhyan rakhen, parosi ki vashing mashin, sukhte kapre adi apke ghar ki khirki se dikhai n de. ghar mane chanpa, maniplant, chandan, anar, tulsi adi ke paudhe lagaen, vastu dosh dur honge. ishan kon men pile rang ke ful lagane chahie. tulsi ka paudha vastu dosh nivaran ke lie sarvoÿam hota hai. yah paudha ramnvmi ke din angan men chabutra banakar lagana chahie. adhyayan kaksh ke ishan kon men bachchon ke lie pine ka pani rakhen. yahan apne ishtadev ki tasvir lagaen. adhyayan kaksh ki divar par bare darpan n lagaen. adhik tasviren bhi n lagaen, kintu bhagvan ganesh aur man sarasvati ki tasvir avashya lagaen. yadi ghar ki kisi kanya ka vivah nahin ho raha ho, ya usmen koi vighna-badha a rahi ho, to use ghar ke vayavya kon vale kamre men sulaen. mehman ghar se jane ka nam nahin le rahe hon, to unhen vayavya kon ke kamre men thahraen. karj jyada ho, to bhumi ka dhalan ishan kon ki or kar den. yadi dhalan pahle se hi ho, to rnaitya kon ko thora uncha kar den, karj ki samasya sulajh jaegi. ghar ka ishan kon dushit ho, to parivar men anek samasyaen ati hanai. is dosh se mukti hetu ek ghara barsat ke pani se bharakar use mitti ke bartan se dhak kar ishan kon men daba den. dvar kholte hi sirhiyon ka dikhai dena ashubh hota hai. yadi apke ghar ki sirhiyan is sthiti men hon, to unke madhya ek parda laga den. yadi shayanakaksh ya palang men kanch lagvaya ho, to rat ko sote samay us par parda dalen. palang ko divar se satakar n rakhen. sote samay sir dakshin ki taraf rakhen aur pair pravesh dvar ki or n rakhen. divaron ka rang gahra ho, to grihasvami tatha parivar ke anya sadasyon ka svabhav ugra hota hai aur krodh par unka niyantran nahin hota. islie apne ghar ki divaron ka rang apni rashi ke anukul kintu halka rakhen. yadi ghar ke agney kon men vastu dosh ho, to vahan agni ka saman rakhen. sath hi vahan lal rang ka balb har pal jalae rakhen. ghar ke pashchimi bhag men dosh hone par us bhag men shani yantra ki pranapratishtha karakar sthapit karen. sath hi dvar par kale ghore ki nal lagaen. bhukhand vahi khariden jiska dhalan purva, uttar ya ishan men ho. ghar men bijli ke saman, ti.vi., frij, myujik sistam, ghariyan adi chalu avastha men hone chahie. inka band hona parivar ki unnati ke avruddh hone ka suchak hai. yadi apka svasthya thik nahin rahta ya ap svayan ko furtila mahsus nahin karte, to bhojan karte samay plet ya thali dakshin-purva disha arthat agney kon ki taraf rakhen aur surya ki taraf munh karke bhojan karen. telifon sada dakshin-purva men rakhen. is disha men telifon rakhne par vah jaldi kharab nahin hota. dhan sanbandhi kagjat jaise chek buk, pas buk, etiem kard adi ghar ke uttari bhag men rakhen. iske sath hi shriyantra ya kuber yantra bhi rakhen, dhan vriddhi ke srot banenge. ghar ke mukhya dvar ke samne devi-devtaon ke mandir nahin hone chahie, n hi ghar ke piche mandir ki chaya parni chahie. mukhyadvar ki chairai unchai ki adhi honi chahie. ghar ka mukhyadvar aur pichla dvar ek sidh men kadapi nahin hone chahie. mukhyadvar sada saf suthra rakhen. pipal, bar ya bahere ki lakri ka farnichar ghar men n rakhen, kyonki ye per pret badha aur ashanti ke karak hote hain.