ratna: sakaratmak urja strot  

ratna: sakaratmak urja srot rashmi chaidhri bharat se bahar ke deshon men jahan ratnon ka prayog vyakti apni vesh-bhusha tatha samanya sundrta ko barhane ke lie karte hain, vahin bharat men ratnon ka vividh prayog is siddhant ke adhar par kiya jata hai ki ye ratn sabhi staron par sakaratmak urja ka sanvardhan karte hain. ratn evan ratnon se nirmit abhushan n keval sharir ke vibhinn avyvon ka alankaran hi karte hain varan unmen ashcharyajanak alaukik daiviya shakti vidyaman rahti hai jo apratyaksh rup se manav sharir men pravesh karke manav jivan ko nirogi evan sukhamay banane ki samathrya rakhti hai. jyotishiya drishti se sabhi nau grahon ka sanbandh nau ratnon se mana gaya hai. grahon ke ratn, nyunatam bhar, dhatu, ungli, var, dharan samay talika men dekhen. ratn dharan mantra surya (manikya) un hran hrin hraun sah suryay namah chandra (moti) un pran prin praun sah chandramse namah mangal (munga) un kran krin kraun sah bhaumay namah. budh (panna) un bran brin braun sah budhay namah. guru (pukhraj) un gran grin graun sah guruve namah shukra (hira) un dran drin draun sah shukray namah. shani (nilm) un pran prin praun sah shanaishcharay namah. rahu (gomed) un bhran bhrin bhraun sah rahve namah. ketu (lahsuniya) un sran srin sraun sah ketve namah jis prakar kundli men sthit grahon ki shubhashubh sthiti ke adhar par hi kisi jatak ko jivan men saflta ya asflta prapt hoti hai usi prakar in navagrahon ki shakti ko dvigunit karne athva kam karne men in ratnon ka atyadhik mahatvapurn yogdan rahta hai. vaigyanik drishti se bhi ratnon ka atyadhik mahatva hai. ham sabhi jante hain ki hamara yah sharir panch mahabhuton (agni, prithvi, akash, vayu tatha jal) se nirmit hai. jab-jab hamare sharir men in panchatatvon men se kisi ek ka bhi santulan bigar jata hai athva kisi ek tatva ki atyadhik pradhanta ya nyunta ho jati hai to hamare sharir evan man ko anek prakar ke rogon evan kashton ka samna karna parta hai. aisi visham paristhiti men ye ratn apne se sanbandhit grahon ki rashiyon ko naisargik rup se hamare sharir men pravisht karakar us asantulit grah evan tatva ko purnataya santulit karke us grah ko shubhta pradan karte hain. kundli men sthit grahon ki purn shubhta prapt karne ke liye hi ratna-dharan vidhi (anguthi athva laeket) prayog men lai jati hai. vibhinn lagnon ke jatkon ko jivan men sakaratmak evan shubhta prapt karne ke liye apne lagn se sanbandhit ratnon ko avashya dharan karna chahiye. lagn jivan ratn karak ratn bhagya ratn mesh munga manik pukhraj vrish hira panna nilam mithun panna hira nilam kark moti munga pukhraj sinh manik pukhraj munga kanya panna nilam hira tula hira nilam panna vrishchik munga pukhraj moti dhanu pukhraj munga manik makar nilam hira panna kunbh nilam hira panna min pukhraj moti munga aushdhiya drishti se bhi ratnon ka atyadhik mahatva hai. ratnon men kai rogon ko dur karne ki prakritik kshamata hoti hai. jyotish men suryadi nau grahon ko vibhinn rogon ka karak bhi mana gaya hai. jis grah se sanbandhit rog se vyakti grasit hota hai yadi us grah se sanbandhit ratn ko vah (anya aushdhiyon ke sevn) ke sath-sath dharan karta hai to rogon ke upchar men atishighra labh prapt hota hai. grah ratn bhar (nyuntm) dhatu ungli var samay surya manikya 3( ratti sona anamika ravivar pratah chandra moti 3( ratti chandi kanishthika somvar pratah mangal munga 6) ratti chandi anamika manglvar pratah budh panna 4( ratti sona kanishthika budhvar pratah guruvar pukhraj 4) ratti sona tarjani guruvar pratah shukra hira ( ratti chandi kanishthika