mitrata kinse karenen janie hast rekhekhaon en dvara bharti anand ri shton ki buniyad vishvas se banti hai. yah vishvas rishton ki tarah dosti men bhi mahatvapurn bhumika nibhata hai. agar ap kisi achche mitra ki talash men hain ya koi apki taraf dosti ka hath barhta hai to ap avashya chahenge ki vah mitrata men khara utre, sukh dukh men kam ae. dost hi ek aisa vyakti hota hai jise ve baten bhi batai ja sakti hain, jo jivan sathi se bhi nahin kahi ja saktin. vyakti chahta hai ki uska koi mitra ho aur uski mitrata sachcha ho. mitrata anya sanbandhon se bhinn hone par bhi jivan men ek aham bhumika nibhati hai. lekin sachcha aur achcha mitra pana itna asan nahin hai. kavi ‘thiruvallur’ ka kahna hai ki kisi ko dost banane se pahle uski dosti ko janch lena chahie kyonki kisi ke chehre par achcha-bura kuch nahin likha hota hai. aie, janen ki hath ki rekhaen dosti ko kis tarah se prabhavit karti hain ya dosti ke sanbandh ki disha aur dasha tay karne men unki kya bhumika hai? adhikansh hathon men jivan rekha sidhi hoti hai. yah ek dosh mana jata hai. kai bar dekhne men ata hai ki yah shuru men sidhi tatha bad men gol ho jati hai. gol hone par yah doshmukt ho jati hai. bhagya rekha ka shuru se ant tak mota hona bhi ek dosh mana jata hai. is dosh ke rahte tatha jivan rekha ke sidhe hone se manushya men lalach adhik hota hai. in doshon ke atirikt yadi kisi ke hath men shukra kshetra bhi utha ho, to usse mitrata katai nahin karni chahie kyonki vah dushcharitra hota hai. iske atirikt mastishk rekha par bhi dhyan dena chahie. jis vyakti ki mastishk rekha jyada saf-suthri ho vah sach ko jhuth tatha jhuth ko sach sabit karne vala hota hai. s angutha mota v chota ho tatha mastishk rekha men dvip ho, to vyakti krodh ki avastha men gyan shunya ho jata hai. yadi hriday v mastishk rekha bhi samanantar hon to vyakti mitrata ko danv par lagakar mitra ki hatya tak karne se nahin chukta hai. use apman bardasht nahin hota. atah jahan tak ho sake aise logon se dur hi rahna chahie. iske atirikt hath men anya dosh hone par vyakti kutil hota hai. aise logon men himmat to hoti hai par buddhi nahin hoti. s mitrata karte vakt ungliyon par bhi vishesh dhyan den kyonki ungliyan charitra ka parichayak hoti hain. aise kisi vyakti se mitrata n karen, jiski ungliyan choti v moti hon. ungliyon ka mota hona alp buddhi hone ka dyotak hai. ungliyan jitni moti hongi vyakti utna hi krodhi, vahmi, v chirchira hoga. aise log parinam ki chinta nahin karte. krodh ane par ya man men nishchay hone par uchit ya anuchit parinam par vichar kie bina karya kar dalte hain. is lakshan ke sath-sath yadi mastishk rekha shakhahin ho, to vyakti bahut svarthi hota hai. usse len-den ya kisi anya prakar ka vyavhar hitakar nahin hota. mastishk rekha bahut achchi ho, hriday rekha men dosh ho v guru ki ungli choti tatha budh ki ungli terhi ho, to vyakti apne mitra se lena to janta hai par dena nahin janta. aise log anaitik karya se dhan kamane vale hote hain tatha apne kisi mitra ko bhi ismen fansa dete hain. is lakshan ke sath-sath yadi shukra ka kshetra bhi ubhra hua ho to par stri ke chakkar men svayan tatha apne mitra ko bhi uljhate hain tatha apna ullu sidha karte hain. hath ka rang