shri satyanarayan vrat  

shri satyanarayan vrat pan. brajkishor bharadvaj shrisatyanarayan vrat katha ka ayojan pratyek mas ki purnima tithi ko kiya jata hai. yah vrat satya ko apne jivan aur acharan men utarne ke lie kiya jata hai. is satyavrat ko koi manav yadi apne jivan aur acharan men supratishthit karta hai to vah apne bhitar bhagavadgunon ka adhan karta hai evam sanmurn sukh samriddhi v aishvaryon ko prapt hota hua jivan ke char purusharth dharma-arth kam-moksh ko siddh kar leta hai. kleshon se mukti prapti ka yah ek advitiya vrat hai. satyavrat ek tarah se satyagrah hai. shri bhagvan ko dharmik satyagrah atyant priya hai. aniti aur atyachar ke viruddh koi satyanishth vyakti yadi satyagrah karta hai to bhagvan uski raksha karte hain. vastutah mansa, vacha, karmana satya ko apne vichar evan acharan men dharan karna purn satyavrat hai. bhagvan ke satyasvarup ko janmanas men pratishthit karne ke uddeshya se ‘shri satyanarayan vrat katha’ ka ullekh puranon men varnit hai. yah katha yadyapi pujaparak hai, kintu katha ke madhyam se yah sandesh diya gaya hai ki satya hi narayan ka rup hai aur satyavrat ka palan karne se ham narayan ko prapt kar sakte hain. katha men shatanand brahman, lakrhara, ulkamukh raja, sadhu vanik aur tugdhvaj raja ka drishtant dekar hamen satyavrat ke palan ki prerna di gayi hai. shri satyanarayan vrat katha kathavachak arthat vyas ji shrota janon se kahte hain ki ek samay naimisharanya men shaunak prabhriti athasi hajar rishi gan ikatthe hokar apas men vichar kar rahe the ki mahaghor karal kalikal ane vala hai, atah kali men manushyon ko mahan duahkh prapt hoga. is duahkh rupi tap se bachane ke lie kya upay karna chahie. usi samay vyas ji ke shishya maharaj sut maharaj apni shishyamandali ke sath rishiyon ki sabha men upasthit hue. shaunkadik rishiyon ne unka svagat abhivadan kiya aur unse koi aisa jap-tap, puja-path batane ka agrah kiya jisse manovanchit fal ki prapti ho aur sabhi praniyon ko kashton se mukti mile. shaunkadi rishiyon ki chinta ke shamnarth maharaj sut ne yah katha sunai. ek samay bhakti ke avtar devarshi narad ji vibhinn lokon men vicharan karte hue mrityulok men ae. vahan unhonne sabhi praniyon ko vipannavastha men paya. ve atyant duahkhi aur chintit ho uthe. iske nidan hetu ve shri haridham pahunche aur vahan hari ko sashtang dandavat pranam kar unki stuti karne lage. bhagavan kamlapti ne devarshi narad ko hriday se lagaya. aur pucha- he nard! kis arth ke prayojan men apka agaman hua hai? apke man men kya hai? ap mujhse kahen, main yathochit uÿar dunga. narad ji ne apni vyatha sunai aur nidan batane ka anurodh kiya. is par shri hari ne mahan punya pradata, tatha sanpurn sukhon ko pradan karne vale satyanarayan ka vrat v pujan karne ka paramarsh diya. unhonne kaha ki bhagvan satyadev ka pujan nishthapurvak karne se vrati ki duahkhon se raksha hogi aur vah moksh ko prapt hoga. devarshi narad ji ne bhagvan ke madhuratimdhur vachnon ko sunakar pucha ki he kripalu bhagavan! is vrat ka kya fal hai? kya vidhi hai? kab karna chahie? kisne purva men ise kiya hai? yah sab vistar purvak kahie. narad ji ke snehpurn vachnon ko sunakar shri vishnu bhagvan bole ki is