ank jyotish aur dvadash rashiyan bansat kumar soni k vidya ka avirbhav aj se lagabhag chah hajar varsh purva rishi parashar evan rishi agastya dvara hua mana jata hai. yadyapi ank shastra ka uday bharat men hi hua hai, parantu ank vidya ka prachar aur nav anveshan adhikanshtah videshon men hue hain. pashchimi duniya men paithagoras ko ank shastra ka janak mana jata hai, jinhonne apni pustak ‘durlabh parisanvad’ men ullekh kiya hai - ‘‘ank sabhi ke vicharon, unke taur tarikon, yahan tak ki akriti ko bhi niyantrit karte hain. yahi karan hai ki dainik apdagrastata ho ya kisi bhi tarah ka daivik vidhvans, uske mul men ankon ki hi bhumika hoti hai.’’ seferiyal hibru yahudi kabala paddhati ke ank vigyani mane jate hain. seferiyal ko chorakar ank vidya ke shesh sabhi vidvanon ne ek se nau tak ke ankon ka vishleshn-pratipadan kiya. ank vaigyanikon mane sarvadhik prachlit nam kiro ka hai. ank shastra men 0 (shunya) ko koi mahatva nahin diya gaya. is shastra men ikai 1 se 9 tak ke ankane ka vishleshan karte hue bhavishya kathan kiya jata hai. in ankon ko ekal ank ki sangya prapt hai. saur mandal men dekha jae to vastutah nau grah hi hain. sarvang gannaane ka adhar bhi yahi ank hanai. dahai ki sabse choti sankhya das se anant sankhyaon men inhin ankon ki punravriÿia hoti hai. kisi bhi bari sankhya men prayukt ankon ko paraspar ek-dusre se jorakar ekal ank men badla ja sakta hai. aisi sankhya ko ank shastra men mul ank ya mulank kahte hain. ank shastra ke adhar par rashi janne ke lie varsh ka vibhajan barah bhagon men kiya gaya hai. jis nishchit samay sima men kisi jatak ka janm hota hai, vah uski rashi hoti hai. rashiyon ki yah pranali bhartiya jyotish ki rashi pranali se sarvatha bhinn hai. bhartiya jyotish men kisi bhi vyakti ki rashi ka adhar chandra nakshatra ka namakshar hota hai, jabki ank shastra men rashi ka adhar kailendar varsh ki tarikh vali dvay mason ki kuch nishchit samyavdhi hoti hai jiska samanvay surya ki sankranti se hota hai. janm dinank ke adhar par banne vali dvadash rashiyan - ank jyotish ke adhar par kisi bhi varsh men janm lene vala jatak nimn kal khandon ke antargat parne vali janm tarikh ko dekhakar apni rashi gyat kar sakta hai. 23 disanbar se 20 janvri: is avdhi men janm hone par ‘‘makar rashi’’ mani jati hai. is rashi men janm lene vale jatak amtaur par samanya star ka jivan bitate hue unnati ke path par agrasar hote hain aur dusron ki unnati dekhakar prasann bhi rahte hain. 30 ven varsh men aise jatkon ka bhagyoday hona mana jata hai. is rashi ka adhipti shani aur rashi ratn nilam hai. bhartiya jyotish ke anusar makar lagn men janm lene vale jatak ko apni unnati hetu nilam, panna aur hira athva inke up-ratnon se bana trishakti ratn kavach ya laeket dharan karna chahie. 21 janvri se 19 farvri: is avdhi men janm lene valon ki rashi ‘‘kunbh’’ mani gai hai. kunbh rashi ki akriti jal vahak jaisi hai. 36 varsh ki ayu ke uprant kanubh rashi ke jatak aksar dhanvan hote dekhe jate hain. is avdhi ke dauran jinka janm hota hai, ve prayah bhiru, paranpravadi, vyavsayi, karya-patu aur svabhimani hote hain. inki karya-siddhi akasmat rup men hoti hai. kintu inhen vanchit santan sukh milne ki sanbhavna kam rahti hai. yah rashi bhi shani ke svamitva vali rashi hai. nilam is rashi ka anukul ratn hai. is avdhi ke dauran utpann hue logon ki janm kundli ka lagn yadi kunbh ho to unke lie nilam, panna aur hira ratn saman rup se labhdayak hote hain. unhen apni bhagyonnati ke lie in ratnon ka athva inke uparatnon trishakti laeket dharan karna chahie. 20 farvri se 21 marcha: ank vidya ke anusar is avdhi men utpann jatkon ki rashi ‘‘min’’ mani jati hai. yah brihaspati ke adhipatya vali rashi hai. iski akriti jalakrirarat matsya yugal jaisi hoti hai. min rashi ka jatak bhale hi alp shikshit ho, fir bhi usmen koi n koi vishisht gun ya gyan avashya paya jata hai. is avdhi men janm lene vale jatkon ka sanbandh bauddhik ya kala ke karyon se adhik hota hai, parantu ve dainik jivan men chintit evan avyavasthit rup men jivn-yapan karne vale ho sakte hain. jivan ka 21, 30, 39 ya 48 van varsh inki bhagyonnati ka varsh ya mahatvapurn varsh ho sakta hai. min rashi ka bhagya-ratn pila pukhraj hai. yadi aise jatkon ka janm kalin lagn bhartiya jyotish paddhati ke anusar min ho to ve pukhraj, moti aur munge ka bana laeket dharan kar labhanvit ho sakte hain. yah ek jalatatva rashi hai, atah aise jatak ko ganesharchan karna chahie, isse shighra hi sukh-shanti-samriddhi ki prapti hoti hai. 22 march