var-kanya ke chayan men namank ki bhumika ramapravesh mishra a kash men maujud nau grahon ke bich hi sansar ka sara rahasya chipa hai. manushya ke svabhav evan vyavhar ko yahi nau grah prabhavit karte hain. pratyek vyakti kisi n kisi pradhan grah ki avdhi men janm leta hai aur usi ke prabhav men sara jivan vyatit karta hai. ank jyotish ke anusar ank 1 se 9 men hi vartaman aur bhavishya ka rahasya chupa hua hai. bhartiya jyotish evan vishva ke anya granthon men sankhya tatha shabd ka apas men ghanishth sanbandh darshaya gaya hai. jyotirmanishiyon ne devtaon tatha grahon ke mantron ke jap ki sankhya nishchit ki hai. kis anushthan men kitne manak hon aur unki sankhya kitni ho, iski vyavastha bhi ki gai hai. jis prakar chikitsak batate hain ki kaun sa padarth kitna shaktivarddhak hai, usi prakar ank shastra ke visheshagya kisi ka nam, janm tarikh adi dekhakar batate hain ki vah kitna shaktishali, gunvan evan buddhiman hai ya hoga. nam v tarikh ka apas men ghanishth sanbandh hota hai. kisi vyakti ki jivanacharya, uske vyaktitva nirman, uske acharan adi men ankon ki bhumika aham hoti hai. gita men 18 adhyay hi kyon? mahabharat men 18 parva hi kyon hain? puranon ki sankhya 18 hi kyon hai? shri ganesh ki chaturthi, durga mata ki ashtami, surya dev ki saptami, shri vishnu ji, ekadshi aur mahadev ka vishesh pujan trayodshi ko hi kyon kiya jata hai? sahi vishleshan se in prashnon ke uttar mil sakte hain. in sabka vaigyanik adhar hai. ank aur unka man: kiro ne ank shastra men angreji ke varn ke har akshar ka man nirdharit kiya hai. uske dvara pratipadit siddhant ke adhar par yahan varnon ke man die ja rahe hain- is prakar varnon ke man ko jorakar kisi bhi vyakti, sthan adi ka namank prapt kar sakte hain. janmatithi se namank aur janmatithi, mah v varsh ke yog se bhagyank nikal sakte hain. jyotish men jis tarah atimitra, mitra, sam, shatru aur atishatru hote hain, usi tarah ank jyotish men bhi vibhinn ankon ke mitra, shatru tatha sam ank nirdharit hain. vivah, prem ya dampatya sukh ke drishtikon se premika, var-kanya adi ke namank, namank v bhagyank adi ka vishleshan karen to yah asani se samjha ja sakta hai ki prem ya dampatya jivan kaisa hoga. mitra v shatru ankon ki talika yahan prastut hai- manushya ke jivan men prem ka bara mahatva hai. jisse ham prem karte hain use tan, man aur dhan sab kuch arpan kar det hain. isi prakar jivan men vivah ka sthan bhi mahatvapurn hai. sachcharitra pati-patni ek-dusre ke prati samarpit hokar jivn-yapan karte hain. jab donon ke svabhav evan apsi vyavhar men peram hota hai to jivan sukhamay bana rahta hai, par is prem men jara bhi kami a jae, to jivan ke dukhamay hone men der nahin lagti. islie kisi visham sthiti se bachne ke lie ankshastra ki madad se vivah ke purva hi dampatya jivan ka akalan kar labh uthaya ja sakta hai. jyotish ki prachin bhartiya paddhati men grah-milap men navam rashi, varn, yoni tatha nari ka vichar kiya jata hai. sath hi mangli sthiti ka bhi vichar kiya jata hai. lekin ankshastra men namank, bhagyank v namank ka vichar kiya jata hai, yahan namank se jure kuch udaharan prastut hai- mulank 1: larke ka nam devesh aur larki ka dina hai. dekhen ki donon ka sanbandh kaisa rahega.
Kya aapko lekh pasand aaya?
Subscribe