nav ratn - ek vihangam drishtipat fyuchar paeint ke saujanya se manikya surya ratn manikya surya ke shubh fal prapti hetu dharan kiya jata hai. vibhinn sthanon se prapt manikya ke rangon men antar hota hai. kabutar ke rakt ke saman rang vala manikya adhik mulyavan hota hai. barma ka manikya apna vishisht sthan rakhta hai. barma se prapt manikya ka rang syam ke manikya se kam gahra hota hai. shri lanka se prapt manikya ke rang men kuch pilapan hota hai. sabse uttam jati ke manikya uttari barma ke mogol namak sthan se prapt hote hai. syam men manikya bainkaek ke nikat chantaban namak sthan men paye jate hain. yahan ye retili mitti se prapt hote hain. barma ke manikya ki khadanen sabse purani mani jati hain. sansar ke sabse uttam aur bare manikya yahin se prapt hote hain. barma men manikya aur nilam donon paye jate hain. barma ke manikya ki kimat adhik hoti hai. pashchimi deshon men bhi prachin kal se manikya bahut upyogi ratn mana jata hai. aisa vishvas tha ki manikya vish ko dur kar deta hai, pleg se raksha karta hai; dukh se mukti pradan karta hai, man men bure vicharon ko ane se rokta hai tatha dharan karne vale par vipatti ane vali ho, to uska rang badal jata hai jisse vyakti samay rahte savdhan ho jata hai. manikya pahan kar surya upasna karne se surya ki puja ka fal dugna ho jata hai. manikya dharan karne se surya sanbandhi rogon (sir pira, jvar, netra vikar, pitt vikar, muchrcha, chakkar ana, dah (jaln), hriday rog, atisar) agni, shastra evan vish janya vikar, pashu evan shatrubhay, dasyu pira, raja, dharm, devta, brahman, sarp, shiv adi ki apratishtha se chitt vikar evan inse bhay adi se raksha hoti hain. manhani, pita aur putra ki vichar vishyta se bachav hota hai. surya hriday ka pratinidhi hai. ratnon men vah manikya ka pratinidhi hai. islie vyakti ko surya ko bal dene ke lie manikya dharan karna chahie. hriday ke sabhi prakar ke kashton athva rogon men sone ki anguthi men manikya pahnna labhdayak mana gaya hai. manikya ki pishti aur bhasm donon aushdhi ke rup men upyog men ate hain. manikya raktavardhak, vayunashak aur udar rogon men labhkari hai. manikya bhasm ke sevan se ayu men vriddhi hoti hai. ismen vat, pitt, kaf ko shant karne ki shakti hai. yah kshay rog, dard, udar shul, chakshu rog, koshthabaddhata adi dur karta hai. iski bhasm sharir men utpann ushnata aur jalan ko dur karti hai. bhav-prakash evan ras-ratna-samuchchay ke anusar manikya kashay aur madhur ras pradhan dravya hai. yah shitltadayak agnidipak aur netra jyoti ko barhane vala hai. moti moti ko chandra ratn mana gaya hai. yah mukhyatya safed rang ka hi hota hai kintu halka pilapan liye tatha halka gulabipan liye moti bhi milte hain. moti khanij ratn n hokar jaivik ratn hota hai. munge ki bhanti hi moti ka nirman bhi samudra ke garbh men sipi dvara kiya jata hai. moti faras ki khari, shrilanka benejuela, maiksiko, astreliya tatha bangal ki khari men pae jate hain. bharat men moti dakshin bharat ke tamilnadu rajya ke tutikoran tatha bihar ke darbhanga jile men bhi prapt hote hain. vartaman samay men sabse adhik moti chin tatha japan men utpann hote hain. chin tatha japan men moti ko vishesh prakar se utpann kiya jata hai. faras ki khari men utpann hone vale moti ko hi ‘‘basre ka moti’’ kaha jata hai. yah sarvoÿam prakar ka moti hota hai. moti ki pramukh visheshta yah hai ki yah hamen sarvatha apne prakritik rup men hi prapt hota hai. anya ratnon ki bhanti iski kating tatha paelish adi nahin ki jati aur n hi ise akar diya jata hai. adhik se adhik mala men piroe jane ke lie inmen chidra hi kiye jate hain. moti shitvirya