fal nirnay men nakshatra ki bhumika mahatvapurn  

fal nirnay men nakshatra ki bhumika mahatvapurn rakesh goyal adhikansh jyotishi kundli men sthit grah evan unke adhishthit bhav ya rashi ke adhar par hi fal kathan kar dete hain, jabki grah kis nakshatra men avasthit hain, iska adhyayn-vishleshan karna bhi jaruri hai. ashubh bhav men sthit grah yadi anukul nakshatra men sthit ho to jatak ko shubhafal bhi de sakta hai ! jyotish ko vedon ki ankhen kaha gaya hai aur yah jyotirvidon par nirbhar karta hai ki ve kisi janm patrika ka vishleshan kis prakar karte hain, aur kya faladesh karte hain. jyotish gyan ka mahasagar hai, jismen jo jitna gahre jata hai utna hi amulya khajana pata hai. jyotish men har rashi, drishti, grah, ansh, charan, bhav, yog aur nakshatra ka apna mahatva hota hai. adhikansh jyotirvid nakshatra ko khas mahatva nahin dete hain jabki nakshatron ki bhumika mahatvapurn hoti hai. yadi shubh grah ashubh bhavon men hote hue bhi anukul nakshatron men hon to jatak ko saflta prapt ho sakti hai. yahan prastut udaharan kundli ke madhyam se yah batane ka prayas kiya gaya hai ki nakshatra bhi kisi vyakti ka jivan badal sakte hain. ukt jatak ka janm dinank 28. 08.1981 ko sany 7ah30 baje ajmer men hua. ab jatak ki kundli ka adhyayan karen. jatak ka lagn kunbh hai. lagn ka svami shani ashtam bhav men sthit hai. sukh bhav (chaturtha) evan bhagya bhav (navm) ka svami shukra bhi ashtam men hai. labh bhav (ekadsh) evan dhan sthan, kutunb (dvitiya) bhav ka svami guru bhi ashtam men shukra v shani ke sath sthit hai. parakram (tritiya) evan rajya (dashm) bhav ka svami mangal nich ka hokar shashth bhav men hai. svayan shashthesh chandra apni rashi men mangal v rahu ke sath sthit hai. sath hi vidya bhav, santan bhav (panchm) evan mrityu bhav (ashtama) ka svami budh saptam bhav men surya ke sath tatha jaya bhav (saptama) ka svami surya svayan saptam bhav men budh ke sath sthit hai. ketu vyay bhav (dvadsh) men makar rashi men sthit hai. ukt kundli evan usmen sthit grahon ki sthiti ka adhyayan karen to paenge ki kanudli neshtatam hain, kyonki jyotish ke pratipadit siddhanton ke anusar jis kundli men lagn, dhan, parakram, sukh, vidya, santan, rog, vivad, patni, mrityu, bhagya, vyapar, naukri evan labh ke svami hi shashth ya ashtam bhav men sthit hon vah achchi kundli nahin hoti. aisa jatak bhagyahin hota hai. lekin is kundli ka gurh adhyayan karen to viprit sthiti samne ati hai. upar di hui nirayan grah spasht sarni par najar dalen to paenge ki kundli ke anusar lagnesh shani, jo ashtam bhav men sthit hai, vastutah hast nakshatra ke dvitiya charan men maujud hai. sukhesh evan bhagyesh shukra tatha labhesh evan dhanesh guru ashtam bhav men hast nakshatra ke tisre charan men hain arthat guru, shukra evan shani tinon ashtam bhav men hast nakshatra men hain. dusri taraf shashth bhav men parakramesh evan rajyesh mangal pushya nakshatra ke pratham charan men, shashthesh shashth bhav men ashlesha nakshatra ke chaturth charan men, rahu shashth bhav men pushya nakshatra ke dvitiya charan men, panchmesh evan ashtamesh budh saptam bhav me magha nakshatra ke chaturth charan men tatha ketu dvadash bhav men uÿarasharha nakshatra ke chaturth charan men maujud hain. is tarah ashtam sthan men maujud tinon grah hast nakshatra men hain. hast nakshatra chandra ka nakshatra hai aur jyotish ke siddhanton ke anusar surya v chandra ko ashtam bhav ka dosh nahin lagta hai, islie tinon grah guru, shukra evan shani ashtam bhav men hote hue bhi prabhavhin nahin hue. shashth bhav men maujud tinon grah kramshah ashlesha evan pushya nakshatra men hain. ashlesha budh ka evan pushya shani ka nakshatra hai. budh evan shani men paraspar mitrata hai. falasvarup shashth sthan men maujud tinon grah bhi mitrakshetri hone ke karan pap prabhav men nahin hai, islie shubhatva pradan kar rahe hain. surya saptam bhav men ketu ke magha nakshatra men tatha ketu dvadash bhav men surya ke uÿarasharha nakshatra men hai. tatparya yah ki jis prakar grahon ka rashi parivartan yog hota hai, usi prakar, surya aur ketu ka nakshatra parivartan yog hua, islie donon grahon mane gahra sanbandh hone ke karan ye bhi shubh sthiti men a gae. budh surya ke uÿara falguni nakshatra men surya ke sath hi sthit hai, islie vah shubhta pradayak hai. jatak ka janm budh ki mahadsha men hua, fir ketu ki mahadsha chali aur vartaman men shukra ki mahadsha chal rahi hai. jatak ki ye tinon dashaen bahut hi achchi evan shubhta pradan karne vali rahin. nakshatron ke in chainkane vale tathyon ke falasvarup neshtatam hote hue bhi kundli ajmer ke ek uchch aur kulin gharane men janme jatak ka laln-palan rajsi that-bat ke sath hua. aj yah jatak desh ki ek shreshth kanpni ki videsh shakha men saftaveyar injiniyar ke pad par karya kar raha hai. is tarah kisi kundli ke sahi vishleshan ke lie nakshatron ka adhyayan karna bhi utna hi avashyak hai jitna ki usmen sthit grahon ka, kyonki fal nirdharan men unki bhumika bhi aham hoti hai. nirayan grah spasht grah rashi ansh disha nakshatra pad rashi svami nakshatra svami lagn kunbh 24ah26ah32 25 purva bhadrapad 2 shani guru surya sinh 11ah34ah48 10 magh 4 surya ketu chandra kark 28ah53ah37 09 ashlesha 4 chandra budh mangal kark 03ah31ah53 margi 08 pushya 1 chandra shani budh sinh 27ah53ah47 margi 12 uÿara falguni 1 surya surya guru kanya 17ah24ah20 margi 13 hast 3 budh chandra shukra kanya 18ah18ah58 margi 13 hast 3 budh chandra shani kanya 14ah40ah21 margi 13 hast 2 budh chandra rahu kark 07ah53ah24 vakri 08 pushya 2 chandra shani ketu makar 07ah53ah24 vakri 21 uÿarasharha 4 shani surya yurenas vrishchik 02ah44ah25 margi 16 vishakha 4 mangal guru nepatyun vrishchik 28ah28ah42 vakri 18 jyeshtha 4 mangal budh pluto kanya 28ah50ah32 margi 14 chitra 2 budh mangal rahu v ketu ke spasht man die gae hain.