kaise manain bidesva men holi manasashri dae. hanuman prasad uttam holi tyohar n keval hamare desh men balki samast sansar men kisi n kisi rup men, alg-alag namane se manaya jata hai. holi ki hi bhanti isse milta-julta parva shrilanka, tibbat, amerika, yunan, afrika, polaind, misra, itli, svidan, jarmani, chekoslovakiya, myamar (barma), japan, inglaind, java, sumatra, malaya, chin, iran, frans adi sansar ke 90 se jyada mulkon men harsh, umang, anand, samta, vishvabandhutva, utsav ke rup men dhumgham se manaya jata hai. ashay yah hai ki yahi ek utsav aisa hai jab jan samuday holi ki ag men apni dushmani ko jalakar behad umang aur khushi se manate hain. chin chin men holi ka nam hai ‘fo shvei chye’ ya pani chapaka parva. ise vahan nav varshontsav ke rup men manaya jata hai. is parva ki umang tin dinon tak chalti hai tatha log ek dusre ko rangon evan jal se sarabor karte hain. jitna jyada jal jis vyakti par parta hai vah utne hi ashirvad ka adhikari hota hai. amerika amerika men holi ko ‘hobo’ ke nam se prativarsh 31 aktubar ki ratri ko manaya jata hai. is din yahan ke log umang se nachte-gate hain. bachchon ki toliyan khelne-kudne, nachne-gane tatha maskhri karne ke lie sthan-sthan par ekatra hoti hain. anek tarah ke svang rache jate hain aur huddang machaya jata hai. sabse jyada huddang karne vale ko paritoshik diya jata hai. rom prachin rom men ‘satar ne liya’ ke nam se ek tyauhar manaya jata tha. yah parva aprail mah men pure ek saptah tak manaya jata tha. is mauke par dasiyon ko kafi chut mil jati thi. ve apas men hansi-majak karti hi thin, apne svamiyon se bhi hansi men sankoch nahin karti thin. apne men se hi ve kisi ko nakli svami ke rup men chayan kartin tatha usse murkhatapurn agyaen jari karvatin. aj bhi rom men ‘redika’ ke nam se yah tyohar mai men manaya jata hai. ismane kisi unche sthan par kafi lakriyan ikatthi kar li jati hain aur unhen jalaya jata hai. iske bad log jhum-jhum kar nachte gate hain aur khushiyan mante hain. is avasar par atishbaji ke khel bhi khele jate hen. myamanr bharat ki tarah uske parosi desh myanmar men bhi ek dusre par jal fenkne ka utsav holi ki bhanti bare umang tatha utsah ke sath manaya jata hai. yah utsav aksar aprail mah men parta hai aur ise ‘tijan’ kahte hain. barmi bhasha men tijan parva bit rahe varsh ke antim mahine ke akhiri char dinon men manaya jata hai. is mauke par log ek dusre ko jal se khub sarabor karte hain. yah jal aksar striyan purushon tatha purush striyon par fenkte hain. jal ekadam saf hota hai. ismen koi rang nahin milaya jata. iski vajah yah hai ki jal fanekne se vigat sal ki gandgi dhul jaye aur nav varsh svachch rup le. han, yah jarur hai ki mitti ke patra men jise ‘ata’ kahte hain, ek khas ful tatha pattiyan bhi dali jati hai. is ful ka nam paduk hai. yah pile rang ka chamkdar ful bahut halki mahkvala hota hai. yah inhin dinon varsha ki halki bauchar ke pashchat khilta hai. barmi logon men yah lokokti hai ki is mauke par dhara par yaksh utrte hain. unke svagt-satkar ke lie isi jal ka prayog karna chahie. myanmar ke jalotsav ke sath pichle sal kie gae karyon ke sandarbh men manthan tatha bure kamon ka prayashchit karne ki rasm bhi sanlagn hai. isi se aksar log puja-path karte-karate hain. is mauke par pinjron men band pakshiyon ko bahar nikalakar akash men chorne ki bhi rasm hai. afrika afrika men marcha-aprail ke madhya manaya jane vala tyauhar ‘omen boga’ bhartiya holi ka milta-julta rup hai. is din yahan ke log bonga namak atyachari raja ka putla jalate hain tatha ek dusre par rang dalte hain. misra yahan ke adivasi kshetron men march ke tisre saptah men angaron ki holi kheli jati hai. is din adivasi ghane jangal men ek jagah par agni jalakar usmen purvajon ke bal tatha kapre jalate hain. adhjle holi ke angare ek dusre par fenke jate hain. unki manyata hai ki aisa karne se holika rakshasi ka ant hota hai. frans frans men holi ko ‘bevkufon ka parva’ kaha jata hai. is din jo bhi vyakti iske hurdang se bachne ka prayas karta hai uska munh kala kiya jata hai tatha sir par sing lagakar uska majak uraya jata hai. ghas-fus se nirmit murtiyon ko shahar men ghumaya jata hai tatpashchat unko jala diya jata hai. larke shor machate hue murtiyon ke charon taraf chakkar lagate hain. yunan yunan men bharat se milti-julti holi manai jati hai. holika dahan vale din yunan men bhi choti holi tatha iske agle din bari holi dhulendi ka samaroh hota hai. is tyohar par yahan ke log ek dusre ko pani se sarabor karte hain, rang uchalte hain, nachte-gate hain aur khub ho-halla machate hain.
Kya aapko lekh pasand aaya?
Subscribe