hota hai. atah iske dharan karne se krodh shant rahta hai tatha mansik tanav bhi dur hota hai. asli moti ki pahchan nimnalikhit hain- moti men vishesh prakar ki chamak athva prachya abha hoti hai. iski chamak sthai hoti hai. moti ke akar se bhi uski parakh ki ja sakti hai kyonki yah gol, bedaul tatha terha-merha bhi hota hai. iski koi kating adi nahin ki jati. atah yah apne prakritik rup men hi upalabdh hota hai. moti ko kisi kapre par ragrne se uski chamak men vriddhi hoti hai. moti tare ke saman prakashman, svachch, shvet tatha chikna hota hai. moti sone ya chandi ki anguthi men jarvakar dharan karna chahie. inmen bhi chandi men dharan karna adhik shreshth hai. somvar ke din pratahkal nitya karm adi se nivriÿa hokar moti ki anguthi ko kachche dudh aur gangajal se dhokar nimnalikhit mantra ka uchcharan karte hue daen hath ki kanishtha ungli men dharan karna chahie- ‘‘shran shrin shraun sah chandramse namah’’ munga munga mangal grah ka pratinidhi ratn hai. ise vibhinn namon se pukara jata hai angreji men ise koral kahte hain. munga mukhyatah lal rang ka hota hai. iske atirikt munga sinduri, gerua, safed tatha kale rang ka bhi hota hai. munga ek jaivik ratn hota hai. munge ke vishay men kuch logon ki dharna hai ki munge ka per hota hai kintu vastavikta yah hai ki munge ka per nahin hota aur n hi yah vanaspati hai. balki iski akriti paudhe jaisi hoti hai. vastav men yah jaivik ratn hai. munga samudra men jitni gahrai par prapt hota hai, iska rang utna hi halka hota hai. iski apeksha kam gahrai par prapt munge ka rang gahra hota hai. yah aljiriya, sigli ke koral sagar, iran ki khari, hind mahasagar, itli tatha japan men prapt hota hai. itli se prapt munge ko itailiyan munga kaha jata hai. yah gahre lal surkh rang ka hota hai. sarvottam munga japan ka hota hai. yadyapi munga adhik mulyavan ratn nahin hota kintu iske sundar v akarshak rang ke karan ise navaratnon men shamil kiya gaya hai. munga dharan karne se mangal grah janit samast dosh shant ho jate hain. munga dharan karne se rakt saf hota hai aur rakt ki vriddhi hoti hai. munga dharan karne se hriday rogon men bhi labh hota hai, vyakti ko najar dosh (najar lagna) tatha bhut-pret badha adi ka bhay nahin rahta. isilie prayah chote bachchon ke gale men munge ke dane dale jate hain. munga ho ya anya koi ratn, inke dharan karne ka shreshth dhang to yahi hai ki kisi yogya pandit se inki pran-pratishtha karakar hi dharan karna chahie kintu jo vyakti kisi karanavash aisa nahin kar sakte unhen nimnalikhit vidhi ke anusar munga dharan karna chahie- munge ko sone, chandi athva chandi aur tanba ya donon dhatuon ko milvakar bani anguthi men dharan kiya jata hai. uparyukt dhatuon men se kisi se bani anguthi men munga jarvakar anamika ungli pahnna chahie. ise kachche dudh aur gangajal se dhokar manglvar ke din pratah suryoday se gyarah baje ke madhya daen hath ki anamika ungli men nimn mantra ke uchcharan ke sath dharan karna chahie. ‘‘kran krin kraun sah bhaumay namah’’ striyon ke lie baen hath ki anamika ungli men dharan karne ka vidhan hai. panna panna budh grah ka pratinidhi ratn mana jata hai ise angreji men emrald kahte hain. panna hara tatha tote ke pankh ke rang ka hota hai, yah ati prachin, bahuprachlit tatha mulyavan ratn hota hai. mulyavan ratnon ki shreni men iska tisra sthan hai. bharat men panna ajmer, udypur, bhilvara tatha chatrpur men prapt hota hai. videshon men yah pakistan, afrika, amerika, brajil, kolambiya, medagaskar tatha saiberiya men prapt hota hai. ajakal sarvokrisht pannon ke lie kolambiya ki khanen prasiddh hain. dusre darje ke panne