achchi karda-riding ke lie sahayak tips mul prashn ko kabhi ojhal n hone den. vichardhara ke ya vichar-manthan ke madhya men prashn ka sandarbh kabhi nahin badlna chahie. yadi bich men kuch prem sanbandhi kard a bhi jaen to dhyan mul prashn (man lijie karya-bhavishya) se prem-sanbandh par nahin jana chahie. mul vyakhya ek hi prashn ke sandarbh men honi chahie. yadi vyakhya ke dauran ap kisi dusre prashn ki taraf akrisht bhi hote hain to yathasamay usko bhi puchie, parantu (mul) prashn ke bad. do bar katai n puchen: prashn karta ke lie ek hi prashn ko ek din men dubara pucha jana varjit hai. uttar se santusht n hon to shant rahen. yadi kisi prashn ka pratyashit uttar nahin milta to yah isi jivan ka hissa hai jo manchahi gati se ek nishchit disha men nahin jata. hamesha yad rahna chahie ki uttar nirbhar hai us vakt karyarat urja ki tivrata ya spashtata par. bhavishya men parivartan to a hi sakta hai. urjaon men parivartan ke anusar bhavishya bhi parivartit hota jaega. yadi koi bat aj asantushti chorti hai to uske bare men kal ya dusre din pucha ja sakta hai. 3. achche prashn hi puchen han/na jaise prashn puchne ke bajae aise prashn puche jane chahie jinmen spashtata jyada ho. is prakar ke prashn se n sirf prashnakarta ki mansik sthiti jyada ujagar hogi balki anya sanlagn logon ka prabhav bhi spasht prakat ho jaega. 4. ‘han/na prashn ‘han/nan jaise prashnon ke lie 2 kardon vala spraid (ya bichav) sahi rahta hai. yah bichav in savalon ke lie bhi thik rahta hai jaise: nai vashing mashin kharidi jae ki purani ki marammat karva li jae? ityadi. 5. tairo karda-pathan ka mahaul mahaul ka arth hai bahri intjam aur antrik manahsthiti. iske lie panch prakar ki jarurten hoti hain yatha. (pa) khule dimag se vichar karen khule dimag ka arth hai bina kisi purvagrah ke puri tanmayata se bat sunna; bina kisi jhijhak ya ashankit manahsthiti ke jo chij ya suchna samne ae usko usi prakar grahan karna. yadi dimag khula rakhenge to apko vah sab kuch prapt hoga jiski ap kamna kar rahe hain. (pap) shant rahen tairo sandesh bahut hi sukshmata aur bariki se samne ate hain. yadi mashtishk shant nahin hoga to vah sandesh pakar men hi nahin aenge. mastishk ki sthiti vaisi hi honi chahie jaisi ki dhyan karte vakt hoti hai. (papp) satark rahen is sandarbh men shanti ka sahi arth hai dimag men uthne vale har vichar tatha kardon se prapt hone vale har sandesh ko grahan karne ki kshamata. kard ridar puri tarah satark rahne par hi un sabhi sandeshon ko pakar payenge. pahre par pahredar satark hote hain; tairo kard ridar ko bhi puri tarah shant evam chaikanna hona jaruri hai, tabhi satik bat kah sakenge. (paa) dhyan ko kendrit rakhen tairo pathan ya riding ke samay jab prashn samne ae to pura dhyan usi par kendrit rakhen. puri ekagrata se prashn ko samjhne ke bad uske samadhan ki sanbhavnaen khud v khud samne ane lagengi. samasya men puri ruchi nahin len to boriyat ka anubhav hoga. jo kard ridar ki mansik shakti aur prakhrta ko kund kar dega. (a) pure samman ka bhav rakhen samman ka arth hai kardon ko ek devi-sandesh ka vahak samajhakar unke prati puri shraddha aur samman ka bhav rakhna. yahan kard hi vah nimitt hain jo apko sahi sandesh denge. is paddhati men shraddha aur samman ki utni hi jarurat hoti hai, jitni puja men apne isht ka dhyan karte samay. yadyapi yah gun avashyak to hain parantu apriharya nahin. iske bagair bhi kard ka sahi pathan kiya ja sakta hai. parantu vah tarika samasyaprad jyada hai. antahchetna puri tarah jagrit hone par kardon ke sandesh ko sahi prakar se aur asani se grahan kiya ja sakta hai. kard satra praranbh karne ke purva manahsthiti par gaur karna jaruri hai. man shant aur dimag kendrit hone par hi kard riding karen. yadi aisa n ho to satra ko age ke lie talna hi shreyaskar rahega. bhitri mahaul ke alava puri saiting ka prabhav bhi bahut mane rakhta