shri satyanarayan vrat  

shri satyanarayan vrat pan. braj kishor sharma brajvasi shrisatyanarayan vrat pratyek purnima tithi ko kiya jata hai. is din satyanarayan katha ka vidhan bhi hai. satya ko narayan manakar apne sansarik vyavharon men use supratishthit karne ka vrat lene valon ki katha hai shri satyanarayan vrat katha. satya ko jivan men apnane ke lie kisi muhurÿa shodhan ki bhi avashyakta nahin hai. kabhi bhi kisi bhi din se yah shubh karya praranbh kiya ja sakta hai- yasmen kasmen dine matryo bhaktishraddhasamanvitah. avashyakta hai keval vyakti ke drirh nishchay ki aur uske paripalan ke lie sanpurn samarpan bhav ki. satya ko svikar karte hi sukh evan samriddhi ki varsha vyakti par usi prakar praranbh ho jati hai jis prakar bhojan ka ek-ek gras grahan karne par kshudha ki nivriÿia ho jati hai. vedadi shastron men satya ki mahima ka gan karne vale agnit vachan upalabdh hain. in shastron men pag-pag par satya ki mahima ka gayan kiya gaya hai. sthavr-jangmatkam is nanavidhi bhutsrishti men bhagvan shrimnarayan hi ek matra satya hain. sakal shastranumodit is siddhant ke anusar hi brahmadi devta shrimadbhagavat mahapuran men garbhastuti ke samay bhagvan shrikrishn ki satyarup men vandna karte hain- he prabho! ap satyasankalp hain. satya hi apki prapti ki sthiti ke samay in asatya avasthaon men bhi ap satya hain. prithvi, jal, tej, vayu, akash in panch satyon ke ap hi karan hain aur unmen antaryamirup se virajman bhi hain. ap hi madhur vani aur samadarshan ke pratik hain. ap is drishyaman jagat ke parmarth rup hain. he bhagavan! ap to sakshat samyasvarup hi hain. ham sab apki sharan men hain. ‘narayn’ shabd ka vyutpaÿiak arth bhi isi rahasya ki or sanket karta hai- nar arthat panchmhabhuton men ayan arthat satyarup se avasthit rahne vale bhagvan narayan. ataev satya aur narayan paraspar abhinn hain. vyavharik jagat men bhi manushya chahe satya se hi dur kyon n ho, dur nahin ho sakta, kyonki satya hi jivan hai, satya hi jivan ka adhar hai, satya ke bina koi bhi ek kshan bhi nahin rah sakta. koi vyakti, vah chahe kisi bhi dharm, panth ya sanpraday ka anuyayi kyon n ho, yadi kisi ke samne asatya bhashan karta hai, to samne vale ko turant krodh a jata hai, uske netra lal hone lagte hain, bhujaen farkne lagti hain aur uska man karne lagta hai ki vah us mithyabhashi ka gala ghont de, use jan se mar dale. kya kabhi socha hai ki aisa kyon hota hai? kyon ki ap svayan satya svarup hain, satya ko hi pana chahte hain parantu trigunmyi maya ke karan jagat mane nashvan vastuon ke prati akarshit hokar svayan ko nahin jan pa rahe hain. is satyavrat ko jo vyakti apne acharan men supratishthit karta hai, vah apne bhitar bhagavadgunon ka adhan karta hai, use sabhi sukh samriddhi aur aishvarya ki prapti hoti hai aur vah jivan ke char purusharth dharm, arth, kam aur moksh ko siddh kar leta hai. iske viprit satya se dur rahne vala vyakti bhagavad gunon se hin hone ke karan tamas svabhav vala ho jata hai aur papakarmon men uski pravriÿia barh jati hai faltah vah jivanaparyant nanaprakar ke kleshon se pirit rahta hai. yah vrat klesho se mukti ka ek advitiya marg hai. jivan men satya ko apnane ka vrat lijie aur turant sukh prapt kijie. satya ko jivan ka ang banate hi sukh milna praranbh ho jata hai. aisa