akshay tritiya itni adhik mahatvapurn kyon hai? kalpana tivari akshay tritiya ka hindu sanskriti men bara mahatva hai. yah parva vaishakh mas men shukla paksh ki tritiya ko manaya jata hai. is din kiye jane vale shubh karya ka fal akshay hota hai. is din diye jane vale dan ka bhi bahut mahatva hai. aisa mana jata hai ki is din diya jane vala dan akshunn rahta hai. aiye janane ki is din ka itna mahatva kyon hai? is din surya evan chandra donon grah apne parmochch ansh par rahte hain. surya bhachakra ke 10 ansh par uchch ka hota hai aur chandrama bhachakra ke 33 ansh par parmochch hota hai. is din surya evan chandrama bhachakra ke inhin anshon par hote hain. kundli men yadi bahut se shubh yog hon to ve purn rup se tab tak falibhut nahin hote jab tak ki kundli men surya evan chandrama men bal n ho. atah is din kiye hue jap evan dan surya evan chandrama ko bali karte hain aur jatak ko surya evan chandra ka purn ashirvad prapt hota hai. isse kundli ko bal milta hai evan arishton men kami hoti hai aur kundli ke shubh yog purnatah falibhut hote hain. isi din bhagvan surya ne pandavon ko akshay patra bhent kiya tha. iska arth hai ki is din yadi bhagvan surya ka ashirvad prapt kiya jay to ghar men dhan dhanya evan sukh samriddhi ki kami nahin hoti hai. isi din bhagvan krishn evan sudama ka punah milap hua tha. bhagvan krishn chandravshiny hain. chandrama is din uchch ka hota hai. chandrama man ka karak bhi hai aur sudama sakshat nisvarth bhakti ka pratik hai. iska tatparya hai ki yadi nisvarth bhakti ke sath man ko prabhu ko samarpit kiya jay to prabhu vaise hi prasann hote hain jaise ki sudama ki bhakti se prasann hue the. bhagavat puran men yah bhi ullekh milta hai ki devarshi narad ne hi sudama ke rup men dvapar yug men janm liya tha. akshay tritiya ko yugadi tithi bhi kaha jata hai. yugadi ka shabdik arth hai yug$adi arthat ek yug ka aranbh. akshay tritiya ko yugadi tithi islie kaha jata hai kyonki is din treta yug ka aranbh hua tha. treta yug men hi bhagvan ram ka janm hua tha jo ki surya vanshi the. surya is din purn bali hota hai isilie is din surya vansh pradhan treta yug ka aranbh hua. isi din bhagvan parshuram ka janm hua tha. bhagvan parshuram ke bare men kaha jata hai ki unhonne prithvi ko 21 bar kshatriya rahit kiya tha. yahan kshatriya se tatparya kisi jati vishesh se nahin hai. varan satva, rajas evan tamas gun pradhan mansik sthiti se hai. vastutah unhonne brahmanatva arthat satvagun ko barhava dene ke lie evan rajas evan tamas ka ant karan ke lie aisa prayas kiya tha. bhagvan shiv ne isi din mae lakshmi evan kuber ko jagat sanpÿia evan dhan ka sanrakshak niyukt kiya tha. isilie is din sona, chandi aur anya mulyavan vastuen kharidne ka vishesh mahatva hai. is prakar surya evan chandrama ka purn bali hona is din ko atyant mahatvapurn banata hai kyonki vedon ke anusar surya ko is sakal brahmand ki atma mana jata hai jabki chandrama manav man ko atyadhik prabhavit karta hai. atah is din man evan atma ke karak purn bali hote hain. jo purn saflta evan samriddhi v antrik sukhanubhuti ke vahak ban jate hain. is din gau, bhumi, til, svarn, ghi, vastra, dhanya, gur, chandi, namak, shahad aur kanya ye barah vastuen dan karne ka mahatva hai. jo bhi bhukha ho vah ann dan ka patra hai. jo jis vastu ki ichcha rakhta hai yadi vah vastu use bina mange de di jay to data ko pura fal milta hai. sevak ko diya dan ek chaithai fal deta hai. kanya dan in sabhi danon men sarvadhik mahatvapurn hai isilie is din kanya ka vivah kiya jata hai. is prakar akshay tritiya ko jo bhi dan kiya jata hai vah akshay ho jata hai, dan dene vala surya lok ko prapt hota hai. is tithi ko jo vrat karta hai vah riddhi, vriddhi evan shri se sanpann hota hai. is din kiye gaye achche v bure sabhi karm v snan, dan, jap, hom, svadhyay, tarpan adi. akshay ho jate hain. atah is din shubh karm hi karne chahie. dan labh gaudan kathik, vachik evan mansik papon ka shaman bhudan ihlok v parlok men pratishtha til dan balavardhak evan mrityu ka nivaran svarn dan jathragni ko barhane vala, virya dayak ghi ka dan pushthi karak vastra-dan ayu ki vriddhi dhanya ka dan ann, dhan ki samriddhi gur ka dan madhur bhojan ki prapti chandi ka dan virya ki vriddhi lavndan shataras bhojan ki prapti kanya dan ajivan bhog prapti akshay tritiya ko yugadi tithi bhi kaha jata hai. yugadi ka shabdik arth hai yug$adi arthat ek yug ka aranbh. akshay tritiya ko yugadi tithi islie kaha jata hai kyonki is din treta yug ka aranbh hua tha. treta yug men hi bhagvan ram ka janm hua tha jo ki surya vanshi the. surya is din purn bali hota hai isilie is din surya vansh pradhan treta yug ka aranbh hua.
Kya aapko lekh pasand aaya?
Subscribe