jyotishiya yogon se tay karen- kya ratn pahnen, kya n pahnen jay indar malik ratnon ke mulya, upadeyta aur bhinnata ke karan pratyek vyakti pratyek ratn n to kharid sakta hai aur n hi usse labh le sakta hai. sahi ratn ke nirnay ke lie behatar hoga ki achche kundli visheshagya se margadarshan prapt karen athva nimn jyotishiya yogon par drishtipat karke nirnay len. janm kundli men trikon sadaiv shubh hota hai islie lagnesh, panchmesh v navmesh ka ratn dharan kiya ja sakta hai. yadi in tinon men koi grah apni uchch rashi ya svarashi men ho to ratn dharan nahin karna chahie. yadi shubh grah ast ya nirbal ho to uska ratn pahnen taki us grah ke prabhav ko barhakar shubh fal de. yadi lagn kamjor hai ya lagnesh ast hai to lagnesh ka ratn pahnen. yadi bhagyesh nirbal ya ast hai to bhagyesh ka ratn pahnen. lagnesh ka ratn jivn-ratn, panchmesh ka kark-ratn aur navmesh ka bhagya-ratn kahlata hai. trikon ka svami yadi nich ka hai, to vah ratn n pahne. kabhi bhi marak, badhak, nich ya ashubh grah ka ratn n pahnen. apni kundli men pratyek grah ke balabal par vichar karen aur tadnusar ratn ke bare men nirnay karen. surya sinh lagn ka svami hai. surya ki sthiti thik n ho to manikya dharan karen kyonki surya ko atma kaha jata hai. yah purva disha ka svami aur is ka rang tanbe ke saman hai. kundli men surya ki sthiti dekhen aur manikya dharan karen. yadi lagn men surya ho to manikya pahnen kyonki lagnasth surya santan men badha evan stri ke lie kasht dayak hota hai. dvitiya bhav men surya dhan prapti men badhak hokar naukri men kasht hai aisi sthiti mane manikya dharan karen. yadi tritiya bhav men surya ho aur us jatak ke chote bhai jivit n rahte hon to manikya pahnen. chaturth bhav men surya ki sthiti ajivika men badhak ho tatha bar-bar rajbhang yog banta ho, to manikya pahnen. yadi surya bhagyesh, dhanesh ya rajyesh hokar chathe ya athven sthan men ho to manikya pahnen. yadi janm kundli men surya ashtamesh ya shashthesh hokar pancham athva navam bhav men ho to manikya jarur pahnen. saptam bhav men surya svayan ke svasthya ke lie hanikarak hota hai atah manikya pahnen. yadi surya guru nakshatra (punarvasu, vishakha, pu.bhadrapd) ka svami ho to har prakar ki unnati ke lie manikya dharan karen. yadi surya apne nakshatron (krittika, uÿara falguni ya uÿarasharha) ko purn drishti se dekh raha ho to bhi manikya dharan karen. dvitiya bhav athva dvadash bhav men surya ho to netra men kasht hota hai. manikya dharan karna chahie. ekadash bhav men surya ho to bare bhai tatha putron ki chinta hoti hai. islie manikya dharan karna hitakar hai. yadi surya ashtam bhav men ho to aise jatak ko manikya shighra dharan kar lena chahie. chandrama kark lagn ka svami hai chandrama man ka karak hai yadi nimnalikhit sthiti chandrama ki janmakundli men ho to use moti avashya dharan karna chahie. yadi chandrama surya ke sath ho ya surya se agli panch rashiyon ke pahle sthit ho to chandrama nirbal hota hai. moti pahnen. mithun lagn men kundli men dvitiya bhav se chathe sthan men chandrama ho to moti pahnne se labh milta hai. kendra men chandrama bali nahin ho to jatak ko moti pahnne se labh milta hai. yadi janmakundli men chandrama panchmeshhokar 12ven bhav men, saptamesh hokar, dvitiya bhav men, navmesh hokar, chaturth bhav men, dashmesh hokar pancham bhav men, ekadshesh hokar chathe bhav men baitha ho to moti shighra pahnen. yadi janmakundli men chandrama dhanesh ho aur vah saptam bhav men ho, chaturthesh chandrama navam bhav men, pachanmesh chandrama rajya bhav men, saptamesh chandrama dvadash bhav men, navmesh dvitiya bhav men, dashmesh chandrama tritiya bhav men aur ekadshesh chandrama chaturth bhav men ho to jatak ko turant hi moti dharan kar lena chahie. yadi chandrama vrishchik rashi ka hokar kahin bhi ho to moti dharan kar lena chahie. yadi chandra 6, 8, 12ven bhav men ho to moti avashya dharan karen. yadi kisi kundli men chandrama rahu-ketu ya shani in tinon men kisi bhi ek grah ke sath ho to moti dharan karen. yadi chandrama apni rashi se chathe ya athven men ho to moti dharan karne se labh milta hai. yadi chandrama vakri ya ast rahu ke sath ho ya grahan yog ban raha ho to moti labh deta hai. yadi chandrama ki mahadsha ya antardasha chal rahi ho to moti fauran pahan