lagnanusar ratn chayn  

lagnanusar ratn chayan manoj kumar shukla sab ratn sabke lie nahin hote. ve sundrta ki vastu n hokar pranvan urja ke srot ke rup men karya karte hain. lekin unka chayan apne lie apne lagn ki rashi ke anusar karna chahie, anyatha pratikul ratn kisi bhi sima tak pratikul prabhav dal sakta hai. dharti ke anchal men prapt hone vale abhavan pattharon ko ratn kaha jata hai. ratn bare prabhavshali hote hain. yadi lagnesh v yogkarak grahon ke ratnon ko anukul samay men uchit riti se jagrat kar dharan kiya jae to vanchit labh prapt kiya ja sakta hai. ratn vishesh ki anguthi nirdharit dhatu men banvakar dharan karne se vishesh labh hota hai. ayu evan bhar ke anusar sava tin raÿai ke ratn ki anguthi dharan karna uchit rahta hai. ek varsh ya ek kilo bhar hone ki avastha men matra ek raÿai ka ratn dharan karna shreshth hota hai. sabhi ratn shukla paksh men nirdharit var v hora men dharan kie jane chahie. mesh: is lagn vale jatkon ka anukul ratn munga hai jisko shukla paksh men kisi manglvar ko mangal ki hora men nimn mantra se jagrat kar sone men anamika anguli men dharan karna chahie. mantra- un bhaun bhaumay namah labh- munga dharan karne se rakt saf hota hai aur rakt, sahas aur bal men vriddhi hoti hai, mahilaon ke shighra vivah mane sahyog karta hai, pret badha se mukti dilata hai. bachchon men najar dosh dur karta hai. vrishchik lagn vale bhi ise dharan kar sakte hain. vrish: is lagn vale jatkon ke lie anukul ratn hira tatha rajyog karak ratn nilam hai. hira ko shukla paksh men kisi shukravar ko shukra ki hora men jagrat kar dharan karna chahie. mantra- un shun shukray namah labh- hira dharan karne se svasthya v sahas pradan karta hai. samjhdar banata hai. shighra vivah karata hai. agni bhay v chori se bachata hai. mahilaon men garbhashay ke rog dur karta hai. purushon men virya dosh mitata hai. kaha gaya hai ki putra ki kamna rakhne vali mahila ko hira dharan nahin karna chahie atah ve mahilaen jo putra santan chahti hain ya jinke putra santan hai unhen parikshanoprant hi hira dharan karna chahie. ise tula lagn vale jatak bhi dharan kar sakte hain. mithun: is lagn vale jatkon ke lie anukul ratn panna hai jise budhvar ko budh ki hora men nimn mantra se jagrat kar pahnna chahie. mantra- un bun budhay namah labh- panna nirdhanata dur kar shanti pradan karta hai. parikshaon men saflta dilata hai. khansi v anya gale sanbandhi bimariyon ko dur karta hai. chanchal chiÿavriÿiayon ko shant karta hai. iske dharan karne se ekagrata viksit hoti hai. kam, krodh adi mansik vikaron ko dur karke atyant shanti dilata hai. kanya lagn vale jatak bhi ise dharan kar sakte hain. karka: is lagn vale jatkon ke lie anukul ratn moti hai jise somvar ke din pratah chandra ki hora men pahnna chahie. pahnne ke pahle ratn ko is mantra se avashya jagrat kar lena chahie. mantra- un son somay namah labh- moti dharan karne se smaran shakti prakhar hoti hai. bal, vidya v buddhi men vriddhi hoti hai. krodh v mansik tanav shant hota hai. anidra, dant v mutra rog men labh hota hai. purushon ka vivah shidhra karata hai tatha mahilaon ko sumangli banata hai. is lagn vale yadi munga bhi dharan karen to atyant labh deta hai kyonki munga is lagn vale vyakti ka rajyog karak ratn hota hai. sinh: is lagn vale jatkane ka anukul ratn