sammohan upchar  

sammohan upchar je. pi. malik anekon log vishva bhar men vibhinn prakar ki vidhaon aur prakriyaon ka vibhinn karnon hetu prayog kar rahen hain. sammohan bhi in vidhaon men se ek hai jo ki log svayan v dusron ke upyog hetu prayog karte hain. yah prashn svabhavik hai ki koi sammohan ko kyon sikhe ya kyon iska prayog kare? is par tippani karne se pahle kuch aise savalon ke bare men batana jaruri hai jo ki mujhse anekon bar anekon vyaktiyon ne vibhinn pariprekshya men puche hain jaise ki- apne dost ya jivan sathi ki jankari ke bina unke rahasya janna; kisi samy-vishesh se juri yaddasht ko bhulna; jo bhi sochun, vahi sach ho jaye, bachchon ki adten unhen bataye bina badlna, apne baes ko kabu men rakhna, bagair mehanat ke karya pura karna, bina vyayam v khane ki parvah kiye bina vajan kam karna ityadi. is prakar ke prashn log sammohan ke bare men anuchit jankari ke karan puchte hain. vastutah sammohan koi alaukik shakti nahin hai balki yah to man ki ek aisi dasha hai jahan baten manne ki pravriÿia barh jati hai jiske madhyam se anekon sudhar kiye jate hain. is prakriya men vyakti purn bhagidar rahta hai tatha yadi usko bhulne ke lie nahin kaha jaye to puri prakriya ko yad rakhta hai. is prakriya men n to kisi jadu ka prayog hota hai, n kisi yantra-mantra-tantra ka prayog heata hai aur n hi kisi bahya shakti ya dava ka prayog kiya jata hai balki vyakti ki svayan man ki shakti ko upchar karne ke lie prayog kiya jata hai. sammohak to matra ek gaid ya draivar ki tarah disha-nirdeshan v disha-niyantran karta hai. ham apni adton ke nirman ke lie svayan jimmedar hote hain aur isi prakar svayan sudhar bhi kar sakte hain. bhalibhanti prashikshit koi manovaigyanik ya sammohak is puri prakriya ko sanbhavit badlav hetu sanchalit kar sakta hai. vyakti is prakriya men apne pure niyantran men rahakar vanchit badlav pata hai. avashyaktanusar sammohan upchar ki vibhinn prakriyaen prayog ki jati hain. log aksar buddhiman v buddhihin shabdon ka prayog karte hain lekin hakikat yah hai ki avchetan man sabhi vyaktiyon ka barabar shaktishali hota hai. sabhi samanya vyakti svayan upchar ki shakti rakhte hain. is vishvas ko jagane ke lie man ki shaktiyon ka prayog kiya jata hai. jab hamare pas shakti hai to uska prayog kyon n karen? yah sab sammohan dvara sanbhavit hai. adhikatar bimariyon ka manovaigyanik karan bhi hota hai. bimariyan hamare sharir v vyavhar men prakat hoti hai manovaigyanik karnon ko thik karne ke lie sammohan ya isi prakar ki manovaigyanik vidhiyon ka prayog kiya jata hai. hamara sharir to man ke hathon prayog kiya jane vala ek aujar matra hai. vibhinn bimariyon mane sammohan ka prabhav age ane vale ankon men kiya jaega. yah sarvamanya hai ki badlav ki prakriya hamare man se shuru hoti hai. kramash agle ank men...