mahashivratri vrat evan katha  

mahashivratri vrat evan katha nirmal kothri mahashivratri ka vrat shiv ki kripa prapt karne ka sabse sugam sadhan hai. shiv ko prasann kar koi bhi vyakti kathin samay tatha sankton se ubarakar sabhi prakar ke parivarik evan sansarik sukh adi prapt kar sakta hai. maha shivratri ka vrat falgun krishn trayodshi ko kiya jata hai. kuch log chaturdashi ko bhi yah vrat karte hain. mana jata hai ki srishti ke praranbh men isi vidhi ko madhya ratri men bhagvan shankar ka brahma se rudra ke rup men avataran hua tha. pralay ki bela men isi din pradosh ke samay bhagvan shiv tandav karte hue apne tisre netra ki jvala se brahmand ko samapt kar dete hain. man gauri ko ardhangini banane vale shiv preton evan pishachon se ghire rahte hain. unka rup bara ajib hai. sharir par masan ki bhasm, gale men sarpon ka har, kanth men vish aur jataon men ganga rakhne vale shiv apne bhakton ka sada mangal karte hain aur shri sanpÿia pradan karte hain. kalon ke kal aur devon ke dev mahadev ke is vrat ka vishesh mahatva hai. yah vrat koi bhi kar sakta hai. bahut se log mahashivratri ko shiv vivah ke utsav ke rup men bhi manate hain. vratrat ka vidhan pratahkal snan, dhyan adi se nivritt hokar vrat rakhna chahie. patra-pushp tatha sundar vastron se mandap taiyar karke sarvatobhadra ki vedi par kalash ki sthapna ke sath gaurishankar ki svarn ki aur nandi ki rajat ki murti rakhni chahie. yadi dhatu ki murti sanbhav n ho to shuddh mitti se shivling bana lena chahie. kalash ko jal se bharakar roli, mauli, chaval, supari, laung, ilaychi, chandan, dudh, dahi, ghi, shahad, kamalagatte, dhature, bilva patra adi ka prasad shivji ko arpit karke puja karni chahie. rat ko jagaran karke brahmanon se shiv stuti athva rudrabhishek karana chahie. jagaran men shivji ki char arti ka vidhan hai. is avasar par shiv puran ka path kalyankari hota hai. dusre din pratah jau, til, khir tatha bel patron se havan karke brahmanon ko bhojan karvakar vrat ka path karna chahie. vidhi-vidhan tatha shuddh bhav se jo yah vrat rakhta hai, bhagvan shiv prasann hokar use apar sukh-sanpda pradan karte hain. bhagvan shankar par charhaya gaya naivedya khana nishiddh hai. aisi manyata hai ki jo is naivedya ko kha leta hai, vah narak ke duahkhon ka bhog karta hai. iske nivaran ke lie shiv ki murti ke pas shaligram rakhna anivarya hai. yadi shiv ki murti ke pas shaligram ho to naivedya khane ka koi dosh nahin hota. mahashivratri ki ek katha ek bar parvati ji ne bhagvan shankar se pucha, ‘‘aisa kaun sa shreshth tatha saral vrat-pujan hai jisse mrityu lok ke prani apki kripa sahaj hi prapt kar lete hain.’’ uÿar men shivji ne parvati ko ‘shiv ratri’ ke vrat ka vidhan batakar yah katha sunai- ‘‘ek ganv men ek shikari rahta tha. pashuon ki hatya karke vah apne kutunb ko palta tha. vah ek sahukar ka rini tha, lekin uska rin samay par n chuka saka. krodhavash sahukar ne shikari ko shiv math men bandi bana liya. sanyog se vah shivratri ka din tha. shikari dhyanamagn hokar shiv sanbandhi dharmik baten sunta raha. usne chaturdashi ki shivratri vrat ki katha bhi suni. sandhya hote hi shikari sahukar ko agle din rin lauta dene ka vachan dekar bandhan se chut gaya aur anya dinon ki tarah jangal men shikar ke lie nikal para. din bhar bandigrih men rahne ke karan vah bhukh-pyas se vyakul tha. shikar karne ke lie vah ek talab ke kinare bel ke vriksh par parav banane laga. bel ke vriksh ke niche shivling tha, jo bilva patron se dhaka hua tha. shikari