rus tatha brajil se prapt hote hain. panna prayah paradarshi aur aparadarshi donon hi rupon men paya jata hai. paradarshi panne men prayah halka-sa jala athva resha avashya paya jata hai. prayah sarvatha nirdosh panna kam hi upalabdh hota hai. agar milta bhi hai to uska mulya itna adhik hota hai ki ise kharidna am admi ke bas ka nahin hota hai. panna netra rog nashak v jvar nashak hota hai. sath hi panna sannipat, dama, shoth adi vyadhiyon ko nasht karke sharir men bal evan virya ki vriddhi karta hai. panne ki pramukh visheshta yah hai ki panna dharan karne se budh janit samast dosh nasht ho jate hain. iske dharan karne se dharak ki chanchal chiÿa vriÿiayan shant v sanymit rahti hain tatha dharak ko mansik shanti prapt hoti hai. iske dharan karne se man ekagra hota hai. yah kam, krodh adi vikaron ko shant kar dharak ko asim sukh-shanti pradan karta hai. isilie isai padri log prayah panna dharan kie rahte hain. ismen bhangurta hone ke karan yah girne se tut sakta hai. panne ki anguthi sone, chandi ya pletinam men banvakar daen hath ki kanishtha ungli men dharan karni chahie. budhvar ke din pratah nitya karm adi se nivriÿa hokar kachche dudh aur gangajal se anguthi ko dhokar nimnalikhit mantra ke uchcharan ke sath dharan karni chahie- ‘‘¬ bran brin braun sah budhay namah’’ pukhraj pukhraj pile lal tatha safed rang men bhi paya jata hai. asli pukhraj ko yadi kanch ke gilas men gay ka dudh bhar kar dal den, to ek ghante bad pukhraj ke rang ki kirnen upar satah tak jati pratit hoti hai. ise guruvar ko din men sone ki anguthi men, dhanu, athva min lagn men dharan karna chahie. mesh lagn valon ko pukhraj dharan karna uchit nahin mana gaya hai. parantu guru grah pratham, pancham, navam bhav men ho, to ise dharan karne se labh hota hai. vrish lagn vale jatkon ko pukhraj sharir ka kasht deta hai. islie unhen ise nahin dharan karna chahie. mithun kanya, dhanu v kunbh lagn vale jatkon ko pukhraj dharan karne se labh hota hai. kark lagn vale jatkon ke lie pukhraj anukul nahin rahta hai. sinh, tula tatha makar lagn vale jatkon ko bhi pukhraj dharan nahin karna chahie. vrishchik lagn vale jatkon ko santan tatha dhan sanbandhi kasht nivaran ke lie pukhraj dharan karne se labh hota hai. min lagn ke lie guru grah lagnesh hota hai. unke lie pila pukhraj labhkari hota hai, kyonki guru sharir tatha karm bhav ka svami hota hai. anya vicharah ank shastra ke hisab se janm 3, 12, 21 tatha 30 tarikhon men janmen jatkon ka mulank 3 mana jata hai. 3 ank ka svami guru grah ko mana gaya hai. unhen pukhraj dharan karne se labh hota hai. jin jatkon ke janmank men brahman varn hai, unhen safed pukhraj, kshatriya varn hone par gulabi, athva lal pukhraj tatha ‘vaishya varna’ valon ko pila pukhraj dharan karna chahie. shvet pukhraj gyanavardhak, lal pukhraj shaktivardhak, tatha pila pukhraj sukh aur dhanavardhak mane gaye hain. hira shukra ke shubh prabhav ko barhane ke lie hira dharan karna labhdayak mana gaya hai. nimn sthitiyon men hira dharan karna chahie.ah jab shukra shubh bhavesh ho aur apne bhav se 6, ya 8ven ghar men upasthit ho. jab shukra kundli men nich rashi men ho, vakri ho, ast ho ya pap grahon ke prabhav men ho. uparyukt sthiti ke shukra ki mahadsha, ya antardasha chal rahi ho ya jin vyaktiyon ko vishaile jiv-jantuon ke bich men rahna parta ho. vyaparik pratinidhi, film abhineta evan abhinetriyan, film nirmata tatha kisi bhi kala kshetra se jure hue vyakti tatha premi-premika bhi ise dharan kar labh le sakte hain. bhut-pret vyadhi se pirit vyakti bhi hira dharan kar labh le sakte hain. shuddh hire ko garm pani, garm