ratn chayan aur dharan ki prakriya lanbi aur jatil avashya hai lekin ek bar ap is prakriya ko jan len aur samajh len to avashya hi apne dvara chayan kiye gaye ratn ka pura labh utha sakte hain.
sahi ratn ka chunav karna ek kathin karya hai, kyonki ratn jahan labh karte hain, vahin hani bhi pahuncha sakte hain.
karak grahon ke anusar vishleshan karen- lagn, chaturth, pancham, navam, dasham, dvitiya ye shubh bhav hai. yadi inse sambandhit grah janmakundali men svagrahi athva mitra-rashi ya uchch rashigat apne bhav athva rashi se pratham, dvitiya, chaturth, pancham, saptam, navam athva dasham ho to sanbandhit rashi ka ratn niahsankoch dharan kar labhanvit ho sakte hain. jaise- mesh v vrishchik lagn ke lie munga shubh hai. manikya v moti bhi inko shubh fal dete hain. jabki vrishabh v tula lagn ke lie hira ratn shubh hai. inko panna v nilam bhi shubh prabhav dete hain. isi tarah se mithun v kanya rashi ke lie panna, nilam v hira faldayi hai. kark lagn ke lie moti karak ratn hai. sinh lagn ke lie manikya ke sath pukhraj v munga vishesh prabhavi hai. dhanu v min lagn ke lie pukhraj shubh hai. makar v kunbh ke lie nilam aur panna shreshth hai.
ap apne bhagyashali ratn ka chunav vartaman mahadsha tatha antardasha ke anusar kar sakte hanai. yadi dasha svami balvan, shubh athva apni uchcharashi men ya svarashi men ho, to dasha svami ka ratn shubh tithi samay men dharan kar sakte hain.
ratn dharan karne se sanbandhit grah ko shakti milti hai tatha vah shubh prabhav apke sharir par dalta hai.
isi tarah apne mulank, bhagyank tatha namank ke svami ka ratn dharan kiya ja sakta hai. ank 1 aur 4 valon ko manikya tatha mulank 2 aur 7 valon ko moti dharan karna chahie.
mulank 9 valon ko munga, mulank 5 ke jatkon ko panna tatha 3 ank valon ke lie pukhraj shubh mana jata hai. ank 6 ke jatko ko hira tatha ank 8 ke jatkon ke lie nilam ratn dharan karna shubh hota hai.
ratna-dharn-disha-gyan:- ratn shastra ke anusar sabhi ratnon ko dharan karne men anya baton ke alava disha ka gyan bhi hona jaruri hota hai. jaise agar surya ke lie manikya dharan kar rahe hain, to dharak ka mukh purva disha men, moti dharan karte samay uttara-pashchim ki or tatha munga pahnna ho to dharan karne vale ka mukh dakshin disha ki or panna dharan karte samay uttar disha men mukh karna chahie. guru ko anukul banane ke lie pukhraj dharan karne ke lie uttara-purva disha uttam mani gayi hai.
isi prakar hire ke lie upasak ka mukh dakshin-purva disha men tatha nilam dharan karte samay mukh pashchim disha ki or hona chahie. rahu aur ketu ke lie gomed tatha lahsuniya dharan karne vale ka mukh hamesha dakshin-pashchim ki or hona chahie.
kuch vishesh up-ratnah- aise ratn hai lajavart pitauniya, jirakan, oneks aur garnet. ye saste aur sulabh ratn hai.
mukhya rup se shani ki shanti ke lie athva shanigrah ke lie nilam ke vikalp ke rup men pahna jane vala lajavart makar athva kumbh lagn rashi ke logon ke lie labhdayak hota hai. jis jatak ki kundli men shani svagrahi ya mitra rashi athva uchcharashi men ho to ve lajavart dharan kar sakte hain.
isaiyon men yani blad ston pitauniya ki vishesh manyata hai.
yunaniyon aur romnon ke anusar blad ston dharan karne se man samman ke sath drirhta barhti hai aur maryada prapt hoti hai. khilariyon ko vijeta banne ke lie ise gale men dharan karna chahie. pashupalan athva krishikarya ke lie bhi shubh hai. yah buddhi, himmat v sahas pradan karta hai. parantu striyon ke lie upyukt nahin hai.
apki kundli men agar shani achche bhav men baitha ho to oneks aur dana-e-firang pahnne se shravan sambandhi samasyaen dur hoti hain tatha atma-niyantran v ekagrata jaise gunon men barhottari hoti hai.
