grahbadha nivaran hetu saptavar vrat basant kumar soni/shri mohan varavrat ka mahatva shruti, smriti evan puranon men vishishtata ke sath varnit hai. saptah ke pratyek var ka kal suryoday se agle suryoday tak rahta hai. shreshthata ke anusar bhi vrat rakhne ke lie var ka kshay nahin hota hai, kintu tithi- nakshatra ka kshay avashya hota rahta hai. suryadi grahon ke namon ke anusar hi varon ka namakaran hua- surya se ravivar, chandra se somvar, mangal se manglvar, budh se budhvar, guru se guruvar, shukra se shukravar aur shani se shanivar. kisi grah ki anukulta prapt karne hetu usse sanbandhit vastuon ka dan, jap tatha vrat karne ka vidhan hai. kisi grah ki shanti karane ya uski shubhta prapt karne ke lie usse sanbandhit var ko vrat kiya jata hai. yadi kisi grah ki dasha, mahadsha, antardasha, janmank aur gochrashtak varg men se koi anishtakari ho to us grah ki shanti ke lie var ke anusar vrat karne ka vidhan hai. jaise gochar men brihaspati ashtam bhav men ho to brihaspativar ka vrat karne se anukulta prapt ho jati hai. vivah ke samay men bhi brihaspati ki shubhta prapt karne hetu brihaspativar ka vrat karne ki salah di jati hai. mangal dosh aur sarhe sati ke prabhav se mukti hetu bhi mangal aur shanivar ka vrat karne ka vidhan hai. yahan ham saton varon ke vraton ka vidhanpurvak varnan kar rahe hain. ravivar vrat vidhan - yah vrat surya dev ki kripa prapti hetu kiya jata hai. surya prakash, arogya, pratishthadi dete hain tatha arishton ka nivaran bhi karte hain. navagrah shanti vidhan men bhi keval suryopasna se sabhi grah ki shanti ho jati hai, kyonki ye navagrahon ke raja hain. is hetu mah vaishakh, margashirsh aur magh shreshth hain. ukt men se kisi bhi mah ke pratham ravivar se is vrat ko sankalp lekar praranbh karna chahie. shukla paksh ke pratham ravivar se bhi vrat praranbh kiya ja sakta hai. pratyek mah men surya ke alg-alag namon se vrat-pujan karan ka vidhan hai. chaitra: is mah ke vrat men bhanu nam se surya ki puja hoti hai jismen ghi, puri, mishtann, dudh adi ke bhog lagane ka vidhan hai. vaishakh: is mah ke vrat men tapan nam se surya ki puja karte hain aur urad, ghi, gobar ke prashan v dakh ke aghrya dene ka vidhan hai. jyeshtha: ismen surya ki puja indra ke nam se karte hain. ismen dahi, sattu aur am ka aghrya dekar chaval adi ke dan ka vidhan hai. asharh: is mah men surya ki surya nam se puja kar jayafal, chiura adi ka aghrya dete hain. shravn: is mah men ‘gabhasti’ nam se sattu, puri, fal adi se puja ki jati hai. bhadrapd: is mah men yantra nam se puja karte hain tatha ghi, bhat, kushmanr adi ka aghrya dete hain. ashvin: hiranyareta nam se surya ki aradhna ki jati hai. ismen sharkara, darim adi ka aghrya dete hue chaval aur chini se puja karte hain. kartik: divakar nam se surya ki puja karte hain aur khir aur kele ka aghrya dekar khir ka bhojan arpit karte hain. margashirsha: is mah men ‘mitra’ nam se surya puja ka vidhan hai. ismen chaval, ghi, gur aur nariyal ka aghrya diya jata hai. paush: vishnu nam se surya ki upasna karte hue chaval, mung, til khichri, aur bijauri ka aghrya dete hain. magh: varun nam se surya ki puja ka vidhan hai. ismen tilon ka aghrya tatha til aur gur ka prasad arpit kiya jata hai. sath hi gur ke dan ka bhi vidhan hai. falgun: punah bhanu nam se surya ki puja karte hue dahi aur ghi ka naivedya aur janbhiri ka aghrya dete hain. is vrat men ilaychi mishrit gur ka halva, gehun ki rotiyan ya gur se nirmit daliya suryast ke purva bhojan ke rup men grahan karna chahie. bhojan men sarvapratham sat kaur gur ka halva ya daliya aur fir anya padarth grahan karna chahie. bhojan ke purva halva ya daliya ka kuch bhag devalay ke samaksh upasthit bhikhariyon ko ya dev-darshan ko ae balk-balikaon ko dena chahie. pratah kal snanoprant roli ya lal chandan, lal pushp, akshat, durva mishrit jal adi se surya ko aghrya dena chahie. bhojan ke purva snan adi se nivriÿa hokar shuddh vastra dharan kar nimn mantra bolte hue punah aghrya den- namah sahasranshu sarvavyadhi vinashn/grihanaghryamya dattan sangya sahito ravi.. aghrya dene ke purva ‘¬ hran hrin hraun sah suryay