vibhinn prakar ke shankh tatha unse labh acharya ramesh shastri shan kh hamari dharm sanskriti evan jagrukta ka pratik hai. puranon ke anusar shankh ko lakshmi ka sahodar kaha gaya hai, kyonki donon ki utpaÿia samudra se hi hui hai. nitya shankh pujan evan shankh vadan se ayu-arogyata evan dhan-samriddhi ki vriddhi hoti hai. puja men bajane vala shankh: yah shankh kai rup men paya jata hai. pratyek astik vyakti ise apne ghar men rakhta hai tatha nitya dainik puja-path sandhya ke samay ghar men shankh dhvani karta hai. nitya shankhnad se vyakti ko adhyatmik evan bhautik donon prakar ke labh prapt hote hain aur ghar tatha as-pas ka vatavaran pavitra hota hai, abhyantar adhyatmik shakti ka vikas hota hai. ghar men bhut-pret adi asuri shaktiyon se raksha hoti hai. svasthya ki drishti se bhi shankh vadan labhdayak hota hai, isse gale evan avaj se sanbandhit bimariyon men labh hota hai. dakshinavarti shankh: yah shankh durlabh mana jata hai. sthir lakshmi ki prapti ke lie is shankh ka vishesh mahatva hai. ganesh shankh: yah shankh ganesh ji ki akriti jaisa hota hai. ise vighnaharta ganesh ji ka pratik mana jata hai. is shankh ko ganesh chaturthi athva somvar, budhvar ya brihaspativar ko kachche dudh, ganga jal adi se snan karakar dhup-dip se pujan karke ghar ke puja sthal men sthapit karen aur isse nitya darshan karen. iske prabhav se ghar-parivar men khushhali rahti hai, vighn badhaon ka shaman tatha vidya evan buddhi ka vikas hota hai.
Kya aapko lekh pasand aaya?
Subscribe