kaisa rahega guru ka vrish rashi men pravesh  

kaisa rahega guru ka vrish rashi men pravesh guru ke rashi parivartan ko sabhi ummid bhari najron se dekhte hain. iska karan yah hai ki guru navagrahon men aisa grah hai jo dharma-adhyatm, buddhi-vivek, gyan, vivah, pati, santan, putra sukh, bare bhai ka karak mana jata hai. svasthya ki drishti se bhi guru hamare lie kafi mahatvapurn hai kyonki yah sharir men vasa, pachan kriya, kan, hriday sahit livar ko prabhavit karta hai. guru, jyeshth mah krishn paksh, guruvar 17 mai 2012 ko pratah 09ah34 baje revti nakshatra men shukra rashi vrish men pravesh karenge. guru is din se 31 mai 2013 pratah 06ah49 baje tak apne shatru shukra ki rashi men hi virajman rahenge. agar ap avivahit hain aur shadi karna chahte ya fir ap santan ke ichchuk hain to is dauran ap bhi guru ko asha bhari najron se dekh sakte hain. agar ap naukri vyavsay men unnati ki asha rakhte hain athva kisi rin se mukti ki koshish kar rahe hain tab bhi guru ke rashi parivartan ko ummid bhari najron se dekh sakte hain. dhyan dene vali bat yah hai ki in sabhi vishyon men shubh aur apekshit parinam apko apni rashi ke anurup hi prapt hoga. n mesh rashi apki janm rashi se dusre ghar men guru ka gochar hona apke lie sukhad hoga. guru ke is gochar ke prabhav se dhan ka labh hoga. yah apke atmavishvas ko bhi barhayega tatha ap vyavhar men bhi badlav mahsus karenge. ap agar vivah ke yogya hain to apki shadi ho sakti hai, santan ke ichchuk hain to apki ichcha puri hogi. chatron ko shiksha men shubh parinam prapt honge. vrishabh rashi guru ka gochar pratham bhav men hone ke karan apko un baton se bachna chahie jisse samman ki hani ho sakti hai. guru ka yah gochar karya kshetra men anchahe sthan par sthanantaran karva sakta hai. karyon men santushti ki kami rah sakti hai. apke karya vilanb se pure honge tatha apke karya ko kam saraha ja sakta hai. iske alava mehanat ke bavjud saflta nahin milne se man asantusht rah sakta hai. mithun rashi barhven ghar men guru ka gochar ashubh kahlata hai. guru ke is gochar ke prabhav ke karan apke ghar men kai manglik karya honge jisse apke vyay barhenge. isse apko arthik pareshaniyon ka samna karna par sakta hain mitron dvara lagaye gaye arop se man duahkhi rah sakta hai. parivar men jivnsathi evan santan se matbhed ho sakta hai. svasthya ki drishti se bhi samay kashtakari rah sakta hai jisse koi purana rog ubhar sakta hai. kark rashi kark rashi men apka janm hua hai to guru ka yah gochar apke lie atyant shubh faldayi rahega. iska karan yah hai ki guru ka gochar apki rashi se ekadash bhav men ho raha hai. is gochriya sthiti ke karan apko dhan ka labh milega jisse arthik sthiti men sudhar hoga. sukh-suvidhaon evan man-samman men bhi barhotri hogi. mitron se bhi labh ki achchi sanbhavna rahegi. agar in dinon apki shadi ki bat chal rahi hai to apka vivah ho sakta hai. agar ap vivahit hain aur santan prapti ki kamna rakhte hain to apki murad puri ho sakti hai. sinh rashi guru ki is gochriya avdhi men apko dhairya evan samjhdari se chalne ka prayas karna hoga kyonki apke lie yah samay sangharshamay rah sakta hai. apke lie uchit hoga ki apni vani par niyantran rakhen aur sabhi ko adar den. isse apka man-samman bana rahega. arthik pareshaniyan bhi in dinon sir utha sakti hain atah naye nivesh soch samajh kar karen. nai yojna par karya shuru karne ki soch rahe hain to abhi use tal dena uchit rahega kyonki, is vishay men bhi is samay guru ka apki janm rashi se dasven ghar men hona shubh pratit nahin hota hai. kanya rashi apke lie guru ka vrish rashi men gochar karna shubh faldayi rahega. guru ki is gochriya sthiti ke karan bhagya men vriddhi hogi. dharm evan adhyatmik drishti se samay uttam rahega jisse ghar men dharmik