vrat ka fal yah hai ki yah sabhi prakar ke duahkhon aur kashton ka nash karne vala hai. is vrat se dhan-dhanya, samriddhi, aishvarya ,saubhagya tatha santan sukh ki prapti hoti hai. jis kisi bhi din manushya ke hriday, man tatha buddhi men pavitrata-nirmalata ka samavesh ho jae, usi din yah vrat aranbh karna chahie. ismen sankranti, ekadshi, purnamasi adi ki varjana nahin hai. parantu sayankal ki bela iske lie sarvoÿam bela hai. pujan ke samay bhagvan ke lie kele ke bahut se khambh lagakar mandap banaen. amrapallav ka toran bandhen, varun kalshadi ko sthapit kar divya sinhasan par bhagvan satyanaran ki pratima ya shaligram ki murti ki svasti vachan, sankalp, punyahvachan adi karte hue ganesh-gauri evan anya devtaon ki puja kar bhagvan satyanarayan ki pratishtha karen. brahman, bandhu-bandhav, parivar ke sabhi sadasyadi bhaktipurvak jal, panchamrit, chandan, pushp, tulsi patra, dhup, dip, naivedya, fal, tambul, dakshinadi se pujan karen. naivedya men kela ka fal, ghi, dudh, panjiri adi ka prasad shakkar ya gur sab padarth savaya milakar arpit karen. brahman v katha-pustak ka pujan kar dakshina arpit kar sajjanon ke sahit katha ka shravan karen. taduprant brahmanon tatha bandhu-bandhvon ko bhojan karakar svayan bhi prasad grahan karen aur fir ratri bhar bhagvan ke samaksh gayn-vadan tatha sankirtan karen. is prakar vrat karne se manovanchit fal ki prapti hoti hai. is kali kal men duahkhon se mukti aur manovanchit fal ki prapti ka isse uÿam upay aur koi nahin hai. yah katha sunakar sutji se shaunkadi rishiyon ne aur bhagvan se devarshi narad ji ne kaha usavyakti ka vrittant sunane ka agrah kiya jisne pahle yah vrat kiya tha. katha is prakar hai. raminak kashipuri men shatanand namak ek ati nirdhan brahman rahta tha. vah bhikshatan kar apna v apne parivar ka paln-poshan karta tha. ek samay aisa aya jab use kai din se bhiksha prapti n ho saki. uski yah dasha dekhakar bhagvan ko daya a gai. avilanb brahman ka rup dharan kar uske samip jakar unhonne uska abhivadan kiya aur adrpurvak pucha- he brahmana! ap duahkhi hokar kislie is prithvi par nitya ghumte rahte hain? apke mukhmandal ki kanti dhumil kyon ho rahi hai? brahman apni vyatha kah sunai aur daridrata se mukti ka upay pucha. brahman ke abhiman rahit priya vachnon ko sunakar brahman rupdhari bhagvan ne use satyanarayan vrat karne ki salah diaur sanpurn puja vidhi batakar svadham antardhan ho gae. ghar pahunchakar brahman sochne laga ki kis prakar vrat ka palan karun. parantu jis par sachchidanand avinashi ishvar ki kripa ho jati hai us par to sabhi jan kripa karte hain. vah rat usne isi chinta men aur hari smaran karte hue jagakar bita di. pratah kal dainik shauch snanadi kriyaon se nivriÿa ho santoshpurvak usne sankalp liya ki aj bhiksha men jo kuch bhi prapt hoga, usi se satyanarayan bhagvan ka pujan karenge. is sankalp ke sath us nagar men gaya, jahan bahut dhani log rahte the. sabhi logon ne uska khule man se svagat kiya aur uski dhan dravyadi se sahayta ki. is tarah prapt vibhinn prakar ki samagriyon se usne bandhu-bandhvon, mitrajnon, snehijnon ko sadar bulakar bhagvan satyanarayan ka pujan kiya. is vrat ke prabhav se use sabhi duahkhon se mukti