ya devi sarva bhuteshuah vyakti men shakti ka uday dae. suresh mishra adya shakti bhagvti sarvapujit shakti ke rup men sarvakal sarvatra vidyaman hain hin, parantu kaise, yadi iska vaigyanik adhar par tatvik vivechan kiya jay to pratyek vyakti ko apne andar vidyaman vibhinn ishvariya gunon ka pratyek samay sfuran hota dikhai dega. is lekh men mahamaya ke sahaj hridyangam ho jane vale usi bahu ayami svarup ko chitrit kiya gaya hai. khud par aur kisi param shakti par pura vishvas hona, uske up-najdik, asn-baithna rahna, manovritti ko sthir karna hi shakti ki upasna hai. khud par pura vishvas pukhta karne aur apni soch ko saral aur shubh marg par age barhane ka nam shaktiparva navratra hai. sangharsh (mahakali), svachchata v imandari (mahalakshmi) aur buddhi mani (mahasarasvati) ke samanvay ke sath apne karyakshetra men khud par pura bharosa rakh age hi age barhne ka nam shakti upasna hai. aur spasht karen to man vachan karm men hinsa se bachna, trividh shuddhi se utpann shobha pana aur achche bure ka vivek karne vali sarasvati ka trigun rup hi navratra parva ki shakti upasna ka marm hai. jap, mala, tilak, arti, vrat sab bahri acharan hain. hath men firti mala aur chanhudis ghumta man ho to sare dharmachar bekar hain. vastav men dharm hamen sabse pahle achcha insan banane ki prakriya ka nam hai. is karan aj navratra parva ko vyakti ke lihaj se samjhne ki tamanna balvti ho chali hai. aie, devi sukt ke madhyam se samjhne ka prayas karte hain. 1. jyotsnayai chendu rupinyai yani mata ka rup devisukt men kabhi raudra hai to agle hi pal chandni sa shital hai. mata men yah sara jagat pratishthit hai. admi aur aurat ke sahi svasth aur kalyankarak rishte vastav men pitritva matritva pakar kritarth hone se hi hai. navratra ka yahi pahla sabak hai- parivar ki shakti ko pahchan kar use barhane aur sanvarne ka imandar prayas. 2. buddhirupen sansthita chetna rup men sabke bhitar basne vali yah shakti sabse pahle buddhi rup men prakat hoti hai. yadi buddhi thikane par hai, apki soch svachch aur chalave se rahit hai to sab dukh akhir men sukh dekar hi jaenge. shankh aur bansuri donon men apni avaj ya sur nahin hain. unhen koi aur hi bulvata hai. lekin bhitar se ghumavon se bhara shankh sirf sidhi sapat avaj hi nikal sakta hai, jabki bhitri gantho (ghumav, chal-chidra, durav-chipav) se mukt khurdre bans ki bansuri se mithe surile, manmohan sur niklte hain. dusri sikh hai - janh sumti tahan sanpatti nana yani uttam buddhi se achche vichar, vicharon ke sadacharan aur satkarm se achche fal milte hain. 3. kantirupen sansthita arthat kramshah man aur vichar shuddh, saral, mamtamay hain to nidra, bhukh, pyas adi sari bahri kriyaen niyamit hokar yah sari duniya apko pyari lagne lagegi aur apke chehre par oj aur daiviya tej ki kanti khud b khud a jaegi. isilie devisukt ke 10-19 shlokon men kramshah nind, bhukh, pyas, shobha adi rup men hi devi ko namaskar karte hue bisven shlok men unhen kantirup mana hai. 4. lakshmi rupen sansthita ke madhyam se rishi markandey (saptashati ke pravakta) hamen yahi path parhate hain ki ukt sari baten ham apne bhitar paida karne ki imandar koshish karen to devi hamare bhitar aur bahar lakshmi rup men virajman ho jaengi. aise vyakti ke pas duniyadari ke najrie se beshak kam nagdnarayan ho par ve log jansmuday ke lie upyogi v mulyavan hote hain. 5. vrittirupen sansthita yani navratra ki panchvi shiksha hai ki apni roji, roti, vyavsay vyapar ko puja, ibadat, vrat, tapasya ka darja dena chahie. jo log apne peshe ke sath puri lagan aur imandari ke sath bartav karte hain, ve bin bhautik puja, archan ke vrat ka pura fal pa jate hain. ve krishn bhagvan ke vachan se yogah karmasu kaushalam ke anusar sachche yeagi ki tarah pujniya adrniya ban