karya sanpann honge. bhai evan santan paksh se sahyog prapt hoga. ap apne prayason se man ki kuch ichchaon ko purn kar sakte hain. bite dinon jin samasyaon se ap pareshan the unmen kami mahsus kar sakte hain. tula rashi apko apni vani ke sath hi sath krodh par bhi niyantran rakhna hoga, anyatha ghar-parivar men jahan mushkil halaton ka samna karna par sakta hai, vahin karyakshetra men bhi nuksan uthana par sakta hai. man-samman ki hani ki sanbhavna hone ke karan bhi apke lie in baton ka dhyan rakhna jaruri hai. guru ka gochar apki janm rashi se athven ghar men hone se yah apke svasthya ke lie kashtakari rah sakta hai. aise men,apke lie uchit hoga ki apni sehat ka dhyan rakhen tatha anavashyak bhag-daur se bachen. vrishchik rashi guru ka gochar apki janm rashi se satven ghar men ho raha hai. yah apke lie bahut achchi sthiti hai. is gochar ke karan ajivika ke kshetra men sabhi prakar ki pareshaniyan dhire-dhire kam hoti jaengi aur kamyabi ka rasta khulega, arthik pareshaniyan bhi dur hongi aur apne kisi se lon liya hai to use chuka denge. parivarik samasyaen bhi batchit v samjhdari se sulajh sakti hain, atah prayas kijie. vivah ke ichchuk hain aur ghar men vivah sanbandhi batchit chal rahi hai to is avdhi men apki shadi hone ki sanbhavna bhi prabal hai. sage-sanbandhiyon se sahyog prapt karna asan hoga. dhanu rashi is avdhi men apke lie dhairya evan parishram se karya karna uchit hoga kyonki guru ka gochar apki rashi se chathe ghar men ho raha hai. is gochar ke prabhav ke karan apko svasthya sanbandhi pareshaniyon ka samna karna par sakta hai, vishesh taur par pet v tvacha sanbandhi rog apke lie pareshani ka karan ban sakte hain. ap agar kisi pratiyogita pariksha men sammilit ho rahe hain to kafi mehanat karni hogi anyatha saflta milna kathin hoga. danpatya jivan men bhi samasyaen utpann hongi. makar rashi apke lie guru ka gochar janm rashi se panchven ghar men hona shubh faldayi rahega. guru ke is gochriya prabhav ke karan apko bhagya ka sahyog prapt hoga. kai prakar ki uljhnon ko suljhanen men safal honge. naukri evan vyavsay men labh ki achchi sanbhavna rahegi. kai naye karya bhi is avdhi men pure honge. ap chahen to is samay nivesh bhi kar sakte hain. vivah evan santan prapti ke lie bhi guru ka vrishabh rashi men gochar shubh rahega. kunbh rashi vrishabh rashi men guru ka gochar hone se apko kai prakar ki pareshaniyane se rahat milegi parantu mansik chintaen barhegi. is dauran ap sthan parivartan kar sakte hain athva naukri evan vyavsay men badlav kar sakte hain. karya-kshetra men sahakarmiyon se vivad ho sakta hai. isi prakar bhai-bandhuon se bhi matbhed ki sthiti rah sakti hai. apki man ko svasthya sanbandhi pareshaniyon ka samna karna par sakta hai. atah chikitsak se paramarsh karna shreyaskar hoga. apke lie salah hai ki dhairya v parishram se apne karya par dhyan den. min rashi guru ka gochar is samay apki janm rashi se tisre ghar men hoga jisse bhai-bahnon se matbhed ho sakta hai. sage-sanbandhiyon se bhi kisi bat ko lekar matantar rah sakta hai. in dinon ap sharirik thakan mahsus kar sakte hain. arthik sthiti men anukulta banaye rakhne ke lie tatha samman-prapti hetu apko apne karya-vyavsay par manoyog se dhyan dena hoga. apke lie salah hai ki guru ke is gochar ki avdhi men lanbi yatraon se bachen. ashubh prabhav se bachav is avdhi men guru ka shani se shadashtak sanbandh ban raha hai jo ashubh faldayak mana ja raha hai. is sthiti men guru ke ashubh prabhav se bachav hetu bhagvan vishnu ki puja karen . guru ka vrat evan guru ke mantra ‘un brihaspataye namah’ ka jap karen. mandir men pile ful, kele, besan ke laddu adi arpit karen. vishnu sahasranam ka path karen. shri sukt v lakshmi sukt ka path dhan-labh ke lie vishesh labhkari rahega.