matmaila ho, to inke sanbandh kisi se bhi sthayi nahin rahte. ye log dusron ki alochna karne ke adi hote hain. mastishk rekha murakar chandra kshetra par samapt ho, ungliyan lanbi hon, to vyakti bhavuk, kalpanashil, baten adhik v kam kam karne vala hota hai. vah khud bhi darpok hota hai aur apne mitron ko bhi darata rahta hai. aise log n to khud kuch karte hain n apne mitron ko kuch karne dete hain. donon hathon men yadi aisa lakshan ho, to vyakti atmahatya tak karne se nahin chukta. inke sath shuru-shuru men mitrata karni to achchi lagti hai. kintu bad men vyakti, inke svabhav ki vajah se pareshan ho jata hai. islie aise logon se soch samajh kar hi mitrata karen. s agar apke kisi mitra ke hath men mastishk rekha men kuthar rekha ho, to yah koi achcha lakshan nahin mana jata hai. mastishk rekha kitni bhi achchi ho, kuthar rekha hone par uske fal men kami ho jati hai. jin logon ki mastishk rekha men yah dosh hota hai, ve apne kutanubiyon aur mitron se pareshan rahte hain. ve kam se ji churate hain. is lakshan ke sath-sath yadi hath patla ho, to vyakti jhuthi tarif karne vala hota hai. mastishk rekha men kuthar rekha, jivan rekha aur mastishk rekha ka jor lanba ho aur hriday rekha bhi vahin milti ho, to aise log jivan bhar kisi n kisi samasya men khud to fansen rahte hi hain, apne mitron ko bhi bevajah fansae rakhte hain. hath naram, gulabi aur gudguda ho tatha chune men chikna mahsus ho, jivan rekha gol aur bhagya rekha moti se patli ya shuru se hi patli ho, to vyakti ka svabhav madhur hota hai. is lakshan ke sath bhagya rekha yadi ek se adhik hon, to aise log mitragan, sanbandhiyon, sevkon ki sahayta karte hain. unmen sahnshilta bhi bahut adhik hoti hai. dusron ke mamlon men hastakshep karna unhen pasand nahin hota hai. bhagya rekhaen adhik hone ki vajah se sanpatti, savari, dharmashala, mandir, mitra adi par vyay karte hain. jarurtmandon ke prati kafi udar hote hain. atah aise logon se mitrata karni chahie. ye log yatha sanbhav mitrata ka nirvah karte hain. ungliyan lanbi hon, hriday aur mastishk rekhaon men antar adhik ho, angutha lanba v patla ho aur piche ki taraf jhukta ho tatha hath mulayam ho, to vyakti mitrata nibhane vala hota hai. aise log beiman pravritti ke nahin hote. s mastishk rekha men thora sa dosh ho, bhagya rekha jivan rekha se thori duri par ho, jivan rekha ke sath mangal rekha ho, angutha v ungliyan patli aur piche ki taraf jhukne vali hon, hriday rekha ka ant guru parvat par ya usse thora niche ho, to vyakti mitra ka dukh dard samjhne vala hota hai. uski koshish rahti hai ki mitrata bani rahe. hriday v mastishk rekhaon men antar adhik ho, hath bhari, gulabi aur gudguda ho, ungliyan lanbi ya madhyam akar ki hon, guru ki ungli surya ki ungli se bari ya uske barabar ho aur bhagya rekha ki sankhya ek se adhik hone par vyakti dayalu, dani, udar v vishal hriday ka hota hai. aise log imandar v satark hote hain. ve n to svayan beiman hote hain n hi beimani karne dete hain. aise logon ki mitrata chirasthayi hoti hai. inke atirikt aur bhi kai lakshan hain jinke adhar par mitrata ke lie kisi vyakti ki pahchan ki ja sakti hai. iske lie rekhaane ki sahi jankari jaruri hai.
Kya aapko lekh pasand aaya?
Subscribe