kisi vyakti ke vyaktitva ke bare men yadi hamen pata karna hai to ham uske baedi laingvej se jan sakte hain. vyakti ke antrik bhavon, svabhav adi ki abhivyakti bahya sharirik angon ke dvara vyakt hoti hai. hastakshar tatha likhavat bhi vyakti ke antrik bhavon, vyaktitva, uske svabhav tatha antahkaran ki abhivyakti hi hanai jisko mastishk ke adesh se hath dvara sanpadit kiya jata hai. vyakti ki likhavat uske vyaktitva ka aina hoti h jiske dvara vyakti ki manovritti, mahatvakankshaon, charitra ke bare men bahut kuch pata lagaya ja sakta hai. samaj men lok maryada ke karan vyakti ko vishesh vyavhar karna padta hai jiske karan pratyek vyakti ke prayah do rup hote hain ek to uska vastavik vyaktitva hota hai jabki dusra vyaktitva vah samaj ke lie dharan karta hai. hastakshar vyakti ke vyaktitva ka sanpurn aina hota hai jismen uske vyaktitva ki vastavik parchain dikhayi deti hai. vyakti ki likhavat tatha hastakshar vyakti ki hath ki likhavat uske rojamarra ke vyaktitva ko darshati hai jabki uske hastakshar uski mahatvakanksha ko batate hain . vyakti ke hastakshar samaj men uske vyaktitva ko pradarshit karte hain. samaj kis tarah se uske vyaktitva ko dekhta hai tatha vyakti samaj men kis tarah se apne ko prastut karta hai. islie kabhi-kabhi vyakti ke likhavat tatha uske hastakshar men bahut adhik antar paya jata hai. likhavat vyakti ki casual wearing ko batati hai jabki hastakshar uske wearing for special event maamadaj ko batati hai jo ki samaj men apne ap ko special rup se prastut karne ke lie hoti hai. dhan sambandhi mamlon men bhi hastakshar kafi mahatvapurn bhumika nibhate hain. vartaman men adhikansh log dhan kamane ke lie bahut mehanat kar rahe hain aur dhan kama bhi rahe hain. lekin bahut prayason ke bavjud bhi bachat nahin ho pati hai jiske karan unko pareshaniyon ka samna karna parta hai. dhan sambandhi karyon men hastakshar ki avashyakta hoti hai aur yadi apke hastakshar jyotish ke anusar shubh hain to apko dhan-paison ke sanbandh men labh prapt hota hai. lekin yadi apke hastakshar jyotish ke anukul n hokar doshpurn hain to apko dhan ki samasya ka samna karna par sakta hai. dhan sambandhi samasya se bachne ke lie apko jyotish shastra ke anusar hastakshar ke sambandh men kuch baton ka dhyan rakhna jaruri hai. in baton ko apnakar ap kuch hi dinon men apni dhan sambandhi pareshaniyon ko kam kar sakte hain . jo vyakti dhan sambandhi samasya se jujh rahe hain ve apne hastakshar ke niche ki or puri lain khinchakar uske niche do spasht bindu bana den sath hi apne mata-pita ka ashirvad len. apke hastakshar men ye parivartan apke baink bailens ko barhane men safal prayog hoga. hastakshar ke vishleshan dvara vyakti ke atm svarup ka nirdharan kiya ja sakta hai. hastakshar vyakti ke samajik yogyata, hunar, sthayitva, atmavishvas, atmasaman tatha kis tarah se apne ap ko dusron ke samaksh dekhte hain adi batate hain. hastakshar ki pramukh baten dhyan dene yogya hain jaise ki shabd bayen se dayen, dayen se bayen ki or barh rahe hain, pratham tatha antim shabd ke akar men antar, pratham akshar kitna bara ya chota hai, yadi kuch atirikt jora gaya hai, hastakshar ke upar, niche ya sidhe hastakshar, hastakshar par kitna dabav dala, uski lambai tatha chaidai, vyakti ki likhavat tatha hastakshar ka sambandh tatha anya hastakshar sambandhi vivaran. vyakti ki likhavat tatha hastakshar men sanbandh maharshi parashar ne apne ganrath men aksharon ke svarup se unki bhasha ko spasht kiya hai jinke dvara ap apni likhavat tatha hastakshar ke dvara apne bare men jan sakte hain. frans ke vidvan minko ne bhi is vidha par vistrit rup se adhyayan kiya hai. yadi vyakti ki likhavat tatha hastakshar men koi antar nahin hai to iska abhipray hai ki vyakti apne vyaktigat (private) v samajik (public) jivan men ek jaisa hi hai. is tarah ke vyaktiyon ko kisi tarah ka mukhauta dharan nahin karna parta. jo andar se hai vahi bahar hai. lekin kabhi-kabhi aisa dekha jata hai ki hastakshar vyakti ki baki likhavat se thora bara hota hai jo ki yah darshata hai ki vyakti dusre vyaktiyon ke sath vyavhar ke samay ek svasth atm pratyay tatha atmavishvas ko dharan karta hai. lekin jab hastakshar likhavat se jyada bade hon to yah vyakti ki mahatvakanksha ko darshata hai. is tarah ka vyakti chahta hai ki samaj dvara use dekha v suna jaye arthat samaj vyakti ke astitva ko svikar kare v