man devi sharda ka dham-maihr  

man devi sharda ka dham-maihar dae. anjula rajvanshi prachin kal se hi bharat apni dharmik evan sanskritik dharohar ke lie vishvavikhyat raha hai. mana bhi jata hai ki ‘char kos par pani badle, ath kos pe vani, bharat men vibhinn dharmon ke manne vale hain aur unke alg-alag aradhya dev aur pratik hain. hinduon ke devi-devtaon men ek hain- man sharda ya man sarasvati. maihar, man sharda devi ka dham hai, jo madhya pradesh ke satna jile men, tahsil maihar, gram panchayat arkandi ke parikshetra men trikut parvat par sthit hai. pauranik evan aitihasik tathyon se bharpur yah dham baghel khand aur bundel khand ki sanskriti ka sada se hi kendra bindu raha hai. manyata hai ki jab shankar ji sati ke parthiv sharir ko lekar vilap karte hue ek sthan se dusre sthan vicharan kar rahe the, tab is sthan par man ke gale ka har gira tha. isi karan is sthan ka nam ‘maihar’ para jo bad men bigrte-bigrte ‘maihr’ ho gaya. shakti ke bina devta bhi kuch nahin kar sakte. man sharda us adi shakti ke hi rup hain jinki shakti aur sath prapt karke brahma ji srishti ka nirman karya, vishnu ji palan karya aur shivji sanhar ka karya karte hain. bhagvti man sharda ko vidyadatri mana jata hai. brahm parmeshvari man sharda ke sharir ka rang kund pushp tatha chandrama ke saman dhaval hai aur unka vahan hans hai. ve char bhujaon vali hain, jinke ek hath men vina, dusre men pustak, tisre men mala hai. unka chaitha hath vardan dene ki mudra men hai. ve sada shvet vastra dharan karti hain v shvet kamal par nivas karti hain. unki kripa se hi vyakti param vidvan banta hai. hindu dharm men to yah bhi manyata hai ki man sharda din men ek bar har vyakti ki jihva par jarur virajti hain aur us samay kahi gai bat siddh ho jati hai. dharmik sahitya men man sharda ki mahima ka varnan vistrit rup se kiya gaya hai. ‘lalita sahasranamastotra’ men man ke ek hajar namon ka varnan kiya gaya hai to ‘shri durga saptashati’ v ‘devi bhagavat puran’ men unki lilaon ka varnan prapt hota hai. trikut parvat par maihar devi ka mandir bhu-tal se chah sau fit ki unchai par sthit hai. samatal sthan se man maihar devi tak pahanuchne ke lie bhakt janon ko 1051 sirhiyan charhni hoti hain. mandir tak jane vale marg men tin sau fit tak ki yatra gari vagairah se bhi ki ja sakti hai. mandir ke prangan men nim, pipal v am ke per hain, jo sarvatra chaya kie rahte hain. maihar devi man sharda tak pahunchne ki yatra ko char khandon men vibhakt kiya ja sakta hai. pratham khand ki yatra men char sau assi sirhiyon ko par karna hota hai. mandir ke sabse nikat trikut parvat se sati mangal niketan birla dharmashala hai. iske pas se hi yelji nadi bahti hai. dvitiya khand do sau atthais sirhiyon ka hai. is yatra khand men pani v anya pey padarthon ka prabandh hai. yahan par adishvari mai ka prachin mandir hai. yatra ke tritiya khand men ek sau saintalis sirhiyan charhni hoti hain chaithe aur antim khand men 196 sirhiyan par karni hoti hain aur tab man sharda ka mandir ata hai. is char khandon ki yatra ka sanbandh man dvara ki gai yatra se hai. manyata hai ki man sharda char pagon men hi trikut parvat par jakar baith gai thin. 1051 sirhiyan charhakar bhaktajan man ke darshanon ko pahunch jate hain v unki prarthana aur vandna karte hain. maihar mandir ke mukhya darvaje par sinh ki vishal murti hai. man ki murti ke charon or chandi se jari akarshak chatri, chaimukh v