se 20 aprail: is avdhi men jinka janm hota hai, ank shastra ke anusar unki ‘‘mesh rashi’’ hoti hai. aise jatkon ke lie jivan ka 18van, 21van aur 25van varsh vishesh mahatva ke hote hain. is rashi valon ke jivan ka purvarddh sangharshamay, kintu uÿararddh sukhamay ho sakta hai. bachapan aur kishoravastha men mesh rashi ke jatak upadrav-priya bhale hi hon, parantu yuvavastha men ve sahsi, dhir aur pratibha sanpann ho jate hanai. sainik, senanayak, injiniyar anusandhanakarta, abhineta, anveshak, aepretar, lipikadi, rakshatmak karyon se ajivika chalane vale log, ilektrishiyan, shastragar sanchalanakarta, shalya kriya visheshagya, bhu-karya se jure log ityadi mesh rashi pradhan hote hain. mesh rashi ka ratn praval arthat munga hai. yadi 22 march se 20 aprail ke madhya janme jatkon ki kundli mesh lagn vali ho, to unhen bhagyavriddhi hetu munga, manikya aur pukhraj athva inke uparatnon ka trishakti laeket dharan karna chahie jo unke sahsi, svasth aur samriddh banane men sahayak siddh hoga. 21 aprail se 21 mai: is avdhi ke madhya janme jatkon ki rashi ank shastranusar ‘‘vrishbh’’ hoti hai. is rashi ke log apne jivan mane ane vali kathinaiyon ko par karte hue gantavya ko pahunch jate hain. dhanoparjan kar apna jivan safal banana inka makasad hota hai. ve sanudar vastra, abhushan, shringar, manoranjan adi ke shaukin hote hain. vrish rashi adhik santan vali, komlangi, shant prakriti, gaur varna, pusht sharir vali mani gai hai iski akriti vrish jaisi hai. is rashi vale vyavsayi, krishak, pak kalavid, rajakarmi, pashudhan premi, arhtie, kavi, lekhak, sugandhit vastuon ke vyapari, vastra vikreta adi hote hain. 15van, 24van, 29van athva 25van varsh inke lie uÿam hota hai. inhen hriday, mutra, fefre adi se sanbandhit rog hone ki sanbhavna rahti hai. vrish rashi ka bhagyashali ratn hira hai. vrish rashi evan vrish lagn men janme jatkon ke lie hira, panna aur nilam athva inke uparatnon ka laeket dharan karna shubh mana jata hai. 22 mai se 21 jun: is samyavdhi men paida hue logon ki rashi ‘‘mithun’’ mani jati hai, jo budh ke adhipatya vali rashi hai. ‘kam ke mamlon men sab kuch sahi’ vali mansikta aise logon men vishesh rup se pai jati hai. 17,23,28,32 v 41van varsh inke jivan ke mahatvapurn varsh mane jate hain. hare rang ke mayurpankhi aur mogra rang ke vastra-ratnadi dharan karna mithun rashi ke jatkon ke lie shubh hota hai. mithun rashi ka priya ratn panna mana gaya hai. is avdhi men janme logon ko, jinki kundli men mithun lagn ho, panna, hira aur nilam athva unke uparatnon ki bani anguthiyan athva laeket dharan karna shubh hota hai. mithun rashi vale shilpagya, kalakar, gayan, vadan aur nritya premi, chitrakar, injiniyar, vakta, bhavishyavakta, adhivakta, shastranuragi, kamuk, hasya premi, milnsar, vanik vriÿia vale, gyani vigyani, darshanik, sachivadi hote hain. 22 jun se 23 julai: is avdhi men jinka janm hota hai unki rashi ank shastranusar ‘‘karka’’ hai. is rashi par chandra ka adhipatya hota hai. iski akriti kekre jaisi hoti hai. rajoguni aur jal tatva vali is rashi ke log prayah do prakar ke karya-vyavsay apnakar dhanoparjan karne vale aur mata ke bhakt hote hain. yah rashi sahanubhuti, sukumarta, sahkarita adi ka bodhak mani gai hai. bhashavid, rajyadhikari, nausainik, rajneta, jalvaigyanik, lekhak, sanpadak, pradhyapak, chikitsak, kavi, navik, nyavid, niti visharad jaise logon par kark rashi ka prabhutva hota hai. is rashi ke logon men uÿojna adhik hoti hai. jivan ka 16,22,24,28,35 aur 47van varsh kark rashi valon ke lie mahatvapurn hote hain. kark rashi ka ratn moti hai. kark rashi valon ke lie moti, munga v pukhraj dharan karna shubh hota hai. 24 julai se 23 agasta: is avdhi men janm lene valon ko sinh rashi se prabhavit mana gaya hai. sinh rashi ke jatak svachchandtapurvak rahna pansad karte hain. ve balishth, nirbhik, sahsi, krodhatur hote hain. vak dayalu bhi hote hain. aise log shatru ke sath ghor shatruta rakhte hain. inhen bhukh-pyas vyakul kar deti hai. aise log nirog hote hue bhi udar pira se grast pae jate hain. ve grih sajjakar, vastukar, kalakar, shilpakar, chitrakar, lekhak, lipik, munim, sainik, shikshak, prabandhak, shasak, prakashak, adhikari ya mantri ho sakte hain. sinh rashi ka pratik ratn manikya ya suryakant mani hai. inke lie 19,22,31,40,46 aur 58van varsh bhagyavardhak hote hain. sinh rashi se prabhavit logon ko manikya, pukhraj v munga athva inke uparatnon ke mel se bana laeket pahnna chahie. 24 agast se 23 sitanbr: is avdhi men paida hue log kanya rashi