dudh, ya tel men dalne par yah use thanda kar deta hai. shuddh hire par kisi bhi vastu ki kharonch ka chihn nahin ban sakta. doshyukt hira kabhi dharan n karen. jo hira dhumra varn, lal, ya pila ho, use dharan n karen. hire par kisi prakar ki rekha, bindu, ya katav nahin hona chahie. anguthi men jarne ke lie kam se kam ek ratti vajan ka hira hona chahie. vaise jitne adhik vajan ka hira dharan kiya jaega, utna hi achcha parinam prapt hoga. hire ke sath manikya, moti, munga aur pila pukhraj n pahnen. ek bar dharan kiye hue hire ka prabhav 7 varsh tak rahta hai. uske bad use punah vidhivat dusri anguthi men dharan karna chahie. hire ko chandi, ya plaitinam men dahine hath ki kanishthika (sabse choti anguli) men shukravar ko pratah kal dharan kiya jana chahie. anguthi banate samay shukra vrish, tula, ya min rashi men ho, athva shukravar ke din bharni, purvasharha ya purvafalguni men se koi bhi nakshatra ho, tab yah anguthi banva kar dharan karni chahie. anguthi banvane ke bad us anguthi ki puja, pran-pratishtha, havan adi kriya karne ke pashchat, shukravar ko, pratahkal, purva disha ki or munh kar ke, dharan karni chahie. yadi aisa karna sanbhav n ho, to shukra ke pauranik mantra ‘un shun shukray namah’ ki ek mala jap kar uparyukt muhurt men anguthi dharan ki ja sakti hai. striyon ko hira dharan karne ka nishedh milta hai. is sanbandh men svayan shukracharya ne kaha hai: ‘n dharyet putra kamanari vajram kadachan.’ arthat putra ki kamna rakhne vali stri ko hira nahin pahnna chahie. atah ve striyan jinko putra santan hain, parikshanoprant hira dharan kar sakti hain. niyamanusar dharan kiya gaya hira vyakti ko sukh, aishvarya, rajasamman, vaibhav, vilasita adi dene men purn saksham hota hai. lekin kisi yogya daivagya se kundli dikhane ke bad hi hira dharan karen. hira apna shubhashubh parinam shighra deta hai. nilam nilam ke svami shani devta hain. jyotish shastra men shani ki dasha durdasha aur dukh ki dyotak mani jati hai. islie shani ke kop ko shant karne ke lie sahaj upay nilam dharan karna mana jata hai. nilam shrilanka, barma, thailaind mane uttam aur prachur matra men prapt hote hain, parantu kashmir pradesh se prapt nilam sabse uttam hote hain, jinhane ‘mayur nilm’ kahte hain, kyonki inka rang mor ki gardan ke rang ki tarah ka hota hai. kashmiri nilam bijli ke prakash men apna rang nahin badlta, jabki anya sthanon se prapt nilam bijli ke prakash men syah rang ke dikhai dete hain. nilam makar evan kunbh rashi ka pratinidhi aur sitanbar mah ka grah ratn hai. nilam satya aur sanatan ka pratik hai. vivekshilta, satya tatha kulinta jaise gun iske sath jure hue hain. shubh faldayak siddh hone par yah, dharanakatrta ke rog, dosh, dukh-daridray nasht kar ke, dhan-dhanya, sukh-sanpatti, buddhi, bal, yash, ayu aur kul, santti ki vriddhi karta hai. nilam dharan karne se striyon men anaitikta nahin ati. premiyon ke lie yah bhagyavan ratn mana jata hai. yah prasannatavardhak hai, parantu papi vyakti ko viprit fal deta hai. nilam dilodimag ko sukun dene vala mana gaya hai, jo shvas, khansi aur pitt ki bimari ko kam karta hai. khuni nilam sarvadhik asrkarak mana jata hai aur savdhani se dharan karne ki hidayton ke sath diya jata hai, kyonki kuch din tak dharan karne par anisht hona bhi sanbhav hai. ratn kitne samay men fal dega, yah kundli ke grah ki sthiti par nirbhar karta hai. agar grah kisi sanvednshil jagah par sthit hoga to turant prabhav dikhayega, anyatha samanya sthiti men sthit grah ka prabhav dekhne ke liye kuch samay pratiksha karna avashyak hoga. gomed gomed ko sanskrit men