makan nanbar se janie apne ghar ko  

makan nanbar se janie apne ghar ko vinay garg pra tyek ghar ki apni ek visheshta hoti hai. inmen se kuch shanti, shubh evan samriddhidayak hote hain, jabki kuch gharon men ap akelapan evan ashanti mahsus karte hain. iske atirikt kabhi ap kisi parosi, mitra ya kisi rishtedar ke yahan jate hain to vahan bhi achcha ya bura prabhav mahsus karte hain. kuch gharon men rahne par apko ichcha hogi ki usko kuch vishesh tarike se sajaya jae, jabki kuch ghar aise bhi hote hain jahan rahte hue ap kuch khas karne ki ichcha nahin rakhte. kuch gharon men manglik gatividhiyan samy-samay par hoti rahti hain tatha ghar men mitron-rishtedaron ke ane-jane se khushhali ka sa mahaul bana rahta hai, jabki kuch gharon men sab logon ke hone ke bavjud ekakipan mahsus kiya jata hai. kai bar ap kisi hotal men thahrte hain to us hotal ke kamra sankhya ka bhi ap par anukul ya pratikul prabhav parta hai. alg-alag sankhya vale kamre men thahrne par apki anubhuti alg-alag hoti hai. yah sab makan nanbar evan hotal ke rum nanbar par nirbhar karta hai. kahne ka arth yah ki kisi ghar men ap rahen ya hotal ke kamre men, ap par makan nanbar aur rum nanbar ka prabhav avashya parta hai. makan ka nanbar janne ki vidhi kisi makan ka nanbar gyat karne ke lie us makan ki sankhya ke ankon ko jor kar ekal ank prapt kar len. makan ki sankhya prapt karte samay angreji aksharon ke man bhi ankon men joren. udaharan ke lie, yadi kisi makan ki sankhya 603 hai to 6$0$3 = 9 ank us makan ki sankhya hogi. yadi makan sankhya ..603 hai to makan ka nanbar badal jaega, kyonki sh.sh ke lie sanbandhit ank 1 bhi jorna hoga. is prakar 1$6$0$3 = 10 = 1$0 = 1 ank us makan ka nanbar hoga. yadi ..603 ke sthan par makan sankhya 603.. hoga to bhi ank 1 hi rahega. kai bar ham kisi vishesh makan ki or akarshit hote hain aur vahan hamara man anukulta mahsus karta hai. aise ghar ya hotal ka kamra hamen hamesha yad rahta hai, kyonki yahan hamen sauhadrapurn vatavaran prapt hota hai. jabki iske viprit kuch gharon ko dekhakar man bahut vyakulta evan mansik tanav mahsus karta hai, kyonki hamara man us ghar ke anukul apne apko nahin pata hai. aise ghar men ham apne apko akela anubhav karte hain. aise ghar men rahne se sukh-samriddhi khatm ho jati hai evan asflta ki prapti hoti hai. is prakar, uparyukt tathyon ko dhyan men rakhte hue vibhinn nanbar se prabhavit ghar kaise hote hain - janakar ap labh utha sakte hain. ank 1 ka ghar 1 nanbar ke ghar men rahne se vyakti ke man men prati din naye karya karne aur purani paranpraon se mukti ke vichar ate hain. man men sfurti evan urja hamesha bani rahti hai. aise ghar men rahne se vyakti samriddh aur kriyashil rahta hai. aise ghar men rahne vala jatak hamesha atmanirbhar hone ke bare men sochta hai. iske atirikt sharirik svasthya achcha rahta hai aur khel ki bhavna jagrit hoti hai. nanbar 1 ke ghar men rahne se agantukon ka ana-jana kam hi rahta hai jiske karan jatak apne bahumulya samay ko mahatvapurn karyon men laga sakta hai. aise ghar men rahne vala vyakti mahatvakankshi aur svatantratapriya hota hai. aisa ghar vishesh taur par khilariyon, vidyarthiyon, yatriyon aur avivahit purush v striyon ke lie shreshth hota hai. ank 2 ka ghar ank 2 vala ghar sukhad aur anokha hota hai. bhale hi vah kitna hi bara ya chota kyon n ho. aise ghar men rahne vala vyakti chote-mote parivartan ghar men hamesha karta rahta hai. vah ghar men per-paudhe lagane ki sochta hai tatha gamle v paudhon se ghar ko sajata hai. aise ghar men rahne vala vyakti anya logon ki bhavnaon ko santulit karne men sahayak sabit hota hai. yah ghar apne apmen parivarik ghar sabit hota hai. aise ghar men bare bachche apne mata-pita se milne ate rahte hain. aise ghar men vastuon ka sangrah, bag-bagicha, ful-paudhe, salah aur sanbandhon ka achcha talmel rahta hai. aisa ghar adhyapak, samajsevi, ghar ke bare bujurg evan salahkaron ke lie shreshth rahta hai. ank 3 ka ghar 3 nanbar ka ghar sukh-samriddhi vala ghar kahlata hai. is ghar men kabhi koi ashubh ghatna kabhi nahin hoti hai, balki jatak hamesha khushi se paripurn rahta hai aur ghar ke sadasyon aur agantukon ke bich talmel baithane men safal rahta hai. is ghar men rahne vale vyaktiyon ke man men hamesha sakaratmak vichar bane rahte hain. kalakar, kavi, lekhak aur kalpanashil vyaktiyon ke lie 3 ank ka ghar shubh hota hai tatha chote bachche ghar men hamesha khush rahte hain. 3 ank ke ghar ki sajavat hamesha ghar ke jatak ki rachnatmak ruchi ko darshati hai. aisa ghar dekhne men