mil gai aur vah vaibhav sanpann ho gaya. brahman ki sarvatra man-pratishtha hone lagi aur vah pratyek mas bhagvan ka vrat-pujan karne laga. isi ke pratap se vah is jagat ke sabhi sukhon ko bhogta hua satyalok ko prapt ho gaya. is vrat ka prabhav aisa divya hai ki jo koi bhi iska palan karta hai use nishchay hi duahkh adi se mukti ko prapt hoti hai. is prakar vrat ka prabhav sunakar narad ne bhagvan se tatha shaunkadik rishiyon ne maharaj sut se yah batane ka agrah kiya ki is vrat ki mahima us brahman se kisne suni aur kisne yah vrat kiya. maharaj sut ne kaha ki ek samay vahi brahman apne aishvarya ke anusar apne bandhvon ke sath satyadev ka pujan karne ko udyat hua. itne men ek lakrhara vahan aya aur jo kabhi atyant daridra tha uske unche unche mahal dekhakar dang rah gaya. isi ashcharya men duba usne bhakton se pucha ki is pratah kalin samay men sundr-sundar puja ki samagriyon ko thalon men sajakar ap kahan ja rahe hain? in unche-unche mahlon ka nirman kisne karaya hai? aur brahman devta ki tuti-futi jhopri ko kisne ujara hai? lakrhare ki mithi-mithi baton ko sunakar bhakton ne kaha-bhai! ye jo samne sundar mahal hain, ye brahman devta ke hi hain. aj sayankal bhagvan ke vrat, pujan v katha ka ayojan hai, so ham sabhi vahan brahman dev ke ghar ja rahe hain. yah sunakar lakrhara bhi brahman ke ghar gaya. lakri ka gatthar sir se utarakar usne ghar ke darvaje par rakh diya. vahan usne vipra devta ko bhagvan ka pujan karte dekha. brahmanon ko hath jorakar usne pucha ki ap kinka pujan kar rahe hain? is pujan se kya fal prapt hota hai? kripa karke bataen. brahmanon ne lakrhare se kaha ki yah satyanarayan bhagvan ka vrat v pujan kar rahe hain. bhagvan satyanarayan sab ki manokamna puri karte hain. yah jo dhan-dhanya, apar vaibhav inke pas hai, yah unhin avinashi prabhu ki kripa ka prasad hai. is prakar satyanarayan vrat ka mahatmya sun kar aur prasad grahan kar usne man hi man shrihri ki stuti kar sankalp liya ki kashth ke vikray se aj jo dhan mujhe milega, usse satyanarayan ka pujan karunga. fir vah lakri ke gatthar ko sir par rakhakar aise nagar men pahuncha, jahan par bahut se dhani log vas karte the. jate hi jagat niyanta prabhu ki kripa se use lakri ka duna dam prapt hua. usne prasann hriday se bhagvan ke pujan hetu pake hue kele, sharkara, ghi, dudh, gehun ka ata adi kharid kar apne ghar a gaya aur bhai-bandhuon v brahmanon ko bulakar vidhipurvak satyanarayan prabhu ka vrat v pujan kiya. us vrat ke prabhav se use bhi brahman devta ke saman dhan-putradi ki prapti ho gai. sabhi sukhon ka bhog karta hua vah ant men bhagvan ke vaikunth lok ko prapt hua. yah katha sunakar maharaj sut ne shaunkadik rishiyon ko aur bhagvan ne narad un bhakton ki katha sunai jinhonne age is vrat ka palan kiya. katha is prakar hai. ek nagar men satyavadi tatha ati parakrami ulkamukh namak ek raja tha. vah atyant dharmik tha. ek din apni patni ke sath vah bhadrashila nadi ke kinare par vrat men tatpar tha. isi ke anantar sadhu namak ek vaishya javahirat nav par ladakar vyapar ke lie udhar se nikla. vah nadi ke tat par us sthan par aya jahan raja aur rani vrat-pujan karte the. raja ke samip pahanuchakar bhagvan v raja ko pranam