hastakshar kisi bhi vyakti ke vyaktitva ka ek aina/darpan hai jo usko uski parchain dikhata hai. isse kisi bhi vyakti ke star, charitra, yogyata ka akalan kiya ja sakta hai. prachin kal men rishi-muni hastakshar matra se hi jatak ke kul gotra ka pata laga lete the. hastakshar ek anusandhan/shodh ki vishay vastu hai ismen jitni khoj ki jae kam hai. hastakshar se kisi bhi vyakti ka bauddhik, shaikshik, charitra v kutnitigyata ka pata chalta hai. vyakti vyapari hai? vyakti prashasak hai? apradhi hai? ya rajnitigya in sabhi ka akalan hastakshar se kiya ja sakta hai. hastakshar ke nimn prakar am taur par pae jate hain. 1. sidhe spasht saral hastakshar 2. sidhi lain men kie jane vale hastakshar. 3. niche ki or jane vale hastakshar. 4. upar ki or jane vale hastakshar. 5. nonkdar hastakshar 6. ek akshar se niklte hastakshar 7. tej gati vale hastakshar 8. lanbe-chaire shabdon vale hastakshar 9. lain yukt hastakshar arthat hastakshar ke niche rekha khinchna. 10. halkapan vala hastakshar 11. sukshm hastakshar 12. gopniya shabdane vala hastakshar 1. sidhe, saral, spasht hastakshar sidhi lain men spasht shabdon se hastakshar karne vala vyakti bara, saf, nishpaksh dil vala hota hai. sath hi tarkashil bhi hota hai. aise vyakti prayah rajneta, prabandhak, prashasak v patrakar ho sakte hain. is shreni men hamare manniya purva pradhanmantri shri atal bihari vajpeyi ji v shri jaerj farnandis ke hastakshar ate hain. 2. sidhi rekha men kie jane vale hastakshar inki soch svavlanbi, duradarshi, paripakvata se paripurn hoti hai, parantu ye shakki hote hain, bat-bat par shak karna inki adat hoti hai. 3. niche ki or jane vala hastakshar niche ki or hastakshar karne vala vyakti prayah nirashavadi, tanavagrast, dipreshan ka shikar v nastik hota hai. uski sankirn mansikta hoti hai. ye satya se parhej karte hain. 4. upar ki or jane vale hastakshar hastakshar ko upar ki taraf le jane vala vyakti astik, satvik, ashavadi v shuddh vicharon vala hota hai. inke vichar shakti se paripurn hote hain v ye nidar hote hain. ye kriyashil hote hain. nishchal svabhav is hastakshar ka parichayak hai. is shreni men sachin tendulakar v jane-mane kartunist shri ajit pathak ji ke hastakshar ate hain. 5. nonkdar v nukile hastakshar nukile hastakshar karne vala v nonkdar shabdon ka prayog karne vala vyakti prayah jhagralu pravritti ka hota hai. kisi par vyangya karna v alochna karna inki adat hoti hai. aksar aise vyakti sansad ke andar dekhe ja sakte hain. 6. ek akshar se niklte hastakshar aise hastakshar karne vala vyakti hastakshar ko purn karne/smapt karne ke pashchat hi dekhta hai. ek hi shabd matra se vah purn hastakshar karta chala jata hai. aise vyakti apne dvara kie gae kisi bhi karya ko shuru se ant tak purn karke hi dam lete hain. ye bal ki khal nikalne vale v iradon ke pakke hote hain. 7. tej gati vale hastakshar tej gati se hastakshar karne vala vyakti niji jivan men bhi tej gati vala hota hai, tej tarrar dimag vala hota hai. mandgti se hastakshar karne vale vyakti iske thik viprit hote hain. vo alsi, nimn jivan jine vale hote hain. inmen sahas ki kami hoti hai. ye abhayukt nahin hote hain. 8. lanbe-chaire shabdon vale hastakshar aise hastakshar karne vale vyakti viksit mansikta vale, paripakva, andhvishvas se koson dur rahne vale, pragtishil, chintak v nirantar prayasshil hote hain. ye sadaiv age ki socha karte hain. is varg men hamare vishvavikhyat dhavak milkha sinh, svargiya shrimti indira gandhi v mashhur filmi kalakar svargiya shri pran iske jivant udaharan hain v is varg men ate hain. 9. lainyukt hastakshar jo log hastakshar ke niche rekha khinch dete hain arthat andrlain kar dete hain aise vyakti nishthavan, imandar v puri janch partal ke pashchat hi hastakshar karte hain. aise vyakti durgami hote hain v pramanikta se paripurn hote hain. hastakshar ke niche adhi rekha khinchne vale vyakti prayah apne kam ki adhi hi janch partal kiya karte hain. inmen paripakvata ki kami hoti hai. inmen shaikshik star to hai par bauddhik nahin, ye dagamag svabhav vale heate hain. uprokt shreni men svargiya shri morarji desai, kaka hathrsi v nirja pramukh hain. 10. halkapan vala hastakshar aise hastakshar jinki likhavat halki ho, vo prayah prasannachitt, ekagrachitt, sahnshil v paryavaran premi hote hain. is varg men shrimti menka gandhi v da. ashok valiya ate hain. 11. sukshm hastakshar ek chote shabd men sanpurn nam ka samavesh v shakti se paripurn sukshm hastakshar jismen har prakar ki sahmti, adesh chupa hota hai. aise hastakshar amtaur par kisi shirsh adhikari knbn dh aikd dh chdadh bd ke hote hain. aise vyakti prayah kisi sanstha ke mukhiya, prabandhak, prashasak, bare babu hote hain. 12. gopniya shabdon vale hastakshar aise hastakshar karne vale vyakti prayah rahasyamyi pravritti, gurh vigyani, gyani,prakriti premi, puratatvapremi hote hain. inke hastakshar anek arth lie hue hote hain. ismen rachnatmakata ka vas hota hai. ye ashavadi hote hain. ye har pahlu ki janch karne vale hote hain. aise vyakti prayah vaigyanik, puratva vibhag men padasth v prakriti vibhag men karyarat hote hain. aise log gupt vidya ke bhi jankar hote hain. arthapurn hastakshar vale vyakti pratibha ke dhani hote hain.
Kya aapko lekh pasand aaya?
Subscribe