bhavan nirman purva avashyak hai bhumi parikshan rashmi chaturvedi kisi bhi bhukhand par bhavan nirman se purva uski mitti ka parikshan bhalibhanti kar lena chahie kyonki us bhavan ka adhar vahi bhukhand hota hai. bhavan ka adhar doshrhit hona chahie anyatha bhavan men vastu dosh paida ho jaenge jiske parinamasvarup us men rahne vale praniyon ko anek prakar ke kasht milne ki sanbhavna rahegi.
vyakti ajivan, saprivar sukhpurvak nivas ki kalpana karta hai. yah kalpana hakikat men tabhi badlegi jab bhumi ke gun-doshon ka vastushastra men pratipa¬dit niyam evan siddhanton ke anusar vivechan kar us par bhavan ka nirman kiya jae. vastushastra men mitti ke parikshan sanbandhi kuch siddhant evan vidhiyan batlayi gai hain. unke anusar yadi mitti sahi pai jae tabhi bhavan ka nirman karna chahie.
yadi mitti men koi dosh ho, to dosh ka nivaran karne ke pashchat hi bhavan ka nirman karna uchit hoga. vastushastra men bhumi parikshan ki kuch vidhiyan is prakar batlayi gai hain. bhukhand ke madhya men bhusvami ke hath ke map ke barabar ek hath gahra, ek hath lanba tatha ek hath chaira gaddha khodakar usmen se mitti nik.alne ke pashchat usi mitti ko punah us gaddhe men bhar dena chahie. aisa karne ke pashchat yadi mitti shesh bache to bhumi uÿam, yadi puri bhar jae to madhyam aur yadi kam par jae to adham arthat haniprad hai.
adham bhumi par bhavan nirman nahin karna chahie. bhukhand ke madhya men bhusvami ke hath ke map ke barabar ek hath gahra, ek hath lanba tatha ek hath chaira gaddha khodakar usmen jal bhar dena chahie. fir yah dekhna chahie ki jal bhara rahta hai ya tatkal shoshit ho jata hai. yadi jal turant shoshit n ho, to samjhen ki bhumi uÿam hai jal tatkal shoshit ho jae, to samjhen ki bhumi adham hai arthat nirman yogya nahin hai. jal bharte samay yadi jal sthir rahe to vah sukh shanti ka pratik hai. yadi jal dayin or ghume to bhumi sukhdayi aur yadi bayin or ghume, to shok evan rogkarak hai.
yadi gaddhe men bhara hua jal dusre din pratahkal tak bacha rahe, to vah bhumi shubh hoti hai. yadi jal n bache to vah madhyam aur yadi usmen dararen par jaen to ashubh hoti hai. bhumi ki khudai men yadi haddi, khopri, koyla adi vastuen niklen, to vah anek prakar ke kashton ko dene vali hoti hai. yadi usmen kauri, rui, jali hui lakri adi vastuen niklen to yah rog evan shok pradan karne vali hoti hai. khudai karne par yadi usmen chinti evan dimak ke bil ya ajagar niklen, to us par makan banane se uska sthayitva prabhavit hota hai.
atah aisi bhumi par nirman karna uchit nahin hai. kintu yadi aisi bhumi par nirman avashyak hi ho, to uska shuddhikaran kara lena chahie. bhumi ki khudai men kuch gahrai par yadi patthar nikle to bhumi dhandhanya ki vriddhi karne vali hoti hai aur yadi inten niklen, to arthik rup se labhdayak v sukhdayi hoti hai. yadi tanba nikle, to samriddhidayak hoti hai. bhumi ka parikshan bij bokar bhi kiya ja sakta hai.
bijaropan ke uprant yadi uska ankur sahi samay par nikle, to vah bhumi uÿam aur ankuran nahin ho, to ashubh hoti hai. jis bhumi men ankur nahin ho us par par bhavan ka nirman nahin karna chahie. is prakar vibhinn vidhiyon ke madhyam se mitti ke shubhashubhatva ka vichar kiya jata hai.
vastushastra men thos evan chikni mitti bhavan nirman ke lie shubh batlayi gai hai kyonki aisi bhumi par gurutvashakti ke prabhavavash nirman sthayi hota hai jabki iske viprit retili evan poli bhumi par bana bhavan asthayi hota hai. bhumi ka parikshan karte samay doshyukt bhumi ka shodhan kar lena chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!