kar usne raja se vinypurvak pucha ki he rajan! apni pranapriya ke ap kiska aur kis karya sadhan ke lie pujan kar rahe hain. raja ne kaha- he sadhu! ham sat putra ki kamna se bhagvan satyanarayan ka vrat v pujan kar rahe hain. maharaj dasharath ne bhi sat putra ki prapti hetu putreshti yagya kiya tha. kardam rishi ne bhi sat putra ki kamna se devhuti ko apni patni banana svikar kiya tha. is vrat ke prabhav se santan sukh se vanchij logon ko santan tatha nirdhan ko dhan prapt hota hai. vyapari sadhu raja ke vachan sunakar gadgad ho utha aur sanpurn vidhi batane ka agrah kiya. vah bhi santanhin tha, islie ghar akar usne santan pradata satyanarayan vrat ki mahima apni bharya lilavti ko kah sunai. santanhina lilavti ne kaha ki banjhapan nari ka sabse bara kalank hai aur vah is santap se kisi bhi tarah mukt hona chahti hai. islie usne vrat karne ki ichcha prakat ki. is par vyapari sadhu ne kaha ki he priye! dhan bahut parishram se kamaya jata hai, abhi kharch karne ka anukul samay nahin hai. jab hamko santan prapt hogi tab vrat ka palan karenge. svami ke avsranukul vachnon ko sunakar pativrata stri chup ho gai. kuch samay bad lilavti garbhavati hui aur das mas purn hone par usne ek kanya ratn ko janm diya. lakshmi svarup vah kanya din-pratidin shuklapaksh ke chandrama ki kalaon ki bhanti barhne lagi. is karan uska nam kalavti rakha. ek din lilavti ne pati ko sankalp ki yad dilai aur use pura karne ko kaha. is par usne kanya ke vivah ke samay us ko pura karne ki bat kahi. fir ek din kanchnpur ke ek ati sundar aur sushil var se kalavti ka vivah ho gaya. fir bhi vyapari ne sankalp pura nahin kiya jisse bhagvan satyanarayan aprasann ho gae. kuch dinon ke bad vah baniya vyapar ke lie apne damad ke sath ratnasar ratnasar namak nagar pahuncha aur vyapar karne laga. isi bich bhagvan satyanarayan ne use shap diya. ek din daivat do mayavi chor ratnasar nagar ke raja ke dhan ko churakar le gae. raja ke sipahiyon ne choron ka picha kiya jisse chor bhaybhit ho gae aur sab dhan vahan dal diya, jahan un donon vaishyon ka dera tha. jab dut baniya ke pas pahunche to raja ka dhan vahan rakha hua paya. tab un donon ko hi chor samajhakar pakar le gae aur karagar men dal diya. donon bahut girgirae parantu unki ek n suni gai. raja ne unka sab dhan apne khajane men rakhva liya. idhar lilavti aur kalavti donon par bhari vipatti pari aur donon dvar-dvar jakar bhikshavriÿia karne lagin. ek din kalavti kshudha-pipasa se pirit ho bhiksha ke hetu kisi brahman ke ghar pahunchi. vahan bhagvan satyanarayan ka vrat pujan aur katha ho rahi thi. vahan par baithakar usne bhi vah amritmyi katha suni aur bhagvan ka prasad lekar ratri men ghar ai. mata ke puchne par usne sab bat kah di. uski bat sunakar lilavti ne vrat karne ka sankalp liya. apne sabhi bandhu-bandhvon ke sath katha suni aur apne pati ka apradh kshama kar dene ki bhagvan satyanarayan se prarthana ki. uski prarthana sun bhagvan prasann ho gae. bhagvan satyanarayan ne svapn men raja satyaketu ko darshan dekar kaha ki baniyon ko sabera hote hi chor do aur unka sara dhan vapas kar do anyatha main tumhare putra-pautron ke sath-sath sara raj nasht kar dunga. subah raja ne un baniyon