shukravar pratah shani nilam 4( ratti panch dhatu madhyama shanivar sandhya rahu gomed 5( ratti asht dhatu madhyama shanivar suryast ketu lahsuniya 6( ratti chandi anamika mangl/guru suryast ratn bimariyon men labhdayak manik dil ke rog, saradard, netra rog rakt vikar moti anidra, tapedik, histiriya, netra rog dipreshan (mansik avsad) munga bukhar, chechak, rakt vikar garbhapat panna jibh, vani mastishk rog, ant evan elarji pukhraj piliya, gathiya, hriday rog, udar, jigar, napunskta hira virya sanbandhi rog, napunskta, andhapan nilam mirgi, lakva, pair dard, nari tantra purane lailaj rog gomed chechak, haija, sankramak rog, kushth rog tvacha rog lahsuniya kainsar, asthama, lakva, mirgi, achanak hone vali bimariyan ratn dharan karne ke kuch vishisht niyam ratnon ko anguthi ya laeket men dharan karne ke bhi kuch vishisht niyam hain jinka dhyan rakhna ati avashyak hai. kabhi bhi paraspar virodhi grahon ke ratn dharan nahin karne chahie. sabhi ratnon ki ek nishchit ayu hoti hai. us nishchit avdhi ke samapt hote hi us ratn ko utar kar dena chahiye. yadi punah vahi ratn dharan karna avashyak hai to navin ratn dharan karen. ratn ki ayu aur sath men varjit ratn is prakar hain- - ratn sadaiv utkrishtata liye hona chahie. - purush dayen hath men tatha striyan bayen hath men ratn dharan karen (aisi manyata hai). kintu yadi striyan bhi atmanirbhar hain athva vyavsay ya naukri karti hain to unhen bhi dahine hath men hi ratn dharan karna chahiye. - kabhi bhi badhak, marak ya ashubh grah ka ratn nahin dharan karna chahiye. - ratnon ka chayan sadaiv grah ki ashubhta ko dur karne ke liye tatha shubhta aur sakaratmakata ko barhane ke liye hi karna chahiye. - yadi koi grah kundli men ashubh sthiti men vidyaman hai aur yadi agyantavash ya trutivash us grah ke ratn ko dharan kar liya jata hai to iska arth hai ki vah dharan kiya gaya ratn us grah vishesh ki shakti ko aur barhayega arthat uske ashubhatva men vriddhi karega. aisi sthiti men us grah ke ashubh fal hi prapt honge. - ratn ko sadaiv nishchit anguli mane hi pahnna chahiye. - ratn ko anguthi ke rup men ungli men dharan karna, laeket ke rup men gale men dharan karne se adhik labhaprad hota hai. - yadi ratn ko laeket ke rup men pahnna hain to ratn ka vajan dugna kar dena chahie. - ratn ko hamesha ungli ki tvacha se sparsh karte rahna chahie, kyonki ratn ka sparsh jab tvacha se hota rahta hai to us ratn ke dvara paravartit sakaratmak urja evan rashmiyon ka sidha evan pratyaksh prabhav hamare man aur mastishk par parta hai jisse hamari sakaratmak soch men vriddhi hoti hai tatha ham jivan men saflta ki or ek kadam aur agrasar ho jate hain.’’ - ratnon ko sadaiv kisi ratn visheshagya ke margadarshan men hi dharan karna chahiye. atah yah nishchit hai ki apni lagn, rashi tatha kundli men grahon ke balabal evan shubhatva, ashubhatva ke anusar uchit ratnon ka chayan karke, use anguthi ya laeket ke rup men dharan karke ham apni jivan rupi mala ko prasannata, saflta, sukh-samriddhi, shanti, vaibhav ityadi ratnon se vibhushit kar sakte hain, jinki prakash rashmiyon se hamara jivan aur adhik alokit hota rahega tatha grahon ko anukul banakar un grahon ki purn kripa evan shubhatva prapt karne ki disha men bhi ye ratn sadaiv hi hamare liye ‘prakritik urja-srot ka hi karya karenge. ratn ratn ki ayu sath men varjit ratn manik 4 sal hira, nilam, gomed moti 2) sal gomed lahsuniya munga 3 sal hira, nilam, gomed panna 4 sal moti pukhraj 4 sal hira nilam hira 7 sal manik, munga, pukhraj nilam 5 sal manik, munga, pukhraj gomed 3 sal manik, moti, munga lahsuniya 3 sal moti