vijya ekadshi kaha jata hai ki isi ekadshi ka vrat karke shriram samudra par setu nirman kara pane men saksham hue the aur isi ke prabhav se unhonne ravan par vijay prapt ki thi. yah vrat falgun mas ke krishn paksh ki ekadshi ko rakha jata hai. is din pratahkal nitya kriya evan snanadi se nivriÿa hokar sandhya vandna kar len. fir bhumi par sat prakar ke ann rakhakar uske upar mitti ka kalash sthapit karen. ek patra men jau bharen aur use bhi kalash par sthapit kar den. jau ke bartan men shrilakshminarayan ki sthapna karke vidhipurvak unki puja arti karen. agli subah ghare ko kisi talab ya nadi ke pas le jakar rakhen tatha puja karen. fir us ghare ko murti sahit kisi brahman ko dan kar den. fir ann arpit karen. katha hai ki jab shriram sitaharan ke pashchat hanuman, sugriv adi ke sath samudra tat par shrilanka par vijay prapt karne ki jugat men the, to unhonne vahin nivas karne vale muniraj bakdalabhya ke pas jakar samudra par kar lanka par vijay prapt karne ka upay pucha. tab muniraj ne unhen vijay ekadshi namak yah vrat karne ko kaha. tatpashchat shriram ne muni ke nirdeshanusar uparyukt vidhi-vidhan se yah vrat kiya aur lanka par vijay prapt karke sita ko mukt karaya.
Kya aapko lekh pasand aaya?
Subscribe