bahut sundar mahsus hota hai. lekhak, kalakaron, samajik vyaktiyon, rajnitigyaon evan sanchar madhyam se jure logon ke lie aisa ghar shubh hota hai. ank 4 ka ghar ank 4 vala ghar sthirta, paradarshita, dinacharya, karya ke prati sajgta evan jimmedari ka anubhav karata hai. yah parivar, vyapar tatha sanbandhon ko adhar deta hai tatha sanbandhon men dhairya evan sahnshilta bhi deta hai. aise ghar ki vastukla, sajavat evan bagvani adi ko bare achche dhang se dekha ja sakta hai. is ghar men rahne vale vyaktiyon ka vikas bina kisi rukavat ke hota hai tatha apsi sanbandh bhi lanbe samay tak bane rahte hain. aisa ghar lekhakar, bhavan nirmata, vidyarthiyon, vastukaron, kalapriya logon, baink mainejar tatha bagvani men ruchi rakhne vale vyaktiyon ke lie shubh hota hai. aise vyakti jo kramik rup se vikas karte hue lakshya ko prapt karna chahte hon, ko aise gharon men rahna chahie. ank 5 ka ghar ank 5 vala ghar karyashilta, antrik evan bahya rup se parivartanakari, vibhinn vichar, sanskritik, romantik, bachkani harkton, sanvednshilta, vibhinnata, khel ki bhavna aur yatra priyata ke prabhav dene vala hota hai. aise makan men rahne vale vyakti vivah men kam, romans men jyada astha rakhte hain. aise ghar men pustaken tatha farnichar asta-vyast rahti hain. aise ghar men rahne vala vyakti yadi atmik shakti se paripurn hota hai to vah apne ghar ko ek sanpurn ghar banane men safal hota hai. aisa ghar lekhak, adhyapak, yatriyon, treval ejent, bare parivaron, samajik logon, khilariyon ke lie sukhad anubhuti dene vala hota hai. ank 6 ka ghar ank 6 ke ghar men rahne vala vyakti apne ap ko surakshit evan sukhi mahsus karta hai. aisa ghar adhikatar sajavat men sundar hota hai. aise gharon men adhikatar mahila sadasyon ka shasan hota hai. ghar ke anya sadasya is par koi apatti mahsus nahin karte hain. ghar men rahne vale bachche, sauhardrapurn evan prasannata ka vatavaran mahsus karte hain. aise ghar men pauranik paranpraen, sanskritik karyakram evan puja-anushthan adi hote rahte hain. aisa ghar narson, samajseviyon, bachchon ke lie karya karne vale karyakartaon, vriddh mata-pita, seva prapt vyakti adi ke lie sukhdpurn hota hai. ank 7 ka ghar ank 7 ka ghar mansik shanti, sukh evan anand ki anubhuti dene vala hota hai. yahan rahakar gahan adhyayan aur shodh kie ja sakte hain tatha jinse chamatkarik falon ki prapti hoti hai. aise ghar hamesha rahasyon se paripurn hote hain tatha aitihasik pahchan rakhte hain. gahan vicharshil vyakti, vaigyanik, shodh karne vale vyakti, mantri, adhyapak, manovaigyanik aur darshanik aise sthanon par rahakar achche karya kar sakte hain. adhyatmik vyakti bhi aise gharon men rahakar santushti mahsus kar sakte hain. aisa ghar parivar ke bajurgon ke lie sahaj hota hai. agar aise gharon men lakri par gahre rangon ka prayog kiya gaya ho to 7 ke ank ke prabhav ko aur adhik barha deta hai. ank 8 ka ghar ank 8 vala ghar dhan ka ghar kahlata hai. manyata hai ki dhan ka vriksh aise gharon ke age laga hota hai. vastav men yah ghar yahan rahne vale vyaktiyon ke lie avasar pradan karta hai. aise ghar men rahne vale vyavharik v jimmedar hote hanai. unke man men sadaiv vyapar se sanbandhit vichar ate rahte hain. aisa ghar vastavik ghar se bara mahsus hota hai. aise ghar men purana farnichar jyada achcha lagta hai. aise ghar men bhumi ka dhalan aur khirkiyan ghar ko mahal ka rup pradan karti hain. aise ghar sheyar dalal, grih, vyapar, udyogptiyon, daektaron, mainejar, khilariyon, rajnitigyaon evan mahan vibhutiyon ke lie shreshth mana gaya hai. ank 9 ka ghar ank 9 vala ghar aksar aramdayak evan mansik shanti dene vala hota hai. aisa ghar anand evan sfurtidayak hota hai. is ghar men rahne vale vyaktiyon ke man men atmavishleshan ki bhavna prabal hoti hai. aisa ghar kalatmak tatha rachnatmak abhiruchi vale logon ke lie uttam hota hai, kyonki yahan aise karya nirbadh rup se ho sakte hain. yah jarur hai ki aise ghar men rahte hue vyakti ko samay ka abhav mahsus hota hai. aise ghar men rahne valon ki sankhya kam hoti hai, lekin unmen pratirodhak kshamata adhik hoti hai. aise sthan par nidan evan upchar ki shiksha ka prachar evan prasar kiya ja sakta hai. sath hi adhyatmik sabhaen ya chintan adi is ank se prabhavit ghar ya makan men safltapurvak ki ja sakti hain. aise ghar men sajavat pradarshan ke rup men dikhai deti hai. aise ghar adhyatm se jure logon, kalakar, darshanik, sevikaon, daektaron, upcharkon, dekhbhal karne valon, vishvabhraman karne valon tatha manvtavadi vyaktiyon ke lie shubh hota hai.