ko uska pata nahin tha. parav banate samay usne jo tahniyan torin, ve sanyog se shivling par girin. is prakar din bhar bhukhe-pyase shikari ka vrat bhi ho gaya aur shivling par bel patra bhi charh gae. ab vah shikar ki pratiksha karne laga. ek prahar ratri bit jane par ek garbhini mrigi talab par pani pine pahunchi. shikari ne dhanush par tir charhakar jyonhi pratyancha khinchi, mrigi ne kaha- ‘‘main garbhini hun. shighra hi prasav karungi. yadi mujhe marte ho to tum ek sath do jivon ki hatya karoge, jo thik nahin hai. mujhe thora samay do, bachche ko janm dekar shighra hi tumhare samaksh prastut ho jaungi, tab mar lena. uski baton se prabhavit hokar shikari ne use jane diya.’’ kuch der pashchat ek aur mrigi udhar se nikli aur shikari ne fir dhanush par ban charhaya. yah dekh mrigi ne vinamratapurvak nivedan kiya, ‘‘he pardhi ! main thori der pahle ritu se nivriÿa hui hun. kamatur virhini hun. apne priya ki khoj men bhatak rahi hun. main vada karti hun ki apne priya se milakar shighra hi tumhare pas a jaungi.’’ shikari ne use bhi jane diya. do bar shikar ko khokar vah chintit ho utha. ratri ka antim prahar bit raha tha, tabhi ek anya mrigi apne bachchon ke sath udhar se nikli. shikari ke lie yah svarnim avasar tha. usne dhanush par tir charhane men der nahin lagai. vah tir chorne hi vala tha ki mrigi boli, ‘‘he shikari, main in bachchon ko inke pita ke havale karke laut aungi. is samay mujhe mat maro.’’ shikari hansa aur bola, ‘‘samne ae shikar ko chor dun? isse pahle bhi do bar apna shikar kho chuka hun. mere bachche bhukh-pyas se tarap rahe honge.’’ uÿar men mrigi ne fir kaha, ‘‘jaise tumhen apne bachchon ki mamta sata rahi hai, thik vaise hi mujhe bhi. islie sirf bachchon ke nam par main thori der ke lie jivan dan mang rahi hun. he dala hai to mujhe bhi marne men der n karo, taki mujhe unke viyog ka duahkh ek kshan bhi n sahna pare. main un mrigiyon ka pati hun. kintu yadi tumne unhen jivan dan diya hai to mujhe bhi kuch kshan ka jivan dene ki kripa karo. main unse milakar tumhare samaksh upasthit ho jaunga.’’ mrig ki bat sunte hi shikari ke samne puri rat ka ghatna chakra ghum gaya. usne sari ghatna mrig ko suna di. tab mrig ne kaha, ‘‘meri tinon patniyan jis prakar pratigyabaddh hokar gai hain, meri mrityu se apne dharm ka palan nahin kar paengi. atah is kshan tum mujhe bhi jane do. main un sabke sath tumhari seva men shighra hi upasthit hota hun.’’ upvas, ratri-jagaran, shivling par bilva patra charhne se shikari ka hriday nirmal ho gaya tha. usmen bhagavat shakti ka vas ho gaya tha. dhanush tatha ban uske hath se sahaj hi chut gae. bhagvan shiv ki anukanpa se uska hinsak hriday karunik bhavon se bhar gaya. vah apne atit ke karmon ko yad kar pashchattap ki ag men jalne laga. abhi shikari pashchattap se ubar bhi nahin paya tha ki vah mrig saprivar uske samaksh upasthit ho gaya taki vah unka shikar kar sake. jangli pashuon ki aisi satyata, satvikta evan samuhik prem dekhakar shikari ko bari glani hui. uske netron se ansu bahne lage. shikari ne usi kshan apne hriday se jiv hinsa ki bhavna ko hata kar sada ke lie komal evan dayalu ban gaya. devlok se sabhi devagan bhi is ghatna ko dekh rahe the. ghatna ki parinti hote hi devi-devtaon ne pushp varsha ki. akhir men shikari tatha mrig parivar ko moksh prapt hua. is prakar, mahashivratri ke avasar par hamen bhagvan shiv ki puja aradhna evan vrat nishchay hi karna chahie tatha shivji se prarthana karni chahie ki ve hamari sadaiv raksha karen.