sarvapratham aisi likhavat ke bare men charcha karenge jiske akshar khule ya alg-alag duri par hote hain arthat pratyek akshar spasht v dur-dur hota hai. aise log purnataya svatantra prakriti ke hote hain, apna pratyek karya ya nirnay apni ichchanusar lete hain, inko apne upar kisi ka adhikar sahan nahin hota. ye khule dil ke hote hain. sate akshara: aise log jinki likhavat men akshar ek-dusre se chipak kar bahut najdik hote hain ye log sankochi prakriti ke hote hain, akele rahna pasand nahin karte, milakar rahte hain, milakar chalte hain. inki vichardhara sankuchit hoti hai. apni bat khulakar nahin kahte. n svatantra rahte hain n kisi ki svatantrata inko pasand hoti hai. ye shaki bhi hote hain. - jin logon ki likhavat men bilkul bhi dayen bayane aksharon ka jhukav nahin hota vo log achche, tarkik, vyavharik hote hain. saral svabhav v saf dil ke hote hain. - aise log jinke aksharon ka jhukav dayin taraf hota hai ye log samanyatya sabhi karya chupakar karna pasand karte hain. jinke akshar gol-gol hote han ve log rachnatmak evan kalakar pravritti ke hote hain. - jinke aksharon ki banavat tikhapan lie hue hoti hai arthat nukili, ye log bahut hi buddhiman, tikhe svabhav ke, tej svabhav ke hote hain sath hi bahut hi jigyasu pravritti ke hote hain. - jinki likhavat ke akshar bahut jure se hote hain ve log bahut tarkik, vyavasthit evan bahut buddhimani se nirnay lene vale hote hain. - jinki likhavat men t akshar bara hota hai ve log bahut hi mahatvakankshi, ashavadi, ichchaon se yukt aur sammanit hote hain. - jinka t madhyam akriti men likha jata hai, ye log atmavishvasi evan svayan ko karya karne men sahaj mahsus karte hain. - jinka bahut lanba rekha par kar jane vala t hota hai ve log drirh nishchayi, takatavar bahut jiddi hote hain, jivan ka ek samay bahut kathin gujarte hain. - jinka yah akshar bahut chota hota hai ve log bahut alsi evan kamjor drirhnishchay shakti vale hote hain. - jin logon ka o akshar thora khula aur band hota hai ye log batuni, samajik evan apni bhavna ko spasht karke kahne ki yogyata rakhte hain sath hi kuch chupate bhi hain. - jinka o akshar pura gol, chota hota hai ye log apni bat bahut kam batate hain. antarmukhi svabhav ke hote hain. apni vyaktigat bat kisi ko bhi batana kam hi pasand karte hain. - jin logon ke s akshar ki banavat niche se golai liye hoti hai ve log khush rahna pasand karte hain aur vyarth ki varta se v jhagron se dur rahte hain. - jinka s akshar niche se nukila sa nikla hota hai ve bahut hi tej, buddhiman v mahattvakankshi hote hain. ye log har vishay ki unchaiyon ko chuna pasand karte hain arthat choti ko chute hain. - bayin taraf jinki likhavat men antar hota hai ye log bhutkal men jite hain arthat apna bita kal yad karte hain. apne kathin samay ko nahin bhulte. - dayin taraf jinki likhavat men antar hota hai ye log kisi anjane bhay se grasit rahte hain aur lagatar kisi bat ke lie chintit rahte hain aur bhavishya ki chinta karte rahte hain. - jo log samanya antar se pure pej par likhte hain ve shant svabhav ke, aram se jivan vyatit karte hain, unka dimag sthir hota hai lagatar jivan men ek disha men karya karte hain. - jinki likhavat men jyada jor diya hota hai arthat dabav dekar jo likhte hain ye log bhavuk, uttejak, hathi, spashtavadi hote hain. ye log turant kisi bat ka ek samikshak ki tarah uttar dete hain. - jinki likhavat jyada jor dekar nahin likhi jati arthat halke hath se likhi ho ve log bhavuk, kisi bat par jor dekar bat karne vale hote hain. in logon men sharirik kshamata ki kami hoti hai. - aspasht lekhni vale log adhairyashil, jaldabaj aur samay ko vyarth ganvane vale hote hain. - dhire-dhire likhne vale vyakti jyada achche sanyojak evan vishvasniya hote hain. - chote v tang l likhne vale sankochi evan tanavyukt hote hain. darpok evan gupt svabhav ke hote hain. - bara chaira l likhne vale bahut shant v aram dayak hote hain. apni bat spasht rakhte hain aur asani se sabke sath samayojan karte hain. - tang e likhne vale log bhavnaon ka adar nahin kar pate evan bahut soch vichar karte hain. ati sankochi evan bhayagrast rahte hain. - bara e likhne vale khuli mansikta vale hote hain tatha prasann rahte hain. jivan ko jite hain, naye-naye anubhav grahan karte hain, mast rahte hain. - jinki likhavat ka i bara hota hai ye log bahut mahatvakankshi visheshakar kalpanashil hote hain. uttam yojnaon ka nirman karte hain. - yadi i ka jhukav bayin taraf hoga to let latif, jhijhkne ki pravritti hogi. - yadi i ke likhavat men dayin taraf jhukav hoga to karo ya maro arthat jo kaha hai us par adig rahenge. - jin jatkon ki likhavat niche se upar ki or hoti hai arthat aksharon ke niche se upar ki or jate hain ve log dharmik astha rakhne vale evan ashavadi hote hen.
Kya aapko lekh pasand aaya?
Subscribe