m admi parti arthat ap ke sanyojak arvind kejrival ajakal n keval har vyakti ki rajnitik charcha ka vishay hai balki aj desh ki rajniti ko hilane ka dam rakhte hain. anna andolan se chamke arvind isse pahle 2006 men ghotalon, bijli, pani jaisi samasyaon ke lie sangharsh karne vale samajik karyakatrta mane jate the. unhonne hi ‘suchna ke adhikar’ ar. ti. ai ko sahi istemal karne ka tarika sikhaya aur sarkari vibhagon men faile bhrashtachar ko ujagar karne ke lie bara abhiyan lane ke lie unhen 2006 men reman maigsese avard se bhi sammanit kiya gaya. eshiya ke nobal puraskar kahe jane vale is avard ko pane ke bad arvind ke hauslon ko nai uran mil gai. unhonne desh men faile bhrashtachar aur am admi ki dikkaton ko dur karne ke lie sangharsh men apna guru anna hajare ko banaya. 16 agast 1968 ko hisar ke sivni kasbe men janme arvind bachapan se vilakshan pratibha ke dhani the aur 1989 men unhonne ai. ai. ti. khargpur se maikenikal injiniyaring ki aur pahle tata kanpni men kam karne ke bad 1992 men bhartiya prashasnik seva ki pariksha men baithne ke lie naukri chor di aur 1995 men bhartiya rajasva seva men chaynit ho gaye. inkam taiks men naukri karne vale arvind ka moh bhang 1999 se hona shuru hua jab apne hi vibhag men vyapt bhrashtachar se unhen rubru hona para. kejrival lanbi chutti par chale gaye parantu ghar valon ke dabav men karib 18 mahine bad dobara naukri jvain karne ke bad bhi unka man vahan nahin laga aur unhonne am logon ki samasyaon ko suljhane ke lie ‘parivartana’ namak svayan sahayta samuh ka gathan kar liya aur isi samuh se ve logon ki am dikkaton ko dur kiya karte the. 2006 men unhonne naukri se istifa de diya aur usi sal unhen maigsese avard se navaja gaya. arvind kejrival ka sahi utthan 2011 men hua jab ve anna hajare ke sannidhya men ae aur anna ko apna guru man kar ve desh ko janlokpal dilane vali muhim men shamil ho gaye. arvind kejrival aur anna hajare ki jori ne dilli aur desh ke yuvaon ko is muhim se jorte hue andolan ko nai dhar de di thi. is andolan ke bad arvind ko yah ahsas ho gaya tha ki yuva varg ko jorakar ve bari rajnitik takat ke taur par sthapit ho sakte hain. natijan aktubar 2012 men unhonne rajniti men utrne ka nishchay kiya. lekin ismen unhen anna ka sath nahin mila. arvind ne apni parti am admi parti ke nam se shuru ki aur dilli ki sabhi 70 vidhan sabha ki siton par chunav larne ka ailan kar diya. bhajpa aur kangres donon ne arvind aur unki parti ko halke men liya jiska natija chunavon ke bad aya. arvind ki parti ne dilli ki 70 siton men se 28 par am admi ka paracham lahra kar jahan dilli ki satta se kangres ko dur kar diya vahin bhajpa ke mansubon par bhi pani fer diya. aur ab n n karte hue sarkar banai hai. janta ka dubara samarthan prapt karke evan kangres ka samarthan bina kisi shart ke, balki apni sharton par, mukhyamantri ki kursi sanbhali hai aur ate hi janta ke hit men pani aur bijli ki daron men bhi katauti kar charane or se vahvahi bator rahe hain, ise kahte hai sabhin nachavat ‘ap’ gosain. aiye dekhen kya kahte hain arvind kejrival ke sitare arvind kejrival ki janmakundli men lagnesh shukra chaturth sthan men shubh sthiti men hai jisse inki nirnay shakti achchi hai aur apne sabhi nirnay soch samajh kar lete hain. lagn men chandrama apni mul trikon rashi men balvan sthiti men sthit hai jiske falasvarup inka manobal achcha hai aur achchi kalpana shakti hai jisse ye bhavishya ki yojnaon ko banane men safal rahte hain. chandrama, tritiya bhav ka svami hokar lagn men sthit hone se inhen parishram karne ki apar kshamata hai. chandrama se guru chaturth sthan evan guru se chandrama dasham hone se gajkesri yog bhi ban raha hai jo atyant shubh hai. saptam v dvadash bhav ka svami mangal tisre parakram bhav men apni nich rashi men hai parantu rahu se drisht hai aur tisre bhav ka karak hone se arvind rajniti men mahatvapurn bhumika nibha rahe hain lekin nich hone ke karan dusron ke dvara kiye gaye kam ka labh adhik uthayenge aur inhen apne shatru se savdhan rahna hoga. chaturth bhav se janta ka vichar kiya jata hai. is bhav men chaturthesh surya apni mul trikon rashi men panchmesh budh, lagnesh shukra v labhesh brihaspati ke sath bahut balvan sthiti men hai isi ke karan inki samajik karyon ke sudhar ke prati abhiruchi barhi tatha inhen janta se is karya ke lie apar jan samarthan bhi prapt hua. agast 2004 se inki