madhumeh rog  

madhumeh rog acharya avinash sinh adhunik yug men madhumeh ka prabhav sabhi umra ke logon par dekha ja sakta hai. yah vah mitha jahar hai jo yakrit aur klom ganrathi (paikriyaj) men garbri ke karan hota hai. klom ganrathi amashay ke niche bich men ari pari hoti hai jo pet ke upri bhag men sthit hai. isse insulin namak harmon nikalakar sidhe rakt men milta hai. yah rakt men upasthit sharkara (glukoj) ka aksikaran karke urja utpann karta hai. insulin ke karan hi rakt men glukoj ki matra ek nishchit star se adhik nahin barhne pati. jab kinhin karnon se klom granthi se niklne vale insulin ki matra kam ho jati hai ya uska niklna band ho jata hai to fir rakt sharkara ka chay-apachay thik dhang se n hone ke karan rakt men glukoj ka star barh jata hai. yah glukoj gurde dvara bhi puri tarah se avshoshit nahin ho pata, parinamasvarup mutra marg se bhi glukoj niklne lagta hai isi sthiti ko madhumeh kahte hain. madhumeh ka vargikaran evan lakshana: insulin ashrit madhumeh: is prakar ke rogi ko rakt glukoj par niyantran rakhne ke lie insulin ka injekshan lagvana parta hai. islie ise insulin ashrit madhumeh kahte hain. lakshana: bar-bar bhukh lagna aur peshab jana, vajan kam hona. peshab men atyadhik sharkara bah jana. sharkara par niyantran ke lie insulin par ashrit hona. insulin anashrit madhumeh: iske rogiyon ko insulin injekshan ki avashyakta nahin hoti. aisa madhumeh adher umra ya vriddhavastha men hota hai. iske bhi do prakar hain- mote vyaktiyon ka madhumeh samanya kad ke vyaktiyon ka madhumeh aise rogiyon men koi pratyaksh lakshan nahin milte. janch men achanak pata lagta hai ki rogi ko madhumeh hai. kuch rogiyon men madhumeh ke am lakshan jaise bar-bar peshab jana, bar-bar bhukh lagna, ghav n bharna, tvacha aur fefron ka sankraman bar-bar hona adi mil sakte hain. kuposhan janit madhumeh: kuposhan ke karan aise madhumeh ke rogi adhik dekhe jate hain. in rogiyon men kuposhan ke sath-sath khadyon men maujud vishaile tatva bhi madhumeh ke lie uÿardayi hote hain. yah rog anuvanshik bhi hota hai. madhumeh ke anya prakar: gurdon ki kharabi ke karan bhi madhumeh ho sakta hai. aisi sthiti men gurde bhi barik nalikaon dvara rakt ki sharkara ka pura avshoshan nahin ho pata aur sharkara mutra men maujud rah jati hai. vanshanugat hone ke karan aur man-bap men se koi bhi yadi madhumeh rog se pirit ho to bachchon ko bhi rog ki sanbhavna rahti hai. madhumeh ke gharelu upchar methi dana chah gram lekar kut len aur sany pani men bhigne ke lie chor den. pratah ise khub ghonten aur bina mithe ke pien. do mah tak sevan karne se madhumeh rog dur ho jata hai. taja belapatra ke panch paÿo tatha das kali mirch donon ko thandai ki tarah ghanetkr-pisakar pine se madhumeh rog dur hota hai. hare karele ko kutakar uska pani nichor kar panch tola pratidin pien. tamatar ka salad, tamatar ki bhaji aur ras ka sevan karne se madhumeh men labh hota hai. basant kusumakar ras ek-ek raÿai subh-sham karele ke ras ke sath len. shilajit ka sevan madhumeh ke rogiyon ke lie upyogi hai. chandraprabhavti ki do-do goli (guruchi-satva) ke sath subh-sham len. jamun ki guthli ka churn das gram, gurmar buti sau gram, saunth pachas gram, kharpare ke ras men pisakar barabar goliyan banakar subh-sham, ek-ek goli khaen. 20 gram jamun ki guthli aur khasakhas ke chilke ko pisakar chanakar subh-sham do-do gram chach ya pani ke sath sevan karne se labh hota hai. baragad ke akron ka karhe men shahad dalakar pine se madhumeh thik ho jata hai. palash ke fulon ka karha, mishri milakar ek mah tak pine se madhumeh thik ho jata hai. sadabhar ke paÿaon v jaron ko pisakar pine se madhumeh men labh milta hai. chokar ke 10 gram paÿaon ke sath 3 gram jira milakar, pisakar, ek pav dudh men milakar 15 din khaen,madhumeh men labh milega. devdaru, nagar motha tatha trifla ko barabar matra men lekar karha banakar subh-sham pine se madhumeh men labh milta hai. gur mar ke paÿo v jamun ke paÿo 5-5 gram lekar, karha banakar, subh-sham lene se madhumeh nasht ho jata hai. bilva ke paÿaon ka ras 2 gram, 7 din tak pratah lene se peshab men shugar ana band ho jata hai. daru, haldi, mulhthi, trifla tatha chijru ko barabar lekar, karha banakar, subh-sham, ek-ek kap pine se sab prakar se madhumeh nasht ho jata hai. babul, nim, jamun aur bel sabhi ke panch-panch paÿo, gurahal ke ful do sabko pisakar chan len aur sau gram pani men gholakar din men ek bar bhojan ke bad pien, madhumeh jar se dur ho jata hai. bhune chane 200 gram, bhuni lal fitkri 10 gram sabko barik pisakar rakh len. sote samay taje pani se khakar so jaen. char din men hi madhumeh men labh najar ayega. sitafal vriksh ki ek-ek paÿai pratidin pratahkal, chatni ki bhanti pisakar, gholakar 21 din tak pien. pratidin ek-ek paÿai barhate hue 3 saptah tak le jaen. madhumeh men labh milega.