manikya hai. ise ravivar ko pratah ravi ki hora men nimn mantra se jagrat kar dharan karna chahie. mantra- un ghrini suryay namah labh- manikya dharan karne se sahas men vriddhi hoti hai. bhay, duahkh v anya vyadhiyon ka nash hota hai. naukri men uchchapad v pratishtha prapt hoti hai. asthi vikar v sir dard ki samasya se nijat milti hai. is lagn vale vyakti yadi munga bhi dharan karen to atyant labh deta hai. kyonki is lagn vale vyakti ka munga rajyog karak ratn hota hai. dhanu: is lagn vale jatkon ka anukul ratn pukhraj hai jise shukla paksh ke kisi guruvar ko pratah guru ki hora men nimn mantra se jagrat kar dharan karna chahie. mantra- un brin brihaspataye namah labh: pukhraj dharan karne se bal, buddhi, gyan, yagya v man-samman men vriddhi hoti hai. putra santan deta hai. papakarm karne se bachata hai. ajirn pradar, kainsar v charmarog se mukti dilata hai. mithun, kanya, vrishchik, dhanu, kunbh v min lagn vale jatak pukhraj dharan kar sakte hain. vrish, kark, sinh, tula aur makar lagn vale jatak pukhraj dharan n hi karen to achcha hai. mesh lagn vale jatkon ko bhi varjit hai parantu yadi guru janm kundli ke pratham, pancham v navam bhavasth ho to dharan karen. achcha hai. jis kanya ka vivah n ho raha ho use avashya dharan karna chahie parantu uski lagn ya rashi, dhanu ya min honi chahie. makr: is lagn vale jatkon ke lie anukul ratn nilam hai jise shanivar ke din pratah shani ki hora men nimn mantra se jagrat kar dharan karna chahie. mantra- un shan shanaishcharaye namah labh- nilam dharan karne se dhan, sukh v prasiddhi men vriddhi karta hai. man men sadvichar lata hai. santan sukh pradan karta hai. vayu rog, gathiya v harniya jaise rog men labh deta hai. nilam ko dharan karne ke purva parikshan avashya karna chahie. nilam dharan karne se purva kushal jyotishacharya se salah avashya le leni chahie. ratn sarni lagn svami grah ratn dhatu mitra ratn shatru ratn mesh, vrishchik mangal munga sona manikya, moti, pukhraj panna vrish, tula shukra hira sona panna, nilam manikya, moti mithun, kanya budh panna sona/ kansa manikya, hira moti kark chandrama moti chandi manikya, pannna - sinh surya manikya sisa moti, munga, purakhraj m a in a k y , moti, manuga makar, kunbh shani nilam loha/ sisa panna, hira m a in a k y , moti, munga dhanu, min guru pukhraj sona/ chandi moti, munga, manikya hira, nilam ratn dharan karne men hath ka chayn: chikitsa shastra ki manyata hai ki purush ka dayan hath v mahila ka banya hath garm hota hai. isi prakar purush ka banya hath v mahila ka danya hath thanda hota hai. ratn bhi apni prakriti ke anusar thande v garm hote hain. yadi thande ratn, thande hath men v garm ratn garm hath men dharan kiye jaen to ashatit labh hota hai. prakriti ke anusar garm ratn - pukhraj, hira, manikya, munga. prakriti ke anusar thande ratn - moti, panna, nilam, gomed, lahsuniya. ratn maryada- ratn ko dharan karne ke bad uski maryada banayi rakhni chahie. ashuddh sthan, dah-sanskar adi men ratn pahan kar nahin jana chahie. yadi ukt sthan men jana ho to use utar kar dev-sthan men rakhna chahie tatha punah nirdharit samay men dharan karna chahie. is bat ka dhyan rakhna chahie ki ratn shukla paksh ke din nirdharit var ki nirdharit hora men dharan kiye jaen. khandit ratn kadapi dharan nahin karna chahie.