namah’ mantra ka kam se kam panch mala jap karna chahie. lal chandan, kumkum ya roli ka tilak lagakar ravivar vrat katha parhen. antim ravivar ko am ya ark ki samidha se havan kar brahman v brahmani ko bhojan karaen aur vastra, dakshina adi dekar ashirvad len. brahmacharya vrat ka palan karte hue purn nishtha ke sath surya ka vrat karne se sabhi manokamnaon ki purti hoti hai. sath hi netra vyadhi, charm rog, kushth rogadi dur hote hain. yah vrat arogya, saubhagya aur dirghayu bhi deta hai. somvar ka vrat- chandrama ki shanti ke lie chandramauleshvar bhagvan shiv ki puja ka vidhan somvar vrat hetu prashast mana gaya hai. yah vrat sabhi somvaron ya solah somvaron athva shravan ke somvaron ko kiya ja sakta hai. ise dharan karne se chandra ki pira ke sath-sath anya sabhi kashton ka bhi shaman hota hai. yah vrat chaitra, vaishakh, shravan, kartik ya margashirsh mas ke shukla paksh ke pratham somvar se aranbh karna chahie. jo jatak keval shravan mas men parne vale char ya panch vrat karne ka sankalp lete hain, unke lie shukla paksh ke pratham somvar vali shart lagu nahin hoti. yahi tathya purushoÿam mas ke shravan somvar vrat men bhi lagu samjhna chahie, jismen 8 ya 9 somvar upalabdh ho jate hain. chandra pira shamnarth nyunatam das somvar vrat karna chahie. is vrat men suryast ke bad mithe dahi-chaval, khir adi ka bhojan karna chahie. vrat pure ho jane par palash ki samidha se antim somvar ko havan karna chahie. vrat vale din bhagvan shiv ke mandir men sayankal dip jalana chahie. bhojan ke purva vrat katha karke chandra ke bij mantra ‘¬ shran shrin shraun sah chandramse namah’ ka kam se kam 3 mala jap karna chahie. somvar vrat aranbh karne vale shraddhaluon ko vrat vale din pratah kal til mishrit jal se snan kar shvet chandan ka tilak lagana chahie aur ‘¬ namah shivay’ mantra japte hue narmada jal, gangajal, bilva patra, akshat, kapur, shvet chandan, shvet pushp, panchamrit adi se shri shiv-gauri ka pujan karna chahie. is vrat se mansik santap ka shaman hota hai, shanti milti hai aur putra, dhan adi ki prapti hoti hai. somvar ka vrat sabhi vraton men shreshth mana jata hai, kyonki yah maheshvar ka vrat hai. manglvar ka vrat- dharnisut manglkrit anisht falon ke shaman aur unhen prasann karne ke lie shukla paksh ke pratham manglvar se shuru kie jane vale vratanushthan men anjni sut hanuman ki puja ka vishesh mahatva hai. is anushthan men kam se kam 21 mangal vrat rakhakar antim manglvar ko khair ki lakri se havan karne ka vidhan hai. is din snan se purva apamarg ke datun se munh dhoen. anant mul ya nagfni mishrit jal se snan karen. bhojan men namak n len. gehanu aur gur mishrit bhojan karen. manglvar vrat katha parhen. hanuman ji ko lal rang ke fal-ful, mishtann adi arpit karen aur dhup, dip, naivedya, nariyal adi charhate hue hanuman chalisa ya shri hanumanashtak ka path karen. ‘¬ an angarkay namah,’ ‘shriramdutay namah’ athva ‘¬ kran krin kraun sah bhaumay namah’ mantra ka 108 bar athva 540 bar jap karne se mangal grah ki pira, rakt dosh adi dur hote hain, arogya ki prapti hoti hai, putra sukh milta hai, shatru daman hota hai, oj ki vriddhi hoti hai aur buddhi-bal barhta hai. manglvar ke vrat se ketu grah janit doshon ka shaman bhi hota hai. is hetu ketu ke bij mantra ‘¬ sran srin sraun sah ketve namah’ ka 5 mala jap karna chahie. vrat vidhi purvavat hi hai. vrat vale din sandhya kal ya madhya ratri men kisi supatra ko ketu se sanbandhit padarthon ka dan karna chahie. budhvar ka vrat- budh grah ki shanti ke lie 7 ya 17 budhvar vrat karna chahie. yah vrat apni suvidhanusar har budhvar ko bhi kar sakte hain. ise shukla pakshiya pratham budhvar se athva vishakha nakshatra vale budhvar se aranbh kar sakte hain. bidhara ki tahniyon ya paÿaon ko jal men rakhakar is din snan karna chahie. is vrat men namak vihin bhojan lena chahie. chaval aur mung ki bani khichri ya mung ke bane mishtann, ghrit adi ka dan karna chahie aur inhin padarthon ko bhojan ke rup men grahan karna chahie. bhojan se pahle bhagvan ke charnamrit athva narmada ya gangajal ke sath tin tulsi patra grahan karne chahie. mungiya rang