tarak mantra evan “ram” nam ki mahima  

tarak mantra evan ‘ram’ nam ki mahima gopal raju mara jivan saubhagya aur durbhagya ki anubhutiyon se bhara hai. kabhi hamen saubhagya ka anubhav hota hai aur kabhi durbhagya ka. saubhagya hamen nishchit rup se achcha lagta hai parantu durbhagya kisi ko achcha nahin lagta. dekha jae to yah sab multah is bat par nirbhar karta hai ki ham ise anubhav karte hain athva nahin. durbhagya kisi ke lie pahar ke saman hota hai to kisi ke lie ek sadharan si bat. jivan men donon ate rahte hain. ye nav ke do chappuon ke saman hain. yadi ek ka bhi santulan bigar jae to jivan ki nav dagmga jaegi. jivan ki naiya ko santulan men rakhne ka sarvashreshth upay hai tarak mantra shri ram, jay ram, jay jay ram ka jap. is sadharan se dikhne vale mantra men asim shakti chupi hui hai. yah us mithe fal ke saman hai jiska svad chakhakar hi uske gun ka anubhav kiya ja sakta hai. aj hamara sabse bara durbhagya yahi hai ki ham ram nam ka sahara nahin le rahe. falasvarup hamare jivan men vishmta barhti hi ja rahi hai. ek sarthak nam ke rup men hamare rishiyon-muniyon ne ram nam ke mahatva ko pahchana. unhonne is pujniya nam ki parakh ki aur namon ke age lagane ka chalan praranbh kiya. pratyek hindu parivar men dekha ja sakta hai ki bachche ke janm men ram ke nam ka sohar hota hai. vivah adi manglik karyon ke avasar par ram ke git gae jate hain. yahan tak ki manushya ki antim yatra men bhi ram nam ka hi ghosh kiya jata hai. ram sab men bare hain. ram men shiv aur shiv men ram vidyaman hain. ram ji ko shiv ka mahamantra mana gaya hai. ram sarvamukt hain. ram sabki chetna ka sajiv nam hai. kukhyat daku ratnakar ram nam se prabhavit hue aur anttah maharshi valmiki nam se vikhyat hue. ram nam ki chaitanya dhara se manushya ki pratyek avashyakta svatah puri ho jati hai. yah nam sarva samarth hai. jo chetan ko jar karai, jarai karai chaitanya. as samarth raghunaykhin, bhajat jivte dhanya.. ram apne bhakt ko uske hriday men vas kar sukh saubhagya pradan karte hain. tulsidas ji ne ramchritmanas men likha hai ki prabhu ke jitne bhi nam prachlit hain unmen sarvadhik shrifal dene vala nam ram ka hi hai. isse badhik, pakshi, pashu adi tak tar jate hain. bhadrachalam ke bhakt ramdas, maharashtra ke samarth guru ramdas, kanhagarh ke sant ram das, ramkrishn parmhans, gandhi ji adi sab santajan shri ram ko sadaiv apne hriday men rakhakar unhin ki prerna se mahan aur saubhagyashali bane. dakshin bharat ke tyagraj ne varshon ram nam ka jap kiya. anttah unhen ram ka sakshatkar hua. sare jivan krishn ke prem men lin mirabai ne anttah yahi gaya- payo ji mainne ram ratan dhan payo. unhonne krishn ratan dhan kyon nahin kaha? ram nam ki mahima apranpar hai. anya devi-devtaon ki tulna men ram sabko sarlta se prapt ho jate hain. yah nam sabse saral aur surakshit hai aur iske jap se lakshya ki prapti nishchit rup se hoti hai. is nam mantra ke jap ke lie ayu, sthan, sthiti, jat-pat adi vahya adanbar ka koi bandhan nahin hai. kisi kshan, kisi bhi sthan par ise jap sakte hain. stri ya purush jab bhi chahen, is nam ka jap kar sakte hain. prabhu ke lie sab saman hain. tarak mantra ‘shri’ se praranbh hota hai. ‘shri’ ko sita athva shakti ka pratik mana gaya hai. ram shabd ‘ra’ rakar ‘ma’ makar se milakar bana hai. ‘ra’ agni svarup hai yah hamare dushkarmon ka dah karta hai. ‘ma’ jal tatva ka dyotak hai. jal atma ki jivatma par vijay