chaibare bane hue hain. iske bagal men hi darvaje se sati nrisinh bhagvan ki prachin murti hai, jabki dusri taraf bhairav ki prachin murtiyan hain. mandir ke piche vali divar kalika mai ke nam se prasiddh hai. manyata hai ki agar bhaktajan apne hathon men chandan lagakar kalika mai ki divar par sparsh karte hain, to man unki mannaten puri karti hain. mandir men bilkul piche ek nim ke per ke niche bilkul hi alag rup men sharda mai virajman hain. unki ankhen v mukut behad darshaniya hain. mandir ke prangan men hi bel ke vriksh ke niche sheshnag v bhairav ki murtiyan hain. is murti ke upar ka chandi ka mukut murti ki shobha ko aur barha deta hai. nim, shirish v bar ke per ke niche man durga ji virajman hain. mandir ke bayin taraf ke chabutre par bhaktagan puja ka nariyal torte hain, v uske jal se man ka pujan kar nariyal ki giri ko prasad ke rup men prapt karte hain. desh ki rajdhani dilli se maihar tak ki sarak se duri lagabhag 1000 kilomitar hai. tren se jane ke lie mahakaushal v riva eksapres upyukt hain. dilli se chalne vali mahakaushal eksapres sidhe maihar hi pahanuchti hai. steshan se utrne ke bad kisi dharmashala ya hotal men thora vishram karne ke bad charhai aranbh ki ja sakti hai. riva eksapres se yatra karne vale bhaktajanon ko majganvan par utrna chahie, vahan se maihar lagabhag 15 kilomitar dur hai. sangam eksapres se bhi yatra ki ja sakti hai. ilahbad utrne ke bad riva ke lie ya to riva eksapres ko pakra ja sakta hai ya fir suvidha ki drishti s e taku da n e m ne yatra ki ja sakti hai. maihar steshan ya bas staind se mandir ki duri panch kilomitar hai. maihar men man sharda ka vishesh utsav v pujan sal men do bar chaitra v ashvin mah men hota hai. yah utsav pandrah din tak chalta hai, jo baithki navratri se praranbh hokar purnamasi ko samapt ho jata hai. man ke darshan v pujan ke lie vaise to har din shubh hota hai, lekin is samay log man ki muraden shighra purn hone ki as lie samuh men man ke darshanon ka labh lene ke lie ate hanai. kinvdanti ban chuke vir alha ki aradhya devi bhi man sharda rahi hanai. manyata hai ki aj bhi man ki pahli puja alha hi karte hain. mandir ke karyakartagan v pujari bhi kahte hanai ki ve jab bhi pratahkal ki yatra karne jate hain, man sharda ke charan kamlon men ful pahle se hi charhe milte hain. man ke yon to bhakt asankhya hain, lekin alha-udal, machla, idal unmen bhi pramukh hain. kaliyug ke bhaktajanon men bhai raidas aur mandir ke pradhan pujari devi prasad pande pramukh rahe hain. bhai raidas ne manmangi murad puri hone par man dvara pradÿa jivan man ko samarpit kar diya tha. unhonne apne pita se apna sir katvakar man ke charnon men charhva diya tha. mandir ke pradhan pujari devi prasad ji ne apni jibh katakar devi ko charha di thi. bad men man ke ashirvad se unhen nai jibh prapt hui. aisi ghatnaon aur bhakton ke karan is tirthasthan ka mahatva aur barh jata hai. maihar men man sharda ke darshan ke atirikt ‘java’ namak sanskritik v paranprik utsav bhi dekhne ko milta hai. yah ashtami v navmi ko vishesh rup se mana jata hai. is utsav men ganv ki aurten aur bachchiyan apne sir par ek vishesh prakar ka ghara, jise vahan ke log java kahte hain, lekar chalti hain aur purush v larke man kali ka rup dharan kie hath men khappar lie dhol-majire ki thap par gate -nachte chalte hain. manyata hai ki jis bhakt ki manokamna man sharda puri karti hain, vah man kali ka vesh dharan kar