ka vastra dharan kar shri lakshmi-narayan ki murti ya chitra ke samaksh baithakar ganesh ji ki samanya puja karke shri vishnu sahasranam stotra ka path karna chahie. budhvar ko apamarg ki samidha ya lakri se dadhi-ghritadi ke sath havan karna chahie. is vrat ke prabhav se vyapar ki vriddhi, dhanaishvarya ki prapti, sukhamay dampatya samanjasya, pragarh prem aur vidya-buddhi ki prapti hoti hai. budh ke ashubhatva ka nivaran hota hai. is din tote ko pista athva gay ko hari ghas khilane se labh hota hai. vrat ke samapan par brahman ko hara vastra, do hare fal aur manug ka dan karna chahie. mishtann men mung ki barfi, mung ke laddu athva badam-pista yukt anya koi bhi mithai brahman ko bhent kar athva khila kar ashirvad prapt karna chahie. guruvar ka vrat- kanyaon ke vivah men ane vali badhaen guruvar ke vratanushthan karne se dur ho jati hain. is vrat men kele ke vriksh ko jal charhane, uske darshan karne aur uski puja karne ka vishisht mahatva hai. is vrat se brihaspati grah ka ashubhatva dur hota hai. is din ‘¬ brin brihaspataye namah’ athva ‘¬ gran grin graun sah gurve namah’ mantra ka panach mala jap karne se shubh fal milta hai. guruvar ka vrat shukla paksh ke pratham guruvar ko aranbh karna chahie. vrat solah guruvar ya terah mas tak karna chahie. is din suryast ke pashchat namkrhit pile chane ki dal ke vyanjan ya bhojya padarth grahan karna chahie. pratah haldi mile jal se snan karna chahie. punah pila vastra pahanakar brihaspati devta ki puja kar unhen pit vastra, pit pushpa-fal, pit pakvan, mishtann adi arpit karne chahie. antim vrat ke din pipal ki lakri se havan karna chahie. sayankal suryast ke pashchat pile chane ke namak rahit vyanjan ya bhojya padarth grahan karna chahie. guruvar ka vrat karne se vivah men ane vali badha dur hoti hai, dampatya sukh ki abhivriddhi, santan, sanpÿia, arogya aur gyan ki prapti hoti hai. shukravar ka vrat- shukra grah janit pira se nivriÿia hetu shukravar ka vrat kisi shuklapaksh ke pratham shukravar se aranbh kar 21 ya 31 vrat karna chahie. vrat vale din ‘¬ dran drin draun sah shukray namah’ mantra ka 3 mala jap karna chahie. kaha jata hai ki is din ajithchurn mile jal se snan kar yathasanbhav shvet vastra dharan karane. fir ‘¬ dran drin draun sah shukray namah’ mantra ka 3 mala jap karen aur shukravar vrat katha parhane. shrilakshmi ko khir bhog lagaen aur khir hi khaen. is din safed gay ki seva karen aur use bhi khir khilaen. antim vrat ke din gular ki samidha se havan karen. iske atirikt shri lakshmi ji ki puja shakkar, supari, safed ful, safed vastra, safed chandan, shvet naivedya, chaval, dudh, khir se shri lakshmi ji ki puja karen aur in padarthon ka kuch ansh brahman ke larkon men bant den. sath hi safed sikke, chandi, shvet-vastra, fal, khand adi ka dan karen. safed gay ki seva karen. svayan bhi khir khaen aur us gay ko bhi khilaen. yah vrat bhautik sukh sanpÿia, kavya, gayan, nritya adi kalaon men ruchi, sukhamay vaivahik jivan, santan sukhadi pradan karta hai. is vrat se yash aur khyati ki prapti bhi hoti hai. adhikansh striyan manokamnapurti hetu shukravar ke din santoshi mata aur vaibhav lakshmi ka vrat karti hain. shanivar ka vrat- shani aur rahu ki shanti hetu shanivar ka vrat sarvamanya hai. shani hetu kam se kam 19 vrat evan rahu ke lie 18 vrat kie ja sakte hain. yah vrat manastap, rog, shok, bhay, badha adi se mukti evan shani janya pira ke nivaran ke lie vishesh rup se faldayak mana jata hai. is din pratah snanoprant krishn til aur laung mishrit jal pashchim ki or mukh karke pipal vriksh par charhakar shivopasna ya hanumat aradhna karni chahie. sath hi shani ki lauh pratim ki puja karni chahie. fir shanivar vrat katha ka path karna chahie. urad ke bane padarth vriddh vipra ko bhent karne chahie aur svayan suryast ke pashchat bhojan grahan karna chahie. bhojan ke purva shani ki shanti hetu ‘¬ shan shanaishcharay namah’ mantra ka aur rahu ki shanti ‘hetu ¬ ran rahve namah’ mantra ka tin-tin mala jap karna chahie. shani ke vrat ki purnahuti hetu shamikashth se havan karen. rahu ke vrat ki purnahuti hetu havan men durva karna chahie.