ka karak hai. is prakar pure tarak mantra shri ram jay ram jay jay ram ka sar hai shakti se parmatma par vijay. ‘bij mantra ¬ ko hindu dharm men parmatma ka pratik mana gaya hai. islie mantron ke aranbh men ‘¬’ jora jata hai. ‘¬’ ko jorakar tarak mantra ‘¬shri ram jay ram jay jay ram’ ka jap kiya jata hai. yog shastra men ‘ra’ varn ko saur urja ka karak mana gaya hai. yah hamari rirh rajju ke dayin or sthit pingla nari men sthit hai. yahan se yah sharir men paurush urja ka sanchar hota hai. ‘ma’ varn ko chandra urja ka karak arthat striling mana gaya hai. yah urja rirh rajju ke bayin or sthit ira nari men pravahit hoti hai. isilie kaha gaya hai ki shvas aur niahshvas tatha nirantar rakar ‘ra’ aur makar ‘ma’ ka uchcharan karte rahne ke falasvarup donon nariyon men pravahit urja se samanjasya bana rahta hai. adhyatmavad men mana gaya hai ki jab vyakti ‘ra’ shabd ka uchcharan karta hai to iske sath-sath uske antrik pap bahar a jate hain. is samay antahkaran nishpap ho jata hai. abhyas men bhi ‘ra’ ko is prakar uchcharit karna hai ki pure ka pura shvas bahar nikal jae. is samay ‘tanden’ se riktata anubhav hone lagti hai. is sthiti men pet bilkul pichak jata hai. kintu ‘ra’ ka keval uchcharan matra hi nahin karna hai. ise lanba khinchna hai ra...'...'...'. ab ‘ma’ ka uchcharan karen. ‘ma’ shabd bolte hi donon hoth svatah ek tale ke samay band ho jate hanai. aur is prakar vahya vikar ke punah antahkaran men pravesh par band hoth rok laga dete hain. ram nam athva mantra japte rahne se man aur mastishk pavitra hote hain aur vyakti apne pavitra man men parabrahm parmeshvar ke astitva ko anubhav karne lagta hai. yah vidhi kitni saral hai. shanti pane ka yah kitna saral upakram hai. fir bhi n jane kyon vyakti idhr-udhar bhatkta firta hai. vyakti ke sharir men 72,000 nariyan hain. inmen se 108 nariyon ka astitva hriday men mana gaya hai. islie mantra jap sankhya 108 mani gai hai. is tarah ek mala arthat 108 jap sankhya ke anek mahatva hain. yahan keval itna samjhane ki itna jap karna mahatvapurn hai. sur, tal tatha nad aur pranayam se jap ko aur bhi shaktishali banaya jata hai. mantra jap men tin padon ki pradhanta hai. pahle ata hai maukhik jap. is sthiti men jaise hi hamara man mantra ke sar ko samjhne lagta hai, ham jap ki dvitiya sthiti arthat upanshu men pahunch jate hain. is sthiti men mantra ka aspasht uchcharan bhi nahin suna ja sakta. tritiya sthiti men mantra jap keval mansik rah jata hai. yahan mantrochchar keval mansik rup se chalta hai. ismen drishti bhi khuli rahti hai aur mansik tadatmya ke sath-sath vyakti apne dainik karmon men bhi lin rahta hai. yah avastha mantra ke ek karor jap kar lene matra se a jati hai. yahin se shanbhvi mudra siddh ho jati hai aur parmhans ki avastha pahunch jati hai. tarak mantra ka ek lakh jap kar lene se vyakti ko apne antahkaran men anokhi anubhuti hone lagti hai. yahan se vyakti ke lie durbhagya nam ki kisi vastu ka astitva hi nahin rah jata. yadi aisa vyakti mantra jap ke bad kisi bimar vyakti ki bhrikuti men sumeru chua de to use ashatit labh hone lagega. parantu is prakar ke prayog ke bad mala ko gangajal se shuddh karke hi prayog karna chahie. yahan mala ke mankon adi par bhi vichar avashyak hai. kyonki agyantavash kuch log iska uchit prayog nahin kar pate. mantra jap ke lie 108 mankon ki mala sarvadhik upyukt hoti hai. mala kamna ke anurup