hast rekhaen v apka mulank bharti anand har jatak ke lie kuch ank shubh kuch ashubh v kuch sam ya udasin hote hain. kisi bhi jatak ke hathon ki rekhaon ka avlokan karke yah jana ja sakta hai ki vah kis ank se prabhavit hai. vibhinn mulank vale jatkon ki hatheli ki rekhaon men bhi bhinnata hoti hai. yahan ham har mulank vale jatkon ki hastarekhaon ka vishleshan prastut kar rahe hain- mulank 1 jin jatkon ki janm tithi kisi mahine ki 1,10,19,28 tarikh hai to un par surya ka prabhav hota hai. aise jatak atyadhik mehanat karne vale hote hain. sarkari naukri, rajniti, samaj seva kshetron men ye unnati karte hain. inke hath men surya ki anguli sidhi v akarshak hoti hai. yadi kisi ki hatheli men surya parvat v surya rekha saf-suthri ho aur uski sankhya ek se adhik ho v surya rekha bhagya rekha ya jivan rekha men vilin ho rahi ho to vyakti surya pradhan hota hai. hatheli men koi anya dosh n ho to aise jatkon ka janm avashya hi 1,10,19,28 tarikh ko hota hai. surya parvat par chota sa vrit ho, ya saf-suthra tribhuj ho aur uske niche saf-suthri surya rekha ho to vyakti ka surya bahut hi sashakt hota hai. mulank 2 kisi mahine ki 2,11,29,20 tarikh ko janme vyaktiyon par ‘chandra’ ka prabhav adhik hota hai. aise log bhavuk hote hain. ye sharir se najuk, chanchal pravriti sajne-sanvrne vale, kam hausle vale, sharirik rup se najuk, alsi parantu vishisht kalpana shakti vale hote hain. aise vyakti arkitekt, dijainar, film nirdeshak adi banen to safal hote hain. mulank 2 vale jatak ki hatheli men chandra parvat uÿam ho, us par katav n ho, vahan ari rekhaen hon, saf suthri hon to vyakti ka chandra achchi sthiti men hota hai. mulank ‘2’ vale vyakti ka yadi chandra kharab ho to chandra parvat par rekhaon ka jal bana hota hai ya chandra kshetra daba hua hota hai. aise vyakti ko pani men dubne ka khatra hota hai. mulank 3 jinka mulank 3 hota hai arthat jinki janmatithi kisi bhi mahine ki 3,12,21,30 tarikh hoti hai un par brihaspati ka prabhav hota hai. dhan, shiksha v ay ke sadhan aise jatak ko prachur matra men prapt hote hain. aise jatkon men bachapan se hi netritva ka gun hota hai. ye marte dam tak samajik karyon men lage rahte hain. sahas, shakti, drirhta aur atmavishvas adi ke dhani hote hain. aise jatak apne parivar-mitron v sahjnon ki sahayta karne men agrasar rahte hain. apni prabhav shakti se ye shatru ko bhi apna mitra bana lete hain. aise vyakti yadi guruvar ke din apna vishesh karya karte hain to inhen saflta nishchit rup se prapt hoti hai. mulank 3 vale jatkon ka guru parvat utha hua v shani parvat ki or se thora ubhar liye hota hai. is parvat par guru valay hota hai. guru ki anguli yadi surya ki anguli se bari ho, sidhi ho to vyakti guru pradhan hota hai. inhen ‘guru’ ki vajah se gyan, samman, shiksha adi milti hai. yadi guru parvat daba hua ho, guru ki anguli tirchi v terhi ho, guru parvat par katav ya til ho, guru ki anguli kali ya moti ho, nakhun terha-merha ho v anguli par char parva hon, to aise vyakti ko guru ke doshpurn hone se samaj men samman nahin milta hai. mulank 4 jin jatkon ka janm kisi mahine ki 4,13,22,31 tarikh ko hua hai unka mulank 4 hota hai. in jatkon par rahu ka prabhav rahta hai. aise vyakti apne jivan men sangharshashil rahte hain. atyadhik adhunik vicharon vale, purani prathaon ke virodhi, har bat ko viprit najar se dekhne vale aise jatak jhagralu pravriti ke n hote hue bhi apne vicharon se bahuton ko dushman bana lete