is karyakram men bhag leta hai. pavan sthal man sharda ki pauranik katha lagabhag 200 varsh purani hai. maihar par maharaja durjan sinh judev ka adhipatya tha. unke shasan kal men unke hi rajya ka ek gvala yahan ke ghanghor aur bhayanak jangal men apni gay charane aya karta tha. jangal men din men bhi ghanghor andhera chaya rahta tha aur tarh-tarah ki daravni avajen ati thin. ek din us gvale ki gayane ke sath ek sunhri gay bhi charne lagi, jo sham hote hi achanak kahin chali gai. dusre din bhi uske sath aisa hi hua. tab gvale ne nishchay kiya ki vah aj sunhri gay ke piche jaega aur uske malik se gay ki charvai mangega. sham hote hi vah gay ke piche chalne laga. usne dekha ki gay ek gufa men chali gai. gay ke andar jate hi us gufa ka dvar band ho gaya. kafi samay bitne par jab gufa ka dvar khula to usmen se ek burhi stri bahar ai. gvale ne us burhi stri se gay ki charvai mangi to usne lakri ke sup men se jau ke dane nikalakar use dete hue us bhayanak jangal men akele n ane ki salah di. jab gvale ne us ghane jangal men uske akele rahne ki vajah puchi to vah parvat shrinkhla, peron aur janglon ko apna ghar batate hue antardhan ho gai. bad men ghar akar us gval ne khane ke lie jau ke dane nikale to ve hire-moti ban chuke the. ashcharyachkit gvala agle din maharaj ke darbar men pahanucha aur sanpurn ghatna sunai . usi rat man sharda ne maharaj ko svapn men apna parichay diya v pahari par murti sthapna aur yatriyon ke vahan tak pahanuchne ke lie rasta banvane ka adesh diya. pratah uthte hi maharaj us gvale ko lekar us sthan par gae, jahan burhi stri mili thi. maharaj ne vahan sirhiyon v sarak ke sath-sath bhavya mandir banva diya. aj maihar mandir ki puri dekhbhal man sharda samiti karti hai. samiti ke niyamanusar mandir men pratah chah baje arti hoti hai aur pat khulakar dopahar ek baje band ho jata hai. do baje pat punah khulta hai aur fir sham chah baje band ho jata hai. mandir men bandron se vishesh savdhan rahne ki avashyakta hai. is aitihasik mandir men do shilalekh ankit hain. pahla shilalekh man sharda ke charnon ke niche hai, jiski lanbai pandrah inch aur chairai sarhe tin inch hai. is par nagri lipi men sanskrit ki char panktiyan likhi hui hain. is shilalekh men man ki murti ko sharda ke rup men darshaya gaya hai tatha unhen kaliyug ka vyas tatha vedanyas sankhyaniti v mimansa ka pandit kaha gaya hai. dusre shilalekh ki lanbai 34 inch v chairai 31 inch hai, jiske charon or do inch ki kinari bani hui hai. is shilalekh men 39 panktiyan hain. nagdev ke chitra yukt is shilalekh ka kuch hissa halanki samay ke sath-sath kharab ho gaya hai, lekin baki bache hisse se kaliyug ke vyas damodar ki jankari prapt hoti hai. damodar ko sakshat sarasvati ka putra bataya gaya hai. kafi samay tak yahan bakre ki bali dene ka rivaj tha, lekin san 1910 men man ke adesh ka palan karte hue maharaj brijnath sinh judev ne bali pratha par rok laga di. maihar devi ke darshan karne ae log yahan ke as-pas ki jagah bhi ghum sakte hain. dulhadev, alha talab, alha akhara, amar gufa, rampur ka vishal mandir, ganesh ghati, bhagvan shiv ka prachin mandir, gola math, shri shri 1008 sukhendra nidhyacharya ji maharaj ki tapobhumi, bara akhara, shaktipith, hanuman mandir, ram mandir (katra mandir), chandi mata ka prachin mandir, svami nilakanth ji maharaj ki tapobhumi, odla ka vishal mandir adi aisi hi jaghen hain jahan akar ap anand utha sakte hain.