adhyayan ki ekagrata hi vidyarthi ko apne lakshya tak le jati hai. aj vidyarthi pratiyogi parikshaon ke lie din-rat ek kar parhai karte hain, aise men unka kaksh yadi vastu siddh anton ke anurup bana ho aur vahan ka vatavaran khushnuma ho to mastishk par behad sak¬aratmak prabhav parta hai, kaise aie janen...
vastu shastra ke anusar purva, uttar evan ishan dishaen gyanavardhak dishaen kahlati hain, atah adhyayan uttara-purva ya ishan disha ki or munh karke karna chahie. yadi kisi karanavash adhyayan kaksh pashchim disha men bhi ho, to parhte samay munh uparyukt dishaon ki or hi hona chahie. vigyan ke anusar infrared kirnen uttari purvi kon arthat ishan kon se hi milti hain, ye kirnen manav sharir tatha vatavaran ke lie atyant labhdayak hain.
ye sharir ki koshikaon ko shakti aur man ko ekagrata pradan karti hain. adhyayan kaksh aisa ho, jismen adhyayan ki har suvidha upalabdh ho. usmen kitabon ki raik ho aur mej aisi ho jis par avashyak lekhan samagri ke alava likhne ki paryapt jagah ho. divaron par mahapurushon ke chitra aur unke vachan adi bhi laga sakte hain. sath hi yadi mej par fulon ka gamla rakhen, to vatavaran aur bhi svabhavik hoga.
iske atirikt adhyayan kaksh men ek buk shelf ke alava avashyak fail, rajistar adi rakhne ki puri jagah ho. pen, pensil, flapi adi rakhne ke lie divaron par lagae jane vale shelf ka prayog kiya ja sakta hai. adhyayan kaksh ki dekhbhal bhi samy-samay par karte rahni chahie. kitabon ko vyavasthit karna aur unhen yathasthan rakhna bhi kisi kala se kam nahin hain. kitaben aur anya vastuen yadi tartib se rakhi hongi, to unhen khojne men samay nasht nahin hoga.
adhyayan kaksh men dastabin ka hona avashyak hai jismen kagaj ke tukre, purani rifil gair jaruri saman adi dale ja saken. pustaken sadaiv rnai tya men rakhen. rnaitya men sthan ka abhav ho, to dakshin ya pashchim disha men bhi rakh sakte hain. adhyayan kaksh men mej ke samne ya pas mane aina n rakhen. mej bim ke niche nahin honi chahie. mej sada purva disha ki taraf rakhen, isse parhai men man lagega aur ekagrata men vriddhi hogi.
purva disha ki or munh karke parhna svasthya ke lie labhdayak hota hain. adhyayan kaksh men man sarasvati ki tasvir lagaen evan aradhya dev ka foto ishan (uttari-purvi ) kon men lagaen. kanpyutar agney (dakshin-purvi) kon men rakhen. yadi adhyayan kaksh bara ho, to laibreri bhi usi men bana sakte hain. adhyayan bara hone par kanpyutar ki vyavastha vahin karna uchit hoga. divaron ka rang halka nila, bhura, halka hara ya gulabi hona chahie. isse smaran shakti men vriddhi hoti hai. telifon vayavya ya agnikon men rakhen.
sarasvati bisa yantra evan hanuman kavach ka nitya path bhi vidya arjan ke lie labhkari hai. jo vidyarthi parhai men kamjor hon ve ekagrata ke lie stadi tebal par ejukeshan tavar ka istemal karen. sath hi uttar pashchim disha men glob rakhen tatha use din men tin bar avashya ghumaen. mata-pita athva abhibhavak chahen to kartikey ka svarup chah mukhi rudraksh bhi vidyarthi ko dharan karva sakte hain.
bachchon ko puja archana adi ke kriya kalapon men lagaen. dharmik chitron ke upyog se bachchon men samajik, manovaigyanik evan dharmik vichar utpann honge. evan man ko shuddh rakhne men madad milegi. adhyayan kaksh men, ya usse laga hua shauchalay ho, to uski saf safai ka vishesh dhyan rakhen.
jivan men jarurat hai jyotishiya margadarshan ki? abhi bat karen fyuchar point jyotishiyon se!