gomedak, pigasfatik, pitaraktamani, tamomni, rahu ratn, angreji men aiget, chini men pili, bangla men modit mani, arbi men hajar yamni kahte hain. yah lali liye hue pile rang ka paradarshak chamkila ratn hota hai. iska rang shahad jaisa bhura hota hai. gay ke mutra ke rang ka hone ke karan ise gomed kaha jata hai kyonki gaumutra ka apabhransh rup hai gomed. gomed dharan karne se bhram ka nash hota hai. yah nirnay lene ki shakti pradan karta hai. gomed atmabal ka sanchar karta hai aur daridrata mita kar atmasantushti deta hai tatha shatru par vijay prapt hoti hai. saflta sugmta se milti hai. pachan sansthan ke mukhya ang amashay ki garbri ko dur karta hai. vivah sanskar men ane vali badha ko dur kar shighra shadi karvata hai. santan badha ko dur kar shighra santan pradan karta hai. videshi matanusar gomed agast men janme vyakti ka jivan ratn hota hai. 15 farvri se 15 march, yani kunbh ke surya men janme vyakti ko yah ratn avashya dharan karna chahie. ank vigyan (nyumrolaeji) ke anusar 4, 13, 22 evan 31 tarikh ko janme vyakti ko gomed dharan karna chahie. gomed dharan karne se kanya rashi aur kanya lagn valon ka man prasann rahta hai, chinta dur rahti hai. gomed ka bhautik gun: yah loha evan jasta tatha anya dravyon ka mishran hai. lohe ka ansh adhik hone par gomed ko chunbak khinch leta hai. pratham varga: yah gomed prasiddh hai. iske do rang hain- pila aur shvet. yah sarlta se tarasha nahin ja sakta hai. ismen apurva chamak hoti hai. yah samanya jan ke lie sulabh nahin hai. dvitiya varga: yah bhura rang lie hota hai. ismen anya gun pratham shreni ke hi paye jate hain. gaya ka gomed, jo sansar men prasiddh hai isi varg ka gomed hai. tritiya varga: ismen hare rang ki jhaniyan hoti hain. yah bhure aur narangi rang men bhi paya jata hai. prapti sthan: lanka, bharat, thaidesh, kanbodiya, maidagaskar. gomed ke uparatn hai: tursab, jirakan, tussa aur safi trinkantmni. gomed kabhi bhi sava char ratti se kam ka nahin dharan karna chahie. gomed 6, 11, 7, 10 ratti ka dharan kar sakte hain, parantu 9 ratti ka kabhi bhi dharan n karen. gomed ke abhav men safed chandan ko nile dore men bandh kar gale men dharan karen. lahsuniya lahsuniya ko ketu ratn mana gaya hai. angreji men ise kaits ai kahte hain. lahsuniya halke pile rang ka tatha bans ke saman hota hai. iski satah par safed rang ka sutra athva dhari hoti hai, jo ki hilane-dulane par chalti hui-si pratit hoti hai. is prakar dekhne se yah billi ki ankh ke saman pratit hota hai. isi karan ise vidalaksh athva kaits ai bhi kaha jata hai. yah vayu-gola tatha piÿaj rogon ka nashak, sarkari karyon men saflta dilane vala tatha durghatana adi se bachane vala hota hai. lahsuniya shrilanka, brajil, chin tatha barma men prapt hota hai. bharat men yah urisa men paya jata hai. shrilanka ka lahsuniya prasiddh hai. lahsuniya dharan karne se duahkh- daridrata, vyadhi, bhut badha evan netra rog nasht hote hain. lahsuniya ki pramukh visheshta yah hai ki ise dharan karne se ketu janit samast dushprabhav shant hote hain. asli lahsuniya ki pahchan nimnalikhit hain- achche lahsuniya men chamkilapan tatha chiknahat hoti hai. vajan men yah samanya se kuch vajndar pratit hota hai. lahsuniya ke bich men safed rang ka sutra athva dhari hoti hai. ise thora idhr-udhar ghumane par yah dhari chalti hui-si pratit hoti hai. ise kapre par ragrne se iski chamak men vriddhi hoti hai. lahsuniya dharan vidhi: lahsuniya ki anguthi sone ya chandi men banvakar somvar ke din kachche dudh v gangajal se dhokar anamika ungli men nimnalikhit mantra ke uchcharan ke sath dharan karni chahie- ‘‘¬ sra srin sraun sah ketve namah’’