lena chahie. mangal mesh aur vrishchik lagn ka svami mangal hai yadi kundli men mangal dushit, ast, prabhavhin ho to mangal ka ratn manuga dharan karen, yadi kundli men nimnalikhit grah sthiti hon to munga dharan karne se shubh fal milta hai. yadi janmakundli men mangal rahu ya shani ke sath kahin ho to munga dharan karen. lagn men mangal ho to munga pahnen. tisre bhav men mangal ho to bandhuon men matbhed barhta hai. yadi chaithe bhav men mangal ho to patni ko rogini banata hai islie manuga dharan karen. saptam bhav ya dvadash bhav men mangal patni ke jivan ke lie shubh nahin hai atah aise men munga dharan karen. dhanesh mangal navam bhav men, parakramesh mangal dasham men, chaturthesh mangal ekadash bhav men athva panchmesh mangal dvadash bhav men ho to manuga pahnen. navmesh mangal chaturth sthan men, dashmesh mangal pancham bhav men ya ekadshesh mangal chathe sthan men ho to munga turant pahnen. mangal kahin baithakar saptam, navam, dasham aur ekadash bhav par drishti dale to manuga jarur pahnen. janmakundli men mangal 6, 8, 12ven bhav men ho to manuga pahnen. yadi mangal surya ke sath ho ya surya se dekha jata ho to manuga pahnen. chandrama mangal ke sath ho to arthik sthiti ko barhane ke lie munga pahnen. yadi mangal ashtamesh ya shashthesh ke sath ho ya in grahon se drisht ho to manuga dharan karen. yadi janmakundli men mangal vakri ya ast ho to manuga jarur pahnen. mangal shubh bhavon ka svami hokar shatru grahon ke sath sthit ho to mangal ko bal dene ke lie manuga dharan karvaen. yadi mrigshira, chitra ya dhanishtha, nakshatra hane to us din suryoday se 11 baje tak manuga dharan karva sakte hain. budh mithun-kanya rashi ka svami budh hai aur iska ratn panna hai. yadi mithun aur kanya lagn ho to panna dharan karna chahie. yadi kundli men nimn yog hon to panna shubh fal deta hai. jis kundli men budh chathvane, athven bhav men ho to use panna shubh fal deta hai. jis jatak ki kundli men budh min rashi men ho, use panna dharan karna chahie. yadi budh dhanesh hokar navam bhav men, tritiyesh hokar dasham bhav men, chaturthesh hokar ay bhav men ho to panna pahnen. yadi budh saptamesh hokar dvitiya bhav men, navmesh hokar chaithe bhav men, ayesh hokar chathe bhav men ho to panna pahnen. yadi budh shubh bhav ka svami ho, apne bhav se ashtam bhav men ho to panna jarur pahnen. yadi budh ki antardasha, mahadsha chal rahi ho to panna jarur pahnen. yadi budh shubh bhav ka svami hokar apne se chathe sthan men ho panna dharan karen. yadi budh mangal, shani rahu-ketu ke sath ho to panna shubh fal dega. brihaspati dhanu aur min lagn ka svami brihaspati hai is ka ratn pukhraj hai. in lagn valon ko pukhraj pahnna chahie. yadi janmakundli men guru pachven, chathven ya barhven bhav men ho to pukhraj pahnna chahie. yadi guru mesh, vrishabh, sinh, vrishchik, tula, kunbh, makar, rashiyon men ho to pukhraj avashya dharan karen. makar rashi men guru ho to turant pukhraj dharan kar len. yadi guru dvitiyesh hokar navam bhav men, chaturthesh hokar ekadash bhav men, saptamesh hokar dvitiya bhav men, bhagyesh hokar chaturth bhav men rajyesh hokar pancham bhav men, sthit ho to pukhraj dharan kar lena chahie. yadi guru shubh bhav ka svami hokar apne bhav se chathvane ya athven sthan men sthit ho to pukhraj dharan karen. kisi bhi grah ki mahadsha men brihaspati ka antar chal raha ho to pukhraj dharan karen. yadi larki ke vivah men vilanb ho raha ho to shighra vivah ke lie pukhraj dharan karen. adhyatmik vicharon ko bal dene ke lie pukhraj dharan karne se prablta ati hai. shukra vrishabh aur tula lagn ka svami shukra hai. is ka ratn hira hai. inhen hira shubh fal deta hai. ghar men pati-patni men kalah ho to hira pahnen. jangal men ghumne valon ko hira pahnna chahie kyonki unhen vishadhar jantuon se pala parta hai aur hira jahar se bachata hai. jis vyakti ki kundli men shukra shubh bhavon ka svami hokar apne bhav se ashtam ya shashtham ho to hira pahnen. janmakundli men shukra chathvane ya athven bhav men ho to hira dharan karen. yadi kundli men shukra nich athva ast ho ya pap grahon ke sath ho to hira dharan karne se labh milta hai. kam-krira men ashakt, ya nirbal ho to hira pahnen. kisi bhi grah ki mahadsha men shukra ka antar ho to hira dharan karen. santan