tairo evan enjal kard riding ek tulnatmak vishleshn  

tairo evan enjal kard riding- ek tulnatmak vishleshan ravindar sinh tairo kard riding bhavishya janne ki ek prachin vidhi hai jo madhyakal se lekar vartaman samay men kafi prachlit hai. tairo kard riding ke prachalan ka ek mukhya karan, tairo se sanbandhit karyashalaon ki adhikta hi hai. log tairo kard par darshaye chitron se vismaya-vimugdh ho jate hain. yadyapi enjal kard riding pichle kuch dashkon se hi prachalan men ayi hai parantu iska itihas bhi kam prachin nahin hai. is ank men ham enjal kard riding evan tairo kard riding ke vibhinn pahluon ke bare men jankari prapt karenge. tairo-itihas evan prachln: tairo shabd angreji evan fransisi bhasha men paya jata hai jo italvi shabd tairochi se uddhrit hai. is shabd ko uÿari itli ki tairo nadi se jorakar dekha jata hai. kuch itihaskar tairo shabd ka srot arbi bhasha ke ‘‘turka’’ shabd ko bhi mante hain. ek dharna yah bhi hai ki tairo shabd harut aur marut jinka jikra kuran-e-pak men ata hai, se sanbandhit hai. khelne vale kard yurop men 14vin shatabdi men misra se aye. is kard par ajakal ke tairo kardon ki bhanti sut (shreniyan) hote hain. pratham gyat tairo kard 1340 aur 1450 i. men itli men nirmit kiye gaye the. in kardon ka nam ‘‘kat ya trayonfi’’ tha. shuruat men tairo kard ka upyog khel evan manoranjan ke lie kiya jata tha parantu dhire-dhire iska prayog bhavishya kathan ke lie kiya jane laga. halanki tairo ka janm itli men hua parantu inka prachalan itli ke mukable aur deshon men adhik hai. tairo ka janm bhale hi manoranjan ke lie avashya hua ho parantu ise jadu-mantra evan rahasyavad ke sath jorakar bhi dekha jane laga. vastutah yahin se tairo kard se bhavishya ke bare men janne ki vidhi ka janm hua. tairo kard dek: ajakal prachlit adhikanshat dek ‘‘tairo di marsels’’ dek par adharit hai. is dek ko nikolas konavar ne 1760 men chapa tha. aukalt athva gupt tairo dek ek etila namak fransisi rahasyavadi dvara banaya gaya tha. ise mejar athva mukhya arkana evan mainar athva laghu arkana men banta jata hai. mukhya arkana men 22 aur laghu arkana men 56 kard hote hain. mukhya arkana ke kardon men rang athva sut nahin hota. laghu arkana men char sut hote hain. laghu arkana ke har sut men 14 kard hote hain. halanki ajakal bhinna-bhinn prakar ke dek bajar men upalabdh hain parantu sabse prachlit dek redr-vet dek hain. adhikansh tairo kard dek men 78 kard hote hain. parantu kuch dek men 96 kard bhi hote hain. tairo vidhi: kuch logon ka yah manna hai ki tairo kard koi bhavishya nahin batate apitu ve hamen hamare avchetan man se jorne men sahayak hote hain. avechatan man hamare man ka vah bhag hai jo ki hamare bare men evan hamare as-pas ke vatavaran ke bare men samast jankari rakhta hai. tairo kard riding dvara avchetan man se jankari chetna men layi jati hai. tairo kard riding mukhyatah do prakar ki hoti hai. prashn sanbandhi riding khuli riding prashn sanbandhi riding men kisi vishesh prashn ka uÿar janne ka prayas kiya jata hai. yah bhutkal, vartaman athva bhavishya ke bare men ho sakta hai. khuli riding men jo bhi sandesh kard hamen dena chahen, vah sandesh riding dvara prapt prapt kiye jate hain. tairo kard riding men bhinna-bhinn prakar ke spred athva kardon ko ek samuh men banta jata hai. ek samuh men ek athva ek se adhik kard hote hain. inhen alg-alag tarike se bichaya jata hai. koi kard kya darshata hai yah is bat par nirbhar karta hai ki vah kard kis kram men hai aur uske as-pas kaun se dusre kard hain. yadi koi kard ulta hota hai to uska arth alag hoga. yadi vahi kard samuh men sidha hota hai to uska arth alag hoga. ek samuh se prashn ka uÿar dena in pechidgiyon se samajh men lipt hai. isilie tairo ko sanpurn rup se samjhane men kai varsh lag jate hain. tairo ridar satyapan ke marga: adhikanshtah ham pate hain ki amuk vyakti ne 2 ya 3 din ki karyashala men adhyayan karne ke pashchat tairo riding ka vyavsay shuru kar diya. yah am dekhne ko avashya milta hai parantu isse hamen tairo kard ridar ki vishvasniyata athva unke gyan ke star ka abhas nahin hota. is karanavash sanyukt rajya amrika evan kanada men tairo sartifikeshan bord ka gathan kiya gaya hai jiske dvara satyapit vyakti hi tairo kard riding ko apna vyavsay bana sakta hai. tairo sartifikeshan bord aef amerika dvara nimnalikhit satyapan kiya jata hai. sartifaid apraintis tairo ridar sartifaid tairo ridar sartifaid profeshanal tairo ridar sartifaid tairo