grih sukh yog naresh vyas adhunik yug men sundar v susajjit avas ki chahat sabhi ko hoti hai. parantu sabhi ki yah abhilasha purn nahin ho pati. janm kundli men sthit grahon ki sthiti iske lie kafi had tak jimmedar hoti hai, prastut hai grih sukh evan grih badha dene vale yogon ki jankari... man u sh y k i m u l bh a ¬ut avashyaktaen tin hain- roti, kapra aur makan. do mulbhut avashyaktaen to kuch prayas se prapt ho jati hain, lekin tisri athar¬at makan ki prapti sabhi ko nahin hoti hai. janm kundli men jin shubh grah yogon ke karan jatak sarlta se uttam avas ka sukh prapt karta hai unka vishleshan is prakar hai. avas sukh janne ke lie chaturth bhav, chaturth bhav ke svami ki sthiti, us bhav par drishti rakhne vale grahon v uske karak grahon chandrama, budh adi ka adhyayan kiya jata hai. lagnesh ka sanbandh dvitiya bhav tatha chaturth bhav se ho arthat lagnesh in bhavon par drishti dale athva donon men se kisi men sthit ho, to jatak ko avas v sanpatti sukh milta hai. yadi chaturthesh dvitiya bhav men ho, to jatak parivar ke sath paitrik bhavan men rahta hai. chaturthesh kendra ya trikon bhav men uchch rashi men shubh grahon ke prabhav men sthit ho, to vyakti ka avas sundar, susajjit evan aramdayak hota hai. chaturthesh ke sath lagnesh ki yuti kendra, trikon ya dhan bhav men ho, to jatak apne prayason se apna makan banata hai. chaturthesh ay bhav men bali sthiti men ho, to jatak ko makan se dhan prapt hota hai. yadi shashthesh v shashth bhav ka sanbandh chaturth bhav chaturthesh se ho, to jatak rin lekar ghar banata ya kharidta hai. yadi chaturth bhav ya chaturthesh par shani ka prabhav ho, to jatak purana bhavan kharidta hai. aur yadi shubh grahon ka prabhav ho, to vah use sundar v susajjit bana deta hai. grih badha yog: yadi surya svarashi ke alava anya kisi rashi men chaturth bhav men sthit ho, to jatak ko uski sanpÿia se vanchit karata hai. chaturth bhav men nich rashi ka grah sthit ho tatha chaturthesh bhi nirbal sthiti men ho, to jatak ko sanpÿia se juri pareshaniyon ka samna karna parta hai. yadi vah ghar banva bhi le, to usmen sukhpurvak nahin rah sakta. chaturthesh evan chaturth bhav ka sanbandh dvadshesh v dvadash bhav se hone par vyakti apne avasiya bhavan par kharch karta hai. shashthesh ka ashubh prabhav yadi chaturth bhav v chaturthesh par adhik ho, to jatak ko grih sanpatti se sanbandhit vad vivadon ka samna karna parta hai.
Kya aapko lekh pasand aaya?
Subscribe