utpann karne men saksham vyaktiyon ko hira pahnna chahie. filmi abhineta, nirmata v kala kshetra se jure vyakti hira dharan kar sakte hai. shani: makar aur kunbh lagn ka svami shani hai. janm lagn se ya chandrama se shani 12ven, janm ka aur dusra hota hai. is pure samay ko sarhesati kaha jata hai. shani ek rashi par dhai varsh rahta hai. is prakar tin rashiyon par iska bhraman sarhesat varsh ka hota hai. yadi kisi ki sarhesati anishtakari ho to shani ka ratn nilam dharan karna chahie. nimnalikhit binduon ko dhyan men rakhakar nilam dharan kiya ja sakta hai. yadi kundli men shani chaithe, pachven, dasven, gyarhven bhav men ho to nilam avashya pahnen. yadi shani shashthesh, ashtamesh ke sath ho to nilam jarur pahnen. yadi shani apne sthan se chathvane, athven sthan men ho to nilam jarur pahnen. shani makar, kunbh rashi ka svami hai. yadi ek rashi shubh bhav men tatha dusri ashubh bhav men ho to nilam n pahnen parantu yadi shani ki donon rashiyan shubh bhavon men hane to nilam pahnne men koi hani nahin. kisi bhi grah ki mahadsha men shani ki antardasha chal rahi ho to nilam dharan kar sakte hain. yadi shani surya ke sath ho, surya ki rashi men ho ya surya se drisht ho to nilam dharan karna shreshth hota hai. janm kundli men shani mesh rashi men ho to nilam dharan karen. yadi janmakundli men shani vakri, ast ya durbal ho to nilam dharan karen. krur karm karne valon ko shani ka ratn nilam shubh fal deta hai tatha unka bachav hota hai. islie nilam ko dharan karne se labh milta hai. rahu yah chaya grah hai. iska ratn gomed hai. is ka rang pila, gomutra ke saman hota hai. yah adhikatar chin, barma, arab, sindhu nadi ke kinare paya jata hai. yah ullu ki akhon ke saman hota hai. ise pahnne se shatru nahin bante aur rog svatah hi samapt ho jate hain. jin jatkon ki rashi ya lagn mithun, tula, kunbh ya vrishabh ho, unhen gomed dharan karna chahie. lagn men, kendra sthan (1, 4, 7, 10) ya ekadash bhav men rahu ho to gomed dharan karen. dvitiya, tritiya, navam ya ekadash bhav men rahu ho to gomed pahnna chahie. yadi rahu apni rashi se chathven ya athven bhav men ho to gomed dharan karen. shubh bhavon ka adhipti hokar rahu apne bhav athven ya chathven sthan men ho to bhi gomed pahnen. yadi rahu nich rashi (dhanu rashi) ka ho to gomed dharan karen. yadi rahu shreshth bhav ka svami hokar surya se drisht ya surya ke sath ho ya sinh rashi men sthit ho to gomed pahnen. rahu makar rashi ka svami hai is lagn men gomed shubh hai. rahu rajniti ka pramukh karak hai. safal rajnitigya banne ke lie gomed dharan karna shreyaskar hai. shukra aur budh ke sath rahu ho to bhi gomed pahan sakte hain. vakalat, nyay, rajya, yash adi ke lie gomed dharan karna bahut shubh hai. svati, shatbhisha ya adrra nakshatra mane ise dharan karna chahie. ketu yah bhi chaya grah hai. iska ratn lahsuniya hai. farsi men ise vaidur tatha angreji men ‘kaitas ai’ ston’ kahte hain. lahsuniya jivan men uÿam prabhav paida karne men samarth hota hai. santan v lakshmi vriddhi evan shatru sahanrak hota hai. jiski janmakundli men ketu grah dushit v durbal ho, use lahsuniya dharan karna chahie. yadi janmakundli men ketu dvitiya, tritiya, chaturth, panchanm, navam ya dasham bhav men ho to lahsuniya dharan karna chahie. yadi janmakundli men ketu, mangal, guru ya shukra ke sath ho to lahsuniya dharan karen. yadi ketu, surya ke sath ya surya se drisht ho to lahsuniya pahnen. shubh bhav ka adhipti hokar us bhav se ketu chathe ya athven sthan men ho to lahsuniya dharan karen. yadi ketu panchmesh ya bhagyesh ke sath ho to ise dharan karen. dvitiyesh, labhesh, dasmesh, navmesh ya chaturthesh ka ketu ke sath yuti ya drishti sanbandh ho to lahsuniya pahnen. yadi ketu ki mahadsha ya antardasha chal rahi ho to bhi dharan karen. shubh athva saumya grahon ke sath ketu ho to lahsuniya pahnen. yadi bhut-pretadi ka bhay ho to lahsuniya dharan karen. ketu se sanbandhit jo karak hai ya jin padarthon ka ketu karak hai jivan men un chijon ki unnati ke lie lahsuniya dharan karen. mesh, min ya dhanu rashi ka chandrama ho ya ashvini, magha, mul nakshatra ho ya budhvar athva shukravar ka din ho to sayankal anamika men lahsuniya dharan karna shreyaskar tatha shubh faldayak hota hai. is ratn ka prabhav tin varsh tak rahta hai.