use mahatva de. jab hastakshar likhavat ki apeksha chote hon to yah vyakti men asuraksha ki bhavna ko pradarshit karta hai. aise vyakti sharmile svabhav ke tatha samaja/vyaktiyon ke bich men asahaj anubhav karte hain. hastakshar vishleshan is tarah ham vyakti ke hastakshar se uske svabhav ke bare men jan sakte hanai. vyakti ke hastakshar ka vishesh adhyayan nimn prakar hai: jab hastakshar men prayukt akshar niche se upar ki or jate hain to vah vyakti ashavadi tatha ishvar par astha rakhne vala hota hai. aise vyakti mahatvakankshi bhi hote hain. lekin jab hastakshar men prayukt akshar upar se niche ki taraf jate hon to vyakti nirashavadi tatha avyavharik hota hai. aise vyaktiyon men kuch bhavnatmak samasyaen bhi payi jati hain. is tarah ke vyaktitva vale vyakti se kam log mitrata karna pasand karte hain. jo vyakti hastakshar karte samay pahla akshar bara likhte hain ve vishesh pratibha shakti ke dhani hote hain. yadi pratham akshar bara tatha bad ke akshar chote, sundar aur vyavasthit dhang se banaye gaye hon jo ki dekhne men sundar lagte hain to aise vyakti apni vilakshan pratibha ke sath dhire-dhire kisi vishesh star par pahunch jate hain. in vyaktiyon ko jivan men sabhi sukh v suvidhaen bhi prapt hoti hain. lekin is tarah ke vyakti thode vilasi v sankochi pravritti ke bhi dekhe gaye hain. kuch vyakti hastakshar ke niche do lain bhi khinchte hain jo ki vyakti men asuraksha ki bhavna ko darshati hai tatha aise vyakti sanshyvadi pravritti ke hote hain. jo vyakti avyavasthit tarike se jaldabaji men hastakshar karte hain jo ki apthniya hote hain, aise vyaktiyon ke jivan men pareshaniyan ati rahti hain. is tarah ke vyakti mahatvakankshi aur mehnti hote hain parantu inko jivan men kai prakar ki pareshaniyon ka samna karna parta hai. aise vyakti vishvasniya nahin hote hain. is tarah ke vyakti prayah rajnitigya, apradhi, kutnitigya ya bare vyapari dekhe gaye hain. isi tarah mansik rup se asthir prakriti vale vyaktiyon ke hastakshar layabaddh nahin hote jabki nakaratmak vicharon vale vyaktiyon ke hastakshar samanya rup se kate hue dikhayi dete hain . isi tarah ek saral rekha men hastakshar karne vale vyakti saral, tarkik svabhav par saf dil ke hote hain. aise vyakti kisi bhi kam ko suniyojit dhang se karna pasand karte hain tatha inmen shighra faisle lene ki kshamata hoti hai. jo vyakti hastakshar ke ant men bindu ya daish lagate hain ve bhiru prakriti ke tatha shankalu hote hain. jo vyakti kalam par dabav dalakar likhte hain ve hathi, bhavuk, tatha uttejak lekin spashtavadi svabhav ke hote hain. ve vyakti jo bina kalam uthae ek hi bar men purn hastakshar karte hain gupt pravritti ke tatha rahasyavadi aur vad-vivad karne men chatur hote hain. jo vyakti avrodhak chihn ka prayog apne hastakshar men karte hain ve kunthagrast tatha alsi pravritti ke hote hain. tivragti se hastakshar karne vale vyakti pratyutpannamatitva tatha shighra karya ko karne vale hote hain. jin vyaktiyon ke hastakshar spasht hote hain ve vicharvan, paradarshi tatha khule man ke hote hain. shirorekha se hastakshar karne vale vyakti sajag, jagruk tatha buddhi ka sadupyog karne vale hote hain. isi tarah vyakti ki likhavat ke dvara bhi uske svabhav tatha vyaktitva ke bare men jana ja sakta hai. jaise ki bade aksharavali likhavat ke vyakti sadharntya ashavadi, utsahit, srijnshil tatha vakpatu hote hain jabki chote aksharavali likhavat ke vyakti adarshavadi, buddhijivi hote hain tatha inki ekagrata shakti majbut hoti hai . hastakshar ke vishleshan ke dvara gun milan hastakshar ke vishleshan ke dvara ham vyakti ke bare men hi nahin jan sakte balki jivan sathi ke bare men bhi jan sakte hain. jin vyaktiyon ki janmapatrika n ho vo hastakshar milan karke apna jivan sathi chun sakte hain. donon ke hastakshar men jitni adhik samanta hoti hai utne hi adhik gun milte hain. is sambandh men kailigrafi men vistar se bataya gaya hai. janmakundali ke saman is taknik men bhi gun milan ki sarvashreshth sankhya 36 hai . hastakshar vishleshan ki yah taknik manovigyan ke siddhant par kam karti hai. vyakti ke vyaktitva ka har pahlu uske likhavat aur hastakshar men ubharakar ata hai. iske lie jaruri hai ki vyakti apne hastakshar bina ruke kare. is tarah se janmapatrika n hone ki sthiti men hastakshar vyakti vishesh ke bare men janne ka ek mahatvapurn srot hai .
Kya aapko lekh pasand aaya?
Subscribe