chamatkari hai satyavrat. narayan jaise bina kisi bhed-bhav ke pranimatra par saman rup se apni karuna ki vrishti kiya karte hain, usi prakar satya bhi tadrup hone ke karan sabhi ko abhavon-santapon se mukt kar unhen shashvat sukh pradan karta hai. isilie shri satyanarayan vrat katha men un sabhi vyaktiyon ki kathaen sangrahit hain jinhonne apne karya men acharan men satya ko samavist karne ka vrat dharan kiya tha. satyavrat ek rup se satyagrah hai. shri bhagvan ko dharmik satyagrah atyant priya hai. aniti aur atyachar ke viruddh koi satyanishth vyakti yadi satyagrah karta hai, to bhagvan uski raksha karte hain. bhaktavar prahlad ne anek kasht sahe kintu satyavrat ka palan karte hue apne pita ke atyachar ka virodh kiya. falasvarup unhen bhagvan ki prapti hui. vastutah mansa, vacha, karmana satya ko apne vichar evan acharan men dharan karna hi purn satyavrat hai. puranon men bhagvan ke satyasvarup ko janmanas men pratishthit karne ke uddeshya se shri satyanarayan vrat katha ka ullekh hai. yah katha yadyapi pujaparak hai, kintu katha ke madhyam se yah sandesh diya gaya hai ki satya hi narayan ka rup hai aur satyavrat ka palan karne se ham narayan ko prapt kar sakte hain. katha men shatanand brahman, lakrhara, ulkamukh raja, sadhu vanik aur tundhvaj raja ka drishtant dekar hamen satyavrat ke palan ki prerna di gai hai. pujnvidhi- pratahkal suryoday se purva hi snanadi se nivritt hokar mastak par tilak aur kanth men tulsi ki mala dharan kar hath men akshat, pushp, durva jal aur dravyadi lekar sankalp hetu shuddh man se deshkal ka uchcharan karne ke anantar bolen- mamakhil papakshayapurvak saklabhisht siddhaye putrapautradi saubhagya vriddhaye shrimannaarayan prityarthan dharma-arth kam-moksh praptaye ch satya narayan pujnmhan karishye. purva men virajman ganesh, gauri, varunadi ki vidhivat puja karane. shrimannaarayan bhagvan ka bhi shodshopchar pujan karen. satyavrat katha ka shravan karen. arti pushpanjli prarthanapurvak namaskaradi krityon ko purn kar bhagavad prasad bhakton ko vitrit kar svayan bhi grahan karen. pujan ‘¬ namo naraynay’ nam mantra se ya vaidik mantron se ya fir purush sukt ke mantron se bhi kiya ja sakta hai. achcha ho ki kisi vidvan brahman se hi pujan vidhi sanpann karake katha shravan karen. brahman ko bhojnadi padarthon se triptakar dravya dakshinadi dekar adar sahit vida karen. shrimannarayan narayan narayan bhajaman narayan narayan narayan ka path karen. arti shri satyanarayan ji ki jay lakshmirmna, shri jay lakshmirmna. satyanarayan svami, janpatak harna.. jay... ratn jarit sinhasan, adbhut chavi raje. narad karat nirajan, ghanta dhvani baje.. jay... pragat bhaye kalikaran, dvij ko darash diyo. burho brahman banakar, kanchan mahal kiyo.. jay... durbal bhil katharo, in par kripa kari. chandrachur ek raja, jinki vipti hari.. jay... vaishya manorath payo, shraddha taj dini. so fal bhogyo prabhuji, fir stut kini.. jay... bhav bhakti ke karan, chin-chin rup dharyo. shraddha dharan kini, tinko kaj saryo.. jay... gval bal sang raj, van men bhakti kari. manvanchit fal dinha, dindyal hari.. jay... charhat prasad savaya, kadli fal meva. dhup dip tulsi se, raji satyadeva.. jay... satyanarayan ki arti, jo koi nar gave. kahat shivanand svami, vanchit fal pave.. jay...