hai. yah satra kahan hona chahie? adarsh sthal to vahi hai jahan shanti ho, shor-sharaba n ho aur mastishk bhi jyada vyavasthit aur kendrit ho. andar tatha bahar donon taraf ek ‘pujyata’ ka bhav pratilakshit hona jaruri hai. islie yah kam nishchit taur par kisi relve pletfarm ya eyrport par nahin kiya ja sakta. tairo kard ridar ko kard riding apne ghar par hi karna chahie. iske lie ghar men hi ek kaksh surakshit kar lena chahie. bar-bar ek hi jagah kard pathan karne se us kaksh men svatah hi ek divyata ka samavesh ho jata hai. isi jagah yadi dhyan aur puja path bhi niyamit rup se hota rahe to daivi sandeshon ko grahan kar ek shubh vatavaran svayam hi srijit hone lagega. puri samrsta ke sath kard pathan karna apni antaprragya ko jagrit rakhna hi hai. yadi alag se kaksh ya kamre ki gunjaish n ho to, draing rum ya stadi rum ka koi kona is kam ke lie surakshit rakhna chahie. chahe to parda ityadi lagakar bahri vyavdhanon ko dur rakha ja sakta hai. sath hi sath aisa prayatn karen ki sab kuch sundar v sarthak lage. jin chijon ki jarurat par sakti hai unko apne pas hi rakhna chahie. kuch log kuch prakritik vastuen jaise shubh sip, patthar (shaligram patthar bhi) kristal tatha kuch shubh paudhe bhi rakh lete hain. koi tabij, rudraksh ya koi nag, apne guru ya isht ki murti ya tasvir ityadi ko pas rakh lete hain jinse unhen prerna prapt hoti hai. yadi koi laindaskep ya anya fotograf rakhna chahen to beshak rakhen parantu unke darshan se man men shanti ya ekagrata ka jagaran hona chahie. koi umda prakritik sinri/drishya, samudri vistar ya prakritik sushma dikhane vali peting aise mahaul men kafi prernadayak siddh hoti hai. halka sangit v mand raushni bhi mud ko srijnatmak v adhyatmik banane men sahayak hote hain. vaise yah vyakti-vyakti ke apne svabhav par bhi nirbhar hai. yun to jamin par asan par virajman hone se ek sthayitva ka bhav svatah hi jagrit hata hai, kintu yadi ayu ya anya sharirik kamiyon ke karan kursi-mej ka sahara lena pare to bhi kard ridar ka asan aramdayak hona chahie. yadi mej ho to vah patthar ya lakri ki honi chahie, lohe ya anya dhatu ki nahin. chahe ap jamin par asan jamaen ya kursi par, iska khyal rakhen ki usmen lagne vala kapra prakritik ho, kritrim nahin. reshmi, suti, garm kapra ya linan to thik rahega lekin nailaen ityadi urja ke sanvahak hone ke karan dhyan puri tarah kendrit rakhne men badha hogi. kapron ka rang bhi savdhani se chunane kyonki rang apni urjaen svayan sabit karte hain. kala, gahra nila tatha jamuni rang is kam ke lie sahi rahta hai. in kapron par koi dijain tatha paitarn nahin hona chahie to vah kardon ki chaviyon ko prabhavit kar sakta he, khas taur par prishthabhumi men parde ityadi par koi aisi dijain ya chitra hona chahie jo kardon ki chaviyon ko avrit kar sake. kardon ko sadaiv kisi kes ya dibbe men rakhna chahie. is savdhani se unki urja unhin men kayam rahti hai. yah kes ya avaran lakri patthar, sip ya kisi prakritik vastra ka ho sakta hai. kai log apne aise karda-kes svayan banate hain. ye kes aise resham ke thaile ho sakte hain jin par gulkari dvara prithvi-chand-sitaron ke chitra ankit hon. resham ka istemal islie kiya jata hai ki resham men ek shubhta aur bahumulya ka bhav nihit rahta hai. tairo kard jiske pas rahta hai vah uski svayam ki urja tatha charitra se prabhavit hota hai islie kard ridar ko apni gaddi ko sadaiv apne pas hi rakhna chahie kyonki yah kard vah yantra hain jo avyakt ko vyakt karne men sahayak hota hain tatha kisi ke man ko bhed kar uske rahasya ujagar karne ke lie guptachar ka karya karta hai. inse kard ek vyaktigat tadatmya sthapit hona chahie. is taiyari ke sath kardon ka pathn-pathan karte samay hone vale anubhvi kafi abhibhut karne vale hote hain. lekin us sabke lie aur kuch khas karne ki jarurat nahin hoti bas ekagrata se kardon ko parhen.
Kya aapko lekh pasand aaya?
Subscribe