kundli men yurenas shubh sthan par ho to jirkan aur garnet pahnna uchit rahega. jirkan anidra ke upchar men prayukt hone ke sath hi adhyatmik antardrishti ko barhata hai jabki garnet rakt vikaron ko dur karta hai. nepachyun shubh hone par emethist aur ekvamerin pahnne ki salah di gai hai.
asfltaon, parajay v nirasha ki sthiti men ap apne janm lagnanusar triratn jarit laket dharan kar sakte hain.
sabhi kshetron men pragti ke lie chandi ya sone men pran-pratishthit nav ratnon ki mala (asli) dharan v sakte hain. isse kashton ka nivaran hoga tatha sukh - saubhagya milega.
dhan-prapti hetu bisayantrayukt chandi se nirmit laket men moti tatha munga vidhipurvak jarva kar gale men dharan karen.
samajik kshetra men manovanchit saflta-prapti hetu dayen hath ki kanishtha ungli men 4 kairet vajan ka shatkoniya panna dharan karen.
kala, abhinay evan madling ke kshetra men saflta sunishchit karne ke lie daen hath ki anamika ungli men vidhi vidhan se dharan karen.
daye hath ki madhyama ungli men sava tin kairet vajan ka gomed ratn 6 kairet ka pila pukhraj sone ki anguthi men jarvakar daen hath ki tarjani men dharan karne se rajnitik kshetra men saflta milti hai.
mukdmen tatha vad-vivad adi men vijay prapt karne ke lie 8 kairet vajan ka lal munga trikon saij men sone aur tanbe ki mishrit anguthi men jarvakar daen hath ki anamika ungli men dharan karen.
naukri athva pramoshan prapt karne v uchchadhikariyon ka vyavhar anukul banane ke lie daen hath ki anamika ungli men 4 kairet vajan ka manikya sone ki anguthi men dharan karen.
ghar-grihasthi men jivan sukhamay n ho to pati ko dayen hath ki anamika ungli men 10 sent vajan ka hira sone ki anguthi men tatha patni ko baen hath ki anamika ungli men 5 kairet vajan ka dudhiya moti chandi ki anguthi men dharan karna chahie.
yadi inhen kharidne men asamarth hon to pati-patni donon apne daen hath ki tarjani ungli men 7-8 kairet vajan ka opal shukravar ko chandi ki anguthi men sayankal vidhipurvak dharan karen . niahsantan dampatti hon to pati daen hath ki tarjani ungli men 5 ratti vajan ka pila pukhraj sone ki anguthi men tatha patni baen hath ki tarjani ungli men 8 ratti ka sunhla ratn chandi ki anguthi men dharan karen. isse santan-ichcha ki purti hoti hai.
yadi ap kafi samay se asvasth evan rogagrast hain to daen hath ki anamika ungli men 5 kairet vajan ka moti tatha baen hath ki anamika ungli men 7 kairet vajan ka mun ston chandi ki anguthi men dharan karen. yadi sanbhav ho to pran-pratishthit sfatik aur munga mishrit rudraksh ki mala dharan karegen to svasth v prasann rahenge.
ratnadharan vidhi-vidhanah- ratn dharan karne ka bhi niyam hai. amtaur par kaha jata hai ki ratnon ko mitra grah ke anusar hi dharan karna chahie, tabhi unka parinam shat-pratishat milta hai. ratnon ko lagnesh, panchmesh aur navmesh ke anusar dharan karna chahie.
yah dhyan dene vali bat hai ki ratn hamesha ded hota hai. use charj kiya jata hai. ap jitne vidhi vidhan se ise charj karenge, utna hi sakriyata se anukul fal dega. sath hi yah bhi gaur karen ki jis var grah ka ratn hai, use usi var ki hora ya chaighriya men dharan karna chahie. vaise ratnon ko dharan karne ke lie shukla paksh ko uchit mana gaya hai. ratn dharan karne ke 24 ghante pahle use shuddh dudh, dahi aur ganga jal men dalakar rakh dena chahie.
iske bad ganga jal se snan karakar use ek mala ke jap se charj karke pahnna chahie. ratn ke lie jap karne ke dauran yah dhyan den ki mantra prayah nav grahon ke anukul v nirdharit hon, tabhi vah ratn siddh hota hai.