surya ki pratham kaksha ka grah : budh  

surya ki pratham kaksha ka grah: budh khagoliya drishtikon- surya ke irda-gird chakkar lagane vale grahon men budh ka sthan pratham hai kyonki budh ki kaksha anya sabhi grahon ki tulna men surya ke sabse adhik nikat hai. surya se budh ki ausatan duri 36,000,000, adhikatam 43,000,000 aur nyunatam 28,000,000 mil hai. adhikatam aur nyunatam duri men itna antar budh ki kaksha ke adhik utkendrak (mababamadajatapab ) hone ke karan hai. iski kaksha krantivritt ke donon aur adhikatam 70 ka kon banate jhuki rahti hai. iska vyas lagabhag 3000 mil hai. budh ka ek nakshatra-paribhraman kal 88 din hai. pahle mana jata tha ki yah 88 dinon men apni dhuri par ghumta hai jo ki iske surya ki parikrama karne ka bhi samay hai. kintu bad men malum hua ki yah vastav men 58.65 dinon men apni dhuri par ek parikrama puri karta hai. budh surya ke nikat hai aur sabse chota hai. yah bhachakra men surya se 270 anshon se adhik duri par kabhi nahin jata. chandra ki tarah hi budh ki bhi kalaon ki kshaya-vriddhi hoti hai aur isse bhi surya men chota sa bindu rup grahan lagta hai. budh 348 dinon men chah bar udit aur chah bar ast hota hai. udit hone par 21 se 43 dinon tak dikhai deta hai aur ast hone par kabhi 9 dinon men tatha kabhi 43 dinon men udit hota hai. ganna ke anusar purvast ke 32 dinon bad pashchim men udit uske 32 dinon bad vakri, uske 3 dinon bad pashchim men ast, uske 16 dinon bad purva men udit uske 3 dinon bad margi aur uske 32 dinon bad purva men ast hota hai. is prakar madhyam man se 118 dinon men iske udyast ka chakra pura hota hai. pauranik drishtikon- budh ke svarup ke bare men kaha gaya hai ki vah pile rang ki pushp mala tatha pila vastra dharan karte hain. unke sharir ki kanti kaner ke pushp ki tarah hai. vah apne charon hathon men kramshah talvar, dhal, gada aur varmudra dharan kie hue hain. vah sone ka mukut tatha sundar mala dharan karte hain. unka vahan sinh hai. atharvaved ke anusar budh ke pita chandra aur mata tara hain. brahma ji ne unka nam budh islie rakha kyonki unki buddhi bari ganbhir aur tivra thi. vah shrimadbhagavat ke anusar sabhi shastrane men parangat tatha chandra ke saman hi kantiman hain. matsya puran ke anusar inhen sarvadhik yogya dekhakar brahma ji ne inhen bhutal ka svami tatha grah bana diya. budh ka rath shvet aur prakash se dipt hai. ismen vayu ke veg ke saman veg vale ghore jute rahte hain. inke nam shvet, pisang, sarang, nila, pit, vilohit, krishn, harit, pushp aur pushni hanai. mahabharat ki ek katha ke anusar inki vidya-buddhi se prabhavit hokar maharaj manu ne apni gunvti kanya ila ka vivah inse kar diya. ila aur budh ke sanyog se maharaj pururva ki utpaÿia hui. is tarah chandravansh ka vistar hota chala gaya. shrimadbhagavat ke anusar budh ki sthiti shukra se do lakh yojan upar hai. budh grah prayah shubh hi karte hain. kintu jab yah surya ki gati ka ullanghan karte hain, tab andhi, ativrishti aur sukhe ka bhay rahta hai. jyotishiya drishtikon- jyotish ke anusar budh hasya-vinod ka shaukin hain jinhen anek vishyon ki jankari hai aur jo pratibhashali hain. apni tivra buddhi ke karan vah har vishay par tark vitark kar sakte hain. vah prakritik rup se ghatit hone vali har kriya ko gahrai se janne ka prayatn karte hain aur apni kalpanaon se nae-nae sukhon ke upay sochte hain. islie budh se prabhavit jatak hansmukh, kalpanashil, kavya, sangit aur khel men ruchi rakhne vale, shikshit, lekhan pratibhavan, ganitagya, vanijya men patu aur vyapari hote hain. ve bahut bolne vale aur achche vakta hote hanai. ve hasya, kavya aur vyangya premi bhi hote hain. inhin pratibhaon ke karan ve achche selsamain aur marketing men safal hote hain. isi karan ve achche adhyapak aur sabhi ke priya bhi hote hain aur sabhi se samman pate hain. budh bahut sanudar hain. islie unhen akashiya grahon mane rajkumar ki upadhi prapt hai. unka sharir ati sundar aur charhra hai. vah unche kad gore rang ke hain. unke sundar bal akarshak hain vah madhurbhashi hain. budh, buddhi, vani, abhivyakti, shiksha, shikshan, ganit, tark, yantriki jyotish, lekhakar, ayurvedik gyan, lekhan, prakashan, nritya-natak, aur niji vyavsay ka karak hai. budh mama aur matrikul ke sanbandhiyon ka bhi karak hai. kundli ke dvadash bhavon men yah dasham bhav ka karak hai. n hara chana, panna, sisa, tilahan, khadya tel, pital adi budh ki vastuen hain. budh mastishk, jihva, snayu tantra, kanth -granthi, tvacha, vak-shakti, gardan adi ka pratinidhitva karta hai. yah smaran shakti ke kshay, sir dard, tvacha ke rog, daure, chechak, piÿa, kaf aur vayu prakriti ke rog, gungapan, unmad jaise vibhinn rogon ka karak hai. budh vaishya varn, napanusak aur uÿar disha ka svami hai. yah mithun aur kanya rashiyon aur ashlesha, jyeshtha tatha revti nakshatron ka svami hai. yah kanya rashi men uchch aur min rashi men nich hota hai. iski param uchch aur param nich sthiti kanya aur min rashi ke 150 anshon par hoti hai. kanya rashi ke 150 se 200 tak yah mul trikoni kahlata hai. budh prayah kundli men surya ke sath ya surya se ek bhav age ya piche dikhai deta hai. surya aur budh ki bhachakra men apsi duri adhik se adhik 270 hai arthat budh par surya ka prabhav bana hi rahta hai. budh grah ki shakti ke lie pratyek amavasya ko vrat karna chahie tatha panna dharan karna chahie. brahman ko hathi dant, hara vastra, manuga, panna, svarn, kapur, shastra, fal, shatras bhojan tatha ghrit dan karne chahie. navagrah mandal men inki puja ishan kon men ki jati hai. inka pratik van tatha rang hara hai. inke jap ka bij mantra bran brin braun sah budhay namah tatha samanya mantra bun budhay namah hai.