hain. inke jivan men bhikhari se lakhpti aur lakhpti se bhikhari banne ki sthiti ati rahti hai. aise jatkon ki hatheli ka vishleshan karen to shani parvat ke niche hriday rekha v mastishk rekha ke niche ka rahu parvat mahatvapurn hota hai. yadi hath men guru parvat utha hua ho, is sthan par katav n ho, to aise jatak 4 mulank se prabhavit hote hain. yadi rahu parvat par koi bhi dosh n ho to jatak ka svasthya achcha hota hai. rahu pradhan ya 4 ank vale jatak apne jivan men kuch paisa anaitik rup se avashya kamate hain. yadi is parvat par ‘tribhuj ho ya chatushkon ho to aise vyakti achcha dhanarjan karte hain. mulank 5 jin jatkon ka janm kisi mahine ki 5,14,23 tarikh ko hua hai to unka mulank ‘5’ hota hai. aise jatkon ka jivan par ‘budh’ grah ka prabhav hota hai. aise vyakti gyani, jivan bhar mitrata nibhane vale, kalpanashil, sujh-bujh vale v hamesha tanav grast rahne vale hote hain. aise log sharirik shram ki apeksha mansik shram jyada karte hain. dhanoparjan ke lie aise log kai bar apna vyavsay badlte rahte hain. yah mulank vale shatruta nahin karte, lekin agar koi inse dushmani karta hai to vah uska vinash avashya kar dalte hain. adhikansh aise logon ka man naukri men nahin lagta hai. aise jatkon ki hatheli men budh parvat ki sthiti choti anguli ke niche achchi hoti hai. budh parvat par sidhi rekhaen hon, budh ki anguli sidhi ho, is kshetra par katav ya jal n ho v iske char parva n hon, to jatak ki vak shakti, buddhimta, tark shakti bahut hi achchi hoti hai. shubh lakshanon se yukt aise jatkon ki vani bahut mithi hoti hai. iske viprit, yadi hatheli men uprokt shubh lakshan n hon, budh parvat daba hua ho, budh parvat par ari-tirchi rekhaen hane to aise jatkon ke jivan men budh ka shubh prabhav nahin hota hai. inki vani men madhurta bhi nahin rahti. mulank 6 jin jatkon ka janm kisi mahine ki 6,15,24 tarikh men ho to aise jatkon par ‘shukra’ ka prabhav hota hai. aise jatak ‘romantik’, shant, imandar, tej buddhi, dhani, nidar, premi, aishvarya sampann, kamuk, kala ke shaukin, hansmukh adi gunon se sanpann hote hain. aise logon ko sundar bhojan, shringar tatha kalatmak vastuen sadaiv priya hoti hain. aise mulank vale hamesha jimmedari ko nibhane vale hote hain, kintu inka grihasth jivan bahut achcha nahin hota hai. agar ‘6’ ank vale vyaktiyon ko aib lag jae to asani se nahin chutta. aise jatkon ki hatheli men shukra parvat saf-suthra v ubhar liye hota hai. shukra parvat ko yadi jivan rekha purn rup se gherti ho, shukra parvat par yadi moti-moti rekhaen n hon v jivan rekha ke sath mangal rekha saf-suthri ho to jatak ko dhan prapti ke kai sadhan jivan men milte hain. shukra parvat agar dabav liye ho, shukra parvat par moti-moti rekhaen hon to jatak ko sabhi sukh-suvidhaen nahin milti. mulank 7 jin jatkon ka janm kisi bhi mahine ki 7,16,25 tarikh ko hua ho to ve ‘7’ mulank ki shreni men ate hain. is mulank ka pratinidhi grah ‘ketu’ hai. aise jatak apni sabse alag pahchan banane men safal hote hain. aise jatak pratyek vyakti ke raj janne ki kala men nipun hote hain. aise jatak yojna se jure kshetra kala v chitrakla adi men nam arjit karte hain. patrakarita, abhinay, plastik, khel karya, chikitsa, paryatan aushdhi, khanij adi se jure karyon men ye vishesh safal hote hain. ye paramparavadi nahin hote hain. kisi jatak ki hatheli men ketu parvat ubhar liye ho, saf-suthra ho, bhagya rekha jivan se dur ho v saf-suthri ho to jatak ko ‘7 mulank’ se prabhavit mana jata hai. aise jatak ki hatheli men anya sthiti shubh ho to manushya ko lakhon men ek bana deta hai. ‘ketu’ parvat yadi vishesh unnat ho to vyakti ke pas athah dhan-sanpÿia hoti hai. yadi jatak ki hatheli men ashubh lakshan bhi hon to jatak kabhi bhi dhan, vaibhav, man, samman, buddhi adi ka sahi istemal nahin kar pata hai. aise mulank valon ko ketu ke upay avashya karne chahie. mulank 8 jin jatkon ka janm kisi mahine ki 8, 17, 26 tarikh ko hua hai to ve mulank ‘8’ ve aur ‘shani’ grah se prabhavit hote hain. aise vyakti jimmevar hote hain, par khatron se khelna inke lie thik nahin hota hai. inki unnati ke marg men bahut rukavten ati hain. jivan men inhen yash purn rup se prapt nahin hota hai. aise log gussa karne vale, pareshan v kisi ka dabav nahin sah pate hain. aise log sanvednshil hote hain, inki unnati dhire-dhire hoti hai. inka vyaktitva prabhavshali hota hai. dharmik kriya kalapon men bhi aise log agrasar hote hain. inhen jivan men akasmat dhan ki prapti hoti hai. aise log jue, laetri, satte, sheyar adi se bhi labh avashya prapt karte hain. shani se prabhavit kshetron sangit, kali chijon v lohe ke vyapar, jyotish, transport, koyla, dharma-karm, bijli, davaiyan, chamre ka vyavsay thekedari, bagvani, pulis se jure karya karne chahie. yadi kisi bhi jatak ki kundli men shani parvat saf-suthra ho v saf-suthri bhagya rekha ho, shani ki anguli sidhi ho ya shani kshetra par spasht rup se trikon bana ho v uske niche hriday rekha spasht ho to aise jatak ‘8’ mulank vale hote hanai. anya lakshan shubh hon to aise jatak dhani v karya kushal sabit hote hain. yadi shani parvat par rekhaen saf-suthri hon to vyakti ko bachapan se hi sabhi prakar ki sukh-suvidhaen milan e lagti han.ai yadi hath men shani ki anguli sidhi ho, parvat ubhar liye ho, shani ki anguli par keval 3 hi parva hon, anguli patli v nakhun saf-suthra hon to aise vyaktiyon par shani ki vishesh kripa hoti hai. purva janmon men aise log sadhu-santane ki seva karne vale, bujurgon ka samman dan v punya v dusron ki madad karne vale hote hain. aise jatak ko shani dev ki puja karni chahie. mulank 9 jinka janm kisi bhi mahine ki 9,18,27 tarikh ko hua ho ve mulank ‘9’ aur mangal grah se prabhavit hote hain. is ank se prabhavit log sahsi, sampann, krodhi, bhajbut, anushasit, jaldabaj, shatru par vijay prapt karne vale hote hain aur pulis, sainya vibhag, sahsik karya, jyotish, bhumi ke kray-vikray, vakalat, satsang adi se jure hote hain. aise jatkon ki grihasthi bahut achchi nahin hoti hai. bhasha men karvahat rakhne vale aise log paranpraon men jite marte hain. inmen kuch dosh avashya hote hain. mulank 9 vale jatkon ki hatheli men uchch mangal v nign mangal parvat ubhar lie hota hai. mangal par katav n ho, parvat saf-suthra ho, to aise jatkon par mulank ‘9’ ka prabhav spasht rup se dikhai deta hai. agar mangal parvat unnat nahin hon, anya shubh lakshan bhi kam hon to aise jatak jiddi v shighra gussa karne vale hote hain. aise jatak adhikatar mehanat majduri karke apni jivika chalate hain. prayah is mulank vale jatkon ki anguliyan moti hoti hain. is mulank se prabhavit jatkon ki hatheli men yadi rekhaen achchi hon, mangal parvat ubhar liye ho to jatak sanpÿia ki kharid-farokht, bilding meteriyal ka karya karne vale ya kisi bare vibhag ke chif hote hain. aise jatak aksar ati atmavishvas ke shikar hote hain. aise jatkon ko manglvar vale din hanuman ki puja karni chahie.