jate hain. 6. smritirupen sansthita ke dvara agle hi shlokmantra men hamen hidayat di gai hai ki sanpark men ane valon ki achchi baten, achcha vyavhar sada yad rakhen. jo kuch bura hua hai use bhul jaen aur age barhen. biti tahi bisar de age ki sudhi le. samne vale ke karmon ka lekha-jokha rakhna paramashakti ka kam hai. tadnusar uska koi karm pap ki shreni men hai to uska fal parmatma dega. apradh hai to uska fal samaj ya adalat degi. ham uske lie adhikrit nahin hain. hamen uske lie mansik, jubani ya jamini hinsa ka rasta nahin apnana chahie. dusron ki galtiyon ko dekhakar ham apna dhairya n khoen. 7. shantirupen sansthita sab tarah se safal yogya layak khushhal hokar ham daya, udarta, mamta ko n bhulen. jaisa vyavhar ham khud ke lie sahan nahin kar sakte vaisa ham kisi ke sath n karen. jaise ko taisa karna to jangli, sark-chap logon ka kam hai. shaktisampann, takatavar log to samne vale ko uske dushkarmon ka ahsas bhar karana hi uchit samjhte hain. isilie devi ko kshanti yani kshama rup men namaskar karte hue kshama karne vale ka darja bara bataya gaya hai. 8. tushtirupen sansthita dvara vyavsay men shubh aur labh ka samanvay bana apne aur samne vale ke shubh aur labh ka sath-sath khyal rakhte hue jivan men kahin kisi mor par tasalli (santosh) ka lakshya tay kar len. sada lobh trishna, aur kamane-bachane ki hay-hay se upar uthne ki bat tay kar len. isi men shanti aur sukh hai. 9. matrirupen sansthita dvara ant men fir mata rup men namaskar karte hue rishi aurt-mard ke rup men matbhed, manbhed aur takrav se pare jakar, man ko bansuri-sa surila saral banate hue rishte ki sukhad parinti ke rup men santan ka muh dekhakar tute ya tutte ghonsle ko fir fir banae rakhne ki shiksha dete hain. rahiman fir fir pohie tute muktahar. 10. indriyanamdhishthatri bhutanan chakhileshu ya kahakar hamen indriyon ko anushasit rakhte hue atmanushasan sikhakar tan, man, karm, buddhi, chitt aur atma ka kramik shodhan karte rahne ke utsah parva men sab praniyon men vyapt chetna rup shakti ke sammukh natamastak hone ka path parhate hain- namastasyai namastasyai namo namah. aur ant men hath men kalave ka bandha guchcha, faishan ke jamane men nag nagine, mandir men puja-archana karte yuvak yuvtiyan, intrnet par puja-archana ke vyavsay men jordar bhagidari, pravchnon men barhti inki tadad se aj ki nai pirhi men garmagarm charcha ka vishay aur stetas sinbal bane rahne vale navratra par unke najrie se kuch am savalon ke sath do-do hath karte hain. nav ratra ya navratri? sanskrit vyakaran ke anusar navratri kahna trutipurn hai. nau ratriyon ka samahar, samuh hone se dvand samas ke karan navratra shabd hi shuddh hai. navratra kya hai? dharti dvara surya ki parikrama ke dauran ek sal ki char sandhiyan hain. unmen march aur sitanbar ke lagabhag parne vale gol sandhiyon men sal ke do mukhya navratra parte hain. is samay ko ayurved men yamraj ka jabra bataya hai. in dinon roganu akraman ki sarvadhik sanbhavna hoti hai. ritu sandhiyon men hi aksar marj barhte hain atah us dauran svasth rahne, nau dvaron vale is sharirdurg ko shuddh rakhne mukammal karne ki prakriya ka nam navratra hai. nau rat ya nau din? amavasya ki rat se ashtami tak ya parva se navmi ki dopahar tak vrat niyam chalne se nau rat yani navratra nam sarthak hai. yahan rat ginte hain, islie navratra rani nau raton ka samuh kaha jata hai. ye nau hi kyon hain? rupak ke dvara hamare sharir ko nau mukhya dvaron vala kaha gaya hai. iske bhitar nivas karne vali jivni shakti ka nam hi durga devi hai. in mukhya indriyon men anushasan, svachchata, taratamya sthapit karne ke pratik rup men, sharir tantra ko sare sal ke lie achchi tarah se kriyashil rakhne ke lie nau dvaron ki shuddhi ka parva nau din manaya jata