film jagat men shreshthastariya saflta prapti hetu shukra ka mahatva sarvopri hai. shukra ka mahatva islie adhik hai kyonki yah kala, film, glaimar, sangit adi ka karak hota hai. shukra aur budh ke bali aur yogkarak hone par is kshetra men saflta prapt karne ki adharbhut yogyata prapt ho jati hai. jyotish men budh grah ko abhinay ka karak mana jata hai kyonki budh grah ke karan jatak n keval vakpatu v hajir javab hota hai apitu kisi bhi prakar ki avdharna, sanvedna aur jivan ki natkiyata ko apni abhivyakti ki yogyata, bhav bhangima aur spasht v dhara pravah bhashan shakti dvara shighra hi pradarshit kar deta hai. hasya aur vyangya men to budh grah se prabhavit jatak ka javab nahin. budh ko abhinay, shukra ko kalatmakata tatha chandrama ko kalpana ka karak mana jata hai. kalakar ke lie kalpana sabse bara vardan hai. kala ke kshetra men kuch naya ayam sthapit karne ki yogyata, kalpana shakti ke shreshth hone par hi a sakti hai. yadi kalakar kalpana shakti vihin hoga to uski performance men kuch nayapan nahin a paega. vah hamesha ek hi prakar ka pradarshan kar paega. isilie behatar parinam prapt karne ke lie aur kuch alag kar pane ke lie chandrama ka bali hona bhi atyant avashyak hai. is prakar shukra, budh aur chandrama ka bali hona apko nishchit rup se safal kalakar bana sakta hai lekin sabse age rahne ke lie ya film dayrektar banne ke lie in grahon ke atirikt guru ki prabalatam sthiti vishesh sahayak ho sakti hai. kalakar banne ke lie jin bhavon ka adhyayan kiya jana chahie unmen pancham bhav sarvadhik mahatvapurn hai. iske atirikt lagn bhav v uske karak v svami ko bhi shubh hona chahie kyonki in sabke bina vyaktitva prabhavshali nahin ho paega. kundli men abhinay v abhivyakti ka bhav tisra ghar hota hai aur is bhav ka lagn bhav se sanbandh hona jatak ki abhinay kala ko parishkrit karega. abhivyakti men vani ka mahatva nirvivad hai islie kundli men dvitiya bhav, dvitiyesh v vani ke karak grah adi ke mahatva ko nahin nakara ja sakta. nishkarshatah ekting kariyar men saflta ke lie shukra, budh, chandrama, guru v pratham, dvitiya, tritiya tatha pancham bhav men sandar sanbandh hona chahie. rashiyon men abhinay, hasya v vyangya ke karak budh grah ki rashiyon arthat mithun aur kanya ka bali hona shubh hota hai.
Kya aapko lekh pasand aaya?
Subscribe