santan sukh ke lie karen shashthi devi ka vrat ashok sharma shashthi devi ka vrat karne se santan ki hi prapti nahin hoti, apitu har prakar ke kashta-sankat, arisht adi ka bhi shaman hota hai aur sukh-samriddhi ki prapti bhi hoti hai. vad-puranon evan bhartiya sanskriti par likhi gai pustakon men anek vrat kathaon aur tyauharon ka varnan hai. skandpuran ke nard-narayan sanvad men santan prapti aur santan ki piraon ka shaman karne vala vrat- vidhan bataya gaya hai jo shighra faldayak aur shubhatva pradan karne vala hai. yah vrat vidhipurvak karne se santan ki prapti hoti hai. yadi santan ko kisi prakar ka kasht, rog, pira sankat, ghat, arisht ya manorog ho to yah vrat vidhanpurvak karne se usse bachav hota hai. vrat kab karen - yah vrat shukla paksh ki shashthi tithi ko kiya jata hai. varsh ke kisi bhi mas ke shukla paksh ki shashthi ko yah vrat aranbh kiya ja sakta hai. vaise chaitra mas ki shashthi ko is vrat ko aranbh karne ka prachalan adhik hai. vrat ke lie avashyak samagriyan- bhagvan shaligram ji ka vigrah, kartikey ka chitra, tulsi ka paudha (gamle men laga hua), tanbe ka lota, nariyal, puja ki samagri, kunkum, akshat haldi, chandan, abir, gulal, dipak, ghi, itra, pushp, dudh, jal, mausmi fal, meva, mauli, asan ityadi. vrat ka vidhan- ghar ke ishan kon men purvabhimukh ya uÿarabhimukh baithakar apne samne tulsi ke gamle men pile suti kapre par shaligram ji ki pratima rakhen. tulsi ke paudhe ke samip hi kartikey ka chitra aur tanbe ka lota pile kapre par rakh den. lote par nariyal bhi rakhen. sarvapratham ghi dalakar dipak jala len. fir vrat pujan tatha mantra jap ka sankalp karen. kalash par ganpti ka dhyan karte hue ’¬ gan ganptye namah’ mantra se unka pujan karen. fir shaligram ka ‘¬ namo bhagvte vasudevay’ mantra se aur ‘¬ shri vishnupriyayai’ namah mantra se tulsi ke paudhe ka pujan karen. pujan men samast samagri sabko prithk-prithak charhaen. ab kartikey ke chitra ka ‘¬ skanday namah’ mantra se pujan karen. kalash par sthit nariyal par ‘¬ hrin shashthi devyai svaha’ mantra se shashthi devi ka pujan karen. fal, mithai, meva, laung, ilaychi adi avashya charhaen. shashthi devi ke ukt mantra ka kam se kam 108 bar jap avashya karen. nitya pujan karke dipak jalaen tatha pratyek shashthi ka vistrit pujan karen. bhagvan narayan dvara batae gae shashthi devyastotram ka path bhi avashya karen. is prakar, vidhivat shashthi devi ka pujan kar mantra jap karen tatha ukt stotra ka nitya path karen. is stotra ke niyamit path se putra yashasvi, vidyavan, rog mukt aur dhan lakshmi ko prapt karne vala hota hai. iske prabhav se niahsantan ko santan ki prapti hoti hai.
Kya aapko lekh pasand aaya?
Subscribe