hai. islie nau din nau durgaon ke lie kahe hain. 5. vrat kyon rakhen? sharir ko sucharu rakhne ke lie virechan, safai ya shuddhi rojana to ham karte hi hain lekin kabhi iske ang pratyangon ki puri sarvis karni bhi jaruri hai. iske lie har chamahi par vrat rakhakar bhitri safai ka abhiyan chalaya jata hai. satvik ahar vrat se sharir ki shuddhi, saf-suthre sharir men shuddh buddhi, usse uttam vichar, achche vicharon se hi uttam karm, karmon se sachcharitra aur kramshah man shuddh hota hai. saf suthre manamandir men hi to pritam yani parmatma ki shakti ka sthayi nivas ho sakta hai. navdurga kya hai? nau din yani hindi mahine chaitra aur asauj ke shukla paksh ki parva yani pahli tithi se nauvin tithi tak har din ki ek devi yani nau dvaron vale durg ke bhitar basne vali jivni-shakti rupi durga ke nau rup ye hain- shailputri, brahmacharin ai, chandraghanta, kushmajhda, skandamata, katyayini, kalratri, magauri, siddhidatri. vastav men inka nau jari buti ya khas vrat ki chijon se bhi talluk hai. inhen navratron men vrat men prayog kiya jata hai. kututu (shailanna), dudh dahi, chailai (chandraghanta), petha (kushman da), shyamak chaval (chathi devi yani skandamata ka bhojya), hari tarkari (katyayini), kali mirch tulsi (kalratri), sabudana (mahagauri), anvla (siddhidatri) kramshah nau kudrti aur jangal men paida hone vale nau padarth vrat khadya hain. prakritik chikitsa men bhi in padarthon ko sharirshodhan men istemal karte hain. 7. jab vrat n rakh saken vrat nam hai sankalp, pratigya, niyam ya rijolyushan ka. yadi dinacharya ya apne tan ki sthiti ke karan sare vrat n rakh saken to suvidhanusar 9, 7, 5, 3 ya 1 vrat rakh sakte hain. yadi ek vrat n rakh saken to in dinon kam se kam shariradvaron ke sukhbhog ya durupyog se bachen. jaise, 1 juban ka sanbhal kar prayog aur chatorepan par niyantran, 2. bura n sunna, 3. chugli ya shikayat n karna, 4. shuddh satvik najar, 5 samay par khana, pina, sona aur fresh hona, 6. mal mutra ke veg ko n rokna, 7. romans falart aur kam sanbandhon se bachna. 8. ashtami ya navmi? yah apni kul paranpra ke anusar tay kiya jata hai. bhavishyottar puran aur devi bhagavat ke anusar banten parivaron men ya putra ki chahna valon ko navmi men vrat kholna chahie. vaise donon hi tithiyan aur dashhre ke char din bad ki chaidas in tinon ki mahatta durgasaptashati men saf kahi gai hai. 9. jab kanyaon ko bhojan n de saken? nau dinon tak ek kanya roj barhakar bhojan karana ya unhen bhent dena athva nau dinon tak sanbhav ho to roj nau kanyaon aur ek larke ko bhojya padarth dena uttam hai. ashtami ya navmi ko ek bar nau kanyaon ka pujan madhyam vidhan hai. akele rahne vale ya kam ke ghanton ke karan kanyaon ko puri vidhi se baithakar bhojan karana sanbhav n ho to ap suvidhanusar kanyaon ko taiyar bhojya padarthon ke alava ye padarth bhi bhentakar sakte hain- kangha, heyar baind, krim, tel, shisha, kaepi, pensil, khilauna, bartan, kapra, mithai, taefi, fal, ful, rupya, ya koi anya upyogi saman. 10. khas mannat ke lie kya karen? in dinon saptashati ke kam se kam nau path karne-karvane ka chalan hai. jab aisa karna sanbhav n ho to ukt asan anushasnatmak baton ke sath ghar men jau ya khetri bokar, dipak jalaen aur pas men jal ka lota rakhakar inmen se kisi mantra ka rojana 10, 28 ya 108 bar sahuliyat ke anusar jap karen- on ain hrin klin chamundayai vichche. ya jayanti mangla kali bhadrakali kapalini. durga kshama shiva dhatri svaha svadha namo'stute.. athva keval kanujika stotra ka path karna, durga chalisa parhna aur durga ki arti hi kar lena bhi kramshah saral se saralatar marg hai. subah, sham ya rat jaisa sanbhav ho, samay tay kar len aur samay ke niyam ka palan jarur karen. jap ke bad jal ko kisi paudhen men dalen ya surya ko charha den.