brihaspati ki mahadsha aranbh hui. brihaspati inki kundli men chaturth bhav (janta ke bhav) men labhesh evan ashtamesh hokar sthit hai jiske karan janta ki bhalai ke lie inka adhik rujhan barha aur apne sabhi faisle ganbhir chintan ke sath kie. yahan budh surya se buddhaditya yog bhi nirmit ho raha hai aur shani nich hokar bali ho gaye hain. arvind ji ke karmakshetra ka vichar karen to karmesh v bhagyesh shani vyay bhav men apni nich rashi men sthit hain. lekin shani par naisargik shubh grah guru ki drishti hai aur vah vakri bhi hai jiske karan ye garibon, majduron adi ki samasyaon v manav adhikaron ke lie sangharsh kar rahe hain aur karte rahenge. inka shani navansh men bhi apne vargottam navansh men sthit hai aur usko badhkesh dosh hote hue bhi badhkesh dosh nahin lag raha hai kyonki shani vyay bhav men sthit hai aur apratyaksh rup men shubh fal de raha hai. iske atirikt navansh kundli men grahon ki sthiti bahut shubh hai jahan ek or shani shukra vargottam navansh men vahin budh mangal sva navansh men sthit hai tatha surya uchch navansh men hai jiske falasvarup inhen achanak apratyashit saflta prapt hui. kundli men kai mahattvapurn yog bhi vidyaman hain jaise bhagyavan yog, maharaj yog, raj yog, gajkesri yog, pushkal yog, buddhiman yog, shreshth yog, dhairyavan yog, pratibhavan yog, punyakarmi yog, samman yog nishkapat yog, vidvan yog, pratapi yog, prabal smaran shakti yog, tivra buddhi yog, vashi yog adi bahut mahatvapurn yog vidyaman hai. lekin inki kundli men kalasarp yog bhi vidyaman hai. rahu chalit kundli men shani ke sath barhven bhav men sthit hai jiske dvara yah sanket spasht hai ki inke rajnitik safar men utar charhav adhik dekhne ko milenge. iske atirikt jis rashi men shani nich ke hokar baithe hain us rashi ka svami mangal bhi apni nich rashi par sthit hai jiske karan yah apni nitiyon ko spasht nahin karenge aur gupt rup se apne labh ke lie anya rajnetaon ki tarah sam, dam, dand, bhed ki rajniti karenge. apne nirnay buddhi se achchi tarah taul kar niji svarthon ko bhi dhyan men rakhakar apne nirnay lanege. vartaman samay men guru men shukra ki dasha chal rahi hai. shukra lagnesh hone ke sath shashthesh bhi hai islie is samay kuch matbhed v samasyaen a auskti hain aur vaise bhi guru men shukra ki dasha bahut achchi nahin jati hai. arvind kejrival ne sarkar to bana li hai par unki rah asan nahin hogi aur janta se kie gaye sabhi vadon par khara utrna kafi dushkar hoga. parakram bhav ke nich mangal ki karm bhav bhav par drishti hone se ye apne nirnay par sthir nahin rah payenge aur bar-bar unmen parivartan karenge. jaise- pahle kaha tha ki ham n to samarthan denge n hi lenge. isi tarah sarkari avas ke sath bhi nirnay men fer badal hoti rahi. is tarah se nirnayon ki asthirta janta ke vishvas ko bhi asthir kar sakti hai. shapath grahan kundli ap parti ki shapath grahan kundli dvisvabhav lagn ki hai aur lagnesh brihaspati bhi dvisvabhav rashi par hi sthit hai jo yahi sanket deti hai ki yah sarkar panch varsh ka karyakal shayad hi purn kar pae. chandra ki pratyantardasha men chunki chandrama ashtam bhav men rahu aur shani ke sath hai arthat julai 2014 tak sarkar ki sthirta par pratikul prabhav par sakta hai. karmesh brihaspati chaturth bhav men hone se yah sarkar lok kalyankari yojnaon ko lagu karne men prayasarat rahegi. dusri or karm bhav men shashthesh surya aur saptamesh budh ki sthiti ke karan virodhi paksh ke tikhe hamle jhelne parenge aur sarkari kamkaj men bhi badhaen ayengi. kundli ka labhesh shani ashtam men tatha ashtamesh labh bhav men sthit hone se sarkar ko arthik sankton ka samna bhi karna par sakta hai lekin parivartan yog ke karan sarkar jor-tor ki niti se arthik sroton ko barhane men bhi safal ho sakti hai. loksbha chunav, ap aur arvind kejrival: vartaman samay men arvind ji ki brihaspati ki mahadsha men shukra ki antardasha tatha brihaspati ki pratyanrdasha 16 march 2014 tak chalegi. iske anusar abhi samay thik hai par age 16 march ke bad brihaspati mane shukra men shani pratyantardasha 18 agast 2014 tak rahegi. is avdhi men unke kamkaj par prashn chihn uth sakte hain aur unki pratishtha men bhi kami a sakti hai. halanki gochar men shani shubh hai jiske karan inhen age loksbha ke chunav men bhi samanyarup se saflta prapt hogi parantu dilli jaisa karishma dikha payenge- iski sanbhavna kam hai.
Kya aapko lekh pasand aaya?
Subscribe