kya kahte hai sitaron ke sitare  

kya kahte hain sitaron ke sitare? umadhar bahuguna amerika ke vartaman rashtrapti jarj dablu. bush ka karyakal 20 janvri 2009 ko samapt ho jaega. jaise-jaise yah din samip a raha hai, vaise-vaise n keval sanyukt rajya amerika men varan sanpurn vishva men logon ki jigyasa barhti ja rahi hai ki amerika ka agla rashtrapti kaun hoga. jyotishiya vishleshan se spasht hai ki barak husain obama hi honge amerika ke chappanaven rashtrapti. barak husain obama ki janm kundli men upasthit gajkesri yog, nich bhang rajyog, viprit rajyog, mahalakshmi yog, parashriya raj yog, sunfa ubhychari, prasiddhi yog, budhaditya yog adi is bat ki pushti karte hain. barak husain obama ka lagnesh shukra bhagya bhav men budh ki rashi men sthit hai, jo inke naitik, sadachari, sanskari evan lokapriya hone ka suchak hai. lagnesh shukra chandra aur budh-surya ke bich sthit hai, jo inhen vishvavikhyat, samajik aur lokapriya banata hai. inka dvitiyesh tatha saptamesh mangal labh bhav men rahu ke sath sthit hai. aise vyakti ka rajniti se sanbandh umadhar bahuguna avashya hota hai, isilie ye san 1996 men chunav jitakar prantiya sinet ke sadasya bane. us samay inki umra keval 35 varsh thi. ye san 2004 tak lagatar iske sadasya bane rahe. san 2005 se ye sanghiya sinet ke sadasya hain. parakramesh v shashthesh brihaspati apni nich rashi makar men rashi svami shani ke sath sthit hai. dashmesh chandra apni uchch rashi men sthit hokar ek sath kai rajyog (nich bhang rajyog, viprit rajyog tatha parashriya rajyog) bana raha hai. yahi karan hai ki ve chatur, vakpatu, achche vakta, adhivakta, kanun ke gyata aur kanun ke pradhyapak hone ke sath sath lekhak aur sanpadak bhi rahe hain. chandra ke ashtam men sthit hone se inki mataji ko asadhya rog ka samna karna para. is sthiti ne unhen bhavuk bhi banaya. chandra se dvitiya sthan men shukra ki sthiti bhi sunfa yog bana rahi hai jo vyakti ko samriddh evan vikhyat banata hai. pancham sthan ka ketu inhen samy-samay par khijh, hatasha aur uttejna deta rahega. dasham sthan men surya aur budh ke karan budhaditya yog, surya ke karan ubhychari yog tatha shani v budh ke karan parashriya rajyog ban raha hai. inke sath-sath ekadash sthan men rahu aur mangal ki yuti barak husain obama ko amerika ka chappanavan rashtrapti banne ka spasht sanket de rahi hai. obama ke pratidvandvi hain jaen sidni maiken. inka lagnesh-ashtamesh shukra labh bhav men surya ke sath sthit hokar ast evan krur ban gaya hai. lagn par shani evan ketu ki drishti bhi achchi nahin hai. ye donon grah karya siddhi men badhak sabit honge. is karan maiken ko ripablikan parti ki nitiyon ka khamiyaja bhugtna parega. dvitiya sthan ka brihaspati achche-bure prabhav deta rahega. yah brihaspati dhan aur kutunb ke lie achcha hai. yah viprit rajyog bhi bana raha hai, kintu yah bhay v rog bhi deta hai. maiken apne pita ki bhanti nausena men adhikari ke rup men karyarat rahe aur san 1981 men kaiptan ke pad se sevanivriÿa hue. parakram sthan ka rahu kuch arthon men achcha hai, lekin dhanu rashi men sthit hokar yah jatak ko ati mahatvakankshi evan duahsahsi bhi banata hai. isi karan ye rajniti men ae. chaturth sthan men chandra aur pancham men shani ke karan ye nausena men ae. shukra aur surya ki drishti rajyog karak hai islie ye rashtrapti pad ke ummidvar hain, lekin bhagya bhav ka ketu evan dasham sthan ka mangal donon inhen amerika ka rashtrapti nahin banne denge. labh bhavasth labhesh aur vyay bhavasth vyayesh donon viprit rajyog bana rahe hain, lekin bhagyesh ka vyay bhav men hona achcha nahin hai. yah sthiti achche parinam nahin degi. chunav ke samay budh ki vinshottari dasha men budh ka hi antar rahega. is prakar, grah nakshatra yog jaen sidni maiken ke lie achche nahin hain. ye sab unke chunav parinam ko gahre prabhaavit karenge.