ko unke dhan ke sath mukt kar diya. vahan se vida hokar donon brahmanon ko dhan bantte hue ghar ko chale. raste men bhagvan satyanarayan ek sannyasi ke vesh men unse mile aur pucha ki unki nav men kya hai? is par banie ne hanste hue kaha ki usmen lata patra hain. yah sunakar sannyasi yah kahakar vahan se chala gaya ki tumhara vachan satya ho. sannyasi ke chale jane par nitya karm ke lie jab donon nav se utre tanauka ko halki hokar upar uthte dekha. donon ashcharyachkit hokar punah nauka men pahunche to dankha ki vahan lata patra bhare pare the. yah dekhakar baniya behosh hokar gir para kintu uske jamata ne kaha ki darne ya ghabrane ki jarurat nahin hai. yah sab usi sannyasi ka kam hai. ham chalakar uski prarthana karen. donon uske pas pahunche aur usse kshama mangi. unki bhakti se bhari stuti sunakar bhagvan prasann hue aur ichchit vardan dekar antrdhan ho gae. donon vapas jab nav men pahunche to use ratnon se bhara paya. fir donon ne vahin bhagvan satyanarayan ka pujan kiya aur unki katha suni aur fir ghar chale. apne nagar pahanuchakar vyapari sadhu ne lilavti ko apne ane ka samachar bhijvaya. lilavti ne putri kalavti ko yah khabar sunai to uske anand ki koi sima n rahi. vah us samay katha sun rahi thi kintu katha puri hote hi prasad lie bagair vah pita aur pati se milne bhagi. kintu nadi kinare pahunchte hi banie ke jamata ki nauka nadi men dub gai. yah dekhte hi baniya aur lilvti donon vilap karne lage. udhar kalavti dube hue pati ke kharanu lekar sati hone ko dauri. usi samay akashvani hui- he vyapari! tumhar putri kalavti ne bhagvan satyanarayan ke prasad ka anadar kiya. isilie uska pati dub gaya. yadi vah jakar prasad grahan kare to tumhara damad punah ji uthega. yah sunte hi vyapari ki putri kalavti dauri gai aur prasad lekar jab vapas nadi ke tat par ai to pati ki nauka ko jal par tairte hue paya. yah dekhakar vyapari bhi ati prasann hua aur sabhi bandhu-bandhvon ke sath a gaya aur jab tak jivit raha, bhagvan satyanarayan ki katha sunta raha. fir maharaj sut ne ek aur katha kahi jo is prakar hai. tungadhvaj namak ek pratibhashali raja tha. vah hamesha apni praja ki bhalai laga rahta tha. ek bar shikar se vapas ate samay usne raste men bahut se gop-gvalon ko ek sthan par jama hokar bhagvan satyanarayan ki katha sunte dekha. kintu usne bhagvan ko namaskar nahin kiya, n hi puja sthal par gaya. yah dekh gop-gval prasad lekar daure aur raja ke samaksh rakh diya. raja ne ka anadar kiya aur mahal ki or chala gaya. dvar par pahunchte hi use apne putra-pautron aur sari dhan-sanpatti ke nasht ho jane ki khabar mili. vah vyakul ho utha. use prasad ka anadar karne ki bat yad ai. fir vah us sthan par pahuncha jahan bhagvan ki puja ho rahi thi. vahan usne sab ke sath milakar bhagvan ka pujan kar katha suni aur prasad grahan kiya. fir jab vapas ghar aya to mrit putra-pautron ko jivit paya. uski khoya hua sara vaibhav bhi use mil gaya. tab se vah pratyek purnima ko vrat karne laga. yah katha sunakar maharaj sut ne kaha- he shaunkadik munishvaro! sab manushyon men bhagavat bhav janakar priti rakhni chahie. bhagvan se sada-sarvada prem karna chahie aur shraddha se bhav se satat unke nam ka dhyan karna chahie.