tulsi, vaijyanti, rudraksh, kamalagatte, sfatik, putrajiva, akik, honi chahie ya kisi anya ratn ki tarak mantra ke jap ke lie tulsi ki mala sarvashreshth mani jati hai. mala ke 108 manke hamare hriday men sthit 108 nariyon ke pratik hain. mala ka 109 van manka sumeru kahlata hai. vyakti ko ek bar men 108 bar jap karna chahie. iske bad sumeru se mala palatakar punah jap aranbh karna chahie. kisi bhi sthiti men mala ka sumeru langhna nahin chahie. mala ko anguthe aur anamika se dabakar rakhna chahie aur madhyama se ek mantra jap kar ek dana hatheli ke andar khinch lena chahie. tarjani se mala ko chuna varjit hai. mala ke dane kabhi-kabhi 54 bhi hote hain. aise men mala ferakar sumeru se punah lautakar ek bar fir ek mala arthat 54 bar jap fir karna chahie. is prakar do bar jap karne se 108 bar ka jap ho jata hai. sadhak ichchanusar ek baithak men 1008 bar ka jap bhi kar sakta hai. gardan aur sir ek sidhi rekha men aur urja ka prabhav rirh rajju men ek sidhi rekha men rahe. mantra jap ke bad ant men sumeru ko mathe se chuakar mala ko kisi pavitra sthan men rakh dena chahie. mantra jap men kar mala ka prayog bhi kiya jata hai. jinke pas koi mala n ho, ve kar mala se jap karen. daen hath ki anamika ke pratham por se niche se upar ki or jate hue kar mala ki ginti ka vidhan hai. kar mala se mantra jap karne men bhi mala ke barabar jap ka fal milta hai. isse shreshth jap yah mana gaya hai ki shvas-prashvas men nirantar ram nam niklta rahe. jahan tak sanbhav ho har ghari, har kshan ram ka nam sama jae. thik vaise hi jaise ‘‘maruti ke rom rom men basa ram nam hai.’’ jap ke atirikt ram mantra ko likhakar bhi atmashuddhi ki ja sakti hai. ek lakh mantra ek nishchit avdhi men likhakar yadi pure kar lie jaen to antarman svachch ho jata hai. vyakti yadi char karor mantra athva matra ram nam likhakar athva japakar purnakar le to uske gyan chakshu khul jate hain aur vah bhavsagar ko par kar jata hai. parantu yah karya saral nahin hai kyonki man bahut chanchal hai, ek jagah sthir nahin rahta. ek minat men samanya vyakti 15 sansane leta hai. is prakar ek ghante men 900 aur ek din men 21600 sansane leta hai. ek varsh men yah sankhya 70 lakh 76 hajar hogi. yadi pratyek sans men vah ram nam le sakega to 4 karor ki sankhya lagabhag 5 varsh men puri kar paega. 24 ghante men 12 ghante yadi anya karyon ke lie nikal den to 4 karor jap vah 10 varshon men pure kar paega. yah tabhi sanbhav hai jab pratyek sans men vah anya koi vichar n lae. is tarah yah bahut hi kathin hai. isilie punyafal ek-do janmon men nahin mil pata. iske lie janma-janmantar ka samay chahie. jitni kam ayu se nam ka jap praranbh kar diya jae utna hi achcha hai kyonki ek avastha ke bad abhyas ki kami ke karan sharir bhi karya karne se anakani karne lagta hai. nam jap ka lekha jokha rakhne ke lie anek sthanon men niahsvarth bhav se ram nam ke baink bhi chal rahe hain. kuch log to ram nam likhne ki lekhan pustika niahshulk vitrit kar rahe hain. ap bhi aj se mantra jap ka sahara lekar durbhagya ko dur bhagaen aur ramamay ho jaen. ram sab men bare hain. ram men shiv aur shiv men ram vidyaman hain. ram ji ko shiv ka mahamantra mana gaya hai. ram sarvamukt hain. ram sabki chetna ka sajiv nam hai. kukhyat daku ratnakar ram nam se prabhavit hue aur anttah maharshi valmiki nam se vikhyat hue. ram nam ki chaitanya dhara se manushya ki pratyek avashyakta svatah puri ho jati hai. yah nam sarva samarth hai.