kansltaint sartifaid tairo mastar sartifaid tairo insatrastar kanadiyan tairo esosishan dvara nimnalikhit satyapan kiya jata hai. apraintis tairo ridar tairo ridar profeshanal tairo ridar tairo kansltaint tairo mastar tairo instraktar tairo graindmastar in satyapan ke star se yah pata chalta hai ki tairo ka adhyayan kitna jatil hai aur ismen kitna samay nivesh karne ki avashyakta hai kisi tairo ridar se paramarsh lene se pahle yah janch lena jaruri hai ki unhonne tairo riding ka prashikshan kahan se prapt kiya hai aur unke pas kis star ka satyapan hai. halanki bharat men amrika evan kanada ke samanantar tairo bord nahin hain parantu yadi kisi tairo ridar ne uprokt sansthanon se satyapan prapt kiya hai to yah nishchit karta hai ki unke tairo riding ki jankari evan prashikshan kis star ka hai. enjal kard riding-itihas evan prachln: enjal kard riding ka udgam tairo ke saman kardon se hi hua hai. jaisa ki ham pahle dekh chuke hain ki tairo kard shuru men keval manoranjan matra ke lie hi nirmit kiye gaye the parantu dhire-dhire inka upyog bhavishya janne ke lie bhi kiya jane laga. tairo adi kardon par tasviren bhi bhinn kalon men bhinna-bhinn prakar ki najar ane lagin. inmen devi devtaon ityadi ke chitra bhi samahit hone lage. madhyakal men maikal enjilon ityadi chitrakaron dvara enjal ke chitra banaye jane se inka khub prachalan hua. in chitron men enjal ko pakshiyon ki bhanti pankhon ke sath darshaya jata tha. baibal ki purani pustakon men enjal ka varnan hai jo yah darshata hai ki enjal ki madhyakalin yurop men kafi manyata thi. log apni manokamnaon ko purn karne ke lie enjal ka sahara lene lage. iska prabhav us yug men chapne vale khelne ke kard evan tairo kard par bhi dikhne laga. yahin se enjal kard ke prachalan ki shuruat hui. ajakal apko bajar men bhanti-bhanti ke enjal kard dikhai denge. inmen sabse pramukh env prachlit kard dorin varchu dvara banavaye gaye hain. dorin varchu ne enjal par kai pustaken bhi likhi hain. unke atirikt iglaind men basi dayna kupar ne bhi kai prakar ke enjal kard ka nirman karvaya hai. kai kard jinmen enjal ke atirikt anya divya lok ke devi-devtaon ityadi evan pashu pakshiyon evan per paudhon ke enjal ke chitra bhi hote hain. yah kard hamen in jivnon evan praniyon ke sath jurne men madad karte hain. enjal kard riding vidhi: enjal kard riding tairo kard riding se is prakar bhinn hai ki enjal kard riding men keval ridar hi kard ko chu sakta hai. yah islie hai ki apki urja kard ko chune se use prabhavit karti hai. islie alg-alag logon ke chune par kard unki urja se lipt ho jate hain aur isse riding prabhavshali evan spasht nahin rah pati. enjal kard riding evan tairo riding men ek aur asmanta yah bhi hai ki jahan tairo kard riding adhikanshtah bhavishya janne ke lie upyog men lai jati hai kyonki enjal kard riding ke dvara kisi bhi samasya ko dur karne ke lie spasht evan kriyanvayan karne yogya kadmon ki jankari milti hai. aisa bhi paya gaya hai ki kuch log tairo kard par bane chitron ko dekhakar bhaybhit ho jate hain. yah keval mansik karan hai aur in chitron ka yah uddeshya katai nahin hai. enjal kard riding men kisi kard ke ulta athva sidha hone se koi antar nahin parta parantu tairo kard riding men kard ke ulta hone par uska arth badal jata hai. enjal kard ke sandesh hamesha utsahavarddhak evan sakaratmak hote hain. enjal kard riding satyapan ke marga: enjal hiling ke kshetra men dorin varchu evan dayna kupar ka vishesh ullekh hota hai kyonki is kshetra men unka yogdan abhutpurva hai. donon ne hi enjal hiling par kai pustaken likhi hain. donnon ne hi kai prakar ke enjal kard banaye hain. dorin varchu amrika ki nivasi hain. dayna kupar iglaind ki rahne vali hain. donnon hi hiling men satyapit prashikshan deti hain. inke dvara diye gaye prashikshan ko kafi sarahna mili hai. dorin varchu ke putra chalrs varchu bhi enjal hiling men prashikshan dete hain. ve kai bar bharat bhi a chuke hain. nishkarsha-kaun si vidhi behtr: tairo riding env enjal kard riding, donnon hi bahut spasht evan satik bhavishyavani karne evan avchetan man se chetan man tak jankari pahunchane men saksham hain. koi bhi vidhi dusri vidhi se kam nahin hai. yah riding karvane vale vyakti par nirbhar karta hai ki vah kis prakar ki riding karvana chahte hain. han, yah bat avashya dhyan rakhne yogya hai ki jisse bhi ap riding karvaen, yah avashya janch len ki unhonne manyata prapt srot se uchit prashikshan evan satyapan prapt kiya ho.