pitri dosh ya shap se mukti paen  

pitri dosh ya shap se mukti paen pan. lokesh d. jagirdar bhartiya vaidik paranpra ke anusar pratyek manushya tin rin se grast hota hai- dev rin, rishi rin aur pitri rin. manu aur yagyavalkya adi rishiyon ne kaha hai ki pratyek vyakti ko in tinon rinon se mukt hone ka prayas karna chahie taki moksh ki prapti ho sake. pitri rin in tinon men pramukh hain, kyonki pitri arthat hamare purvaj ke punya karm athva punya ansh se hi hamari utpatti hui hai. yadi ve hamari utpatti nahin karte to moksh prapt kar lete, kintu ‘‘vanshovistartan ayu’’ arthat vansh ke vistar ke lie unhonne brahmacharya ka khandan v virya ka ksharan karke hamari utpatti ki hai. atah hamara kartavya hai ki ham unhen shraddh, tarpan adi se kritarth karen, taki ve moksh ke bhagi ban saken aur ham unke rin se mukt ho saken. jo log dan, shraddh, tarpan adi nahin karte, mata-pita aur bare bujurgon ka adr-satkar nahin karte, pitri gan unse kupit rahte hain jiske karan ve ya unke parivar ke anya sadasya rogi, duahkhi ya mansik kasht se pirit hote hain. ve niahsantan bhi ho sakte hain. janmangachakra men surya pita ka aur brihaspati bare-bujurgon ka karak hota hai. ukt donon grahon ka alpabali, nich ya papyukt hona, pitri dosh ka suchak hai jo ki purva janm krit pap ke karan is janm men hamen prabhavit karte hain. prachin granthon men aise anekanek grah yogon ka ullekh hai, jo pitri dosh ke suchak hain. inmen kuch pramukh yogon ka vivaran yahan prastut hai- surya ka nich rashi men makar ya kunbh ke navansh men hona. surya ka ya sinh rashi ka pap madhya hona. surya aur rahu ya surya v ketu ki yuti hona. lagnesh ka alpabali hokar dasham arthat pita ke bhav men hona. dashmesh (pita ke bhav ka svami) ka nich, ast ya papi grah ke sath hona. dashmesh ka shashth, ashtam ya dvadash bhav men hona v lagn ka alpabali hona. surya ya guru ka shashth, ashtam ya dvadash bhav men hona. dasham bhav men papi grah ka hona athva dasham bhav ka papakartari men hona. lagn evan trikon men surya, shani v mangal tatha ashtam ya dvadash men rahu aur guru ka hona. kisi ka janm ashlesha, magha, mul, jyeshtha, revti, ashvini jaise gandmul, khasakar magha nakshatra men hona jiska svami svayan pitri hain. ukt yogon men koi bhi yog yadi janmangachakra men vidyaman ho to samjhna chahie ki purva janmakrit pap ke karan jatak pitri dosh se pirit hai. yadi uski athva uske kisi bachche ya kisi anya saday ki bhi janmakundli men ukt yog hon to avilanb pitri dosh ki shanti karani chahie. pitri dosh ke nivaran ke upay- gaya tirth men vedokt riti se purvajon ka shraddha-tarpan karana chahie. nasik ke tryanbkeshvar men narayan nagbli karaen. gandmul nakshatra men janm hua ho, to janm nakshatra ke mantra ka 28000 jap karakar dashansh havan karaen. amavasya tithi ke svami pitar hain, atah is din puja-path, dan, punya adi karne chahie. purvajon ki punya tithi par garibon ko anna-vastra ka dan den. pipal ke vriksh ko pitron ka pratinidhi mana gaya hai, atah ise nitya jal charhana chahie. kauvon ko nitya anaj khilaen. pitri dosh nivaran yantra ka pujan karen. shraddh paksh (pitri paksha) men athva sarva pitri amavasya ke din purvajon ko yad karen aur unke nimitt shraddh karen. jab bhi shraddh karen, til, jau, gopichandan, kush, gangajal adi ka upyog avashya karen. ye vastuen moksh ka karak hain, atah pitron ko bahut priya hain. surya pita ka karak hai, atah surya ki dan samagri jaise lal kapre, lal masur, gehun, tanbe, lal fal adi ka samathrya ke anusar ravivar ko dan karen. amavasya, punya tithi athva shraddh tithi ko pitron ke nimitt shiv pujan ya rudrabhishek karana chahie, isse pitri dosh ka shaman hota hai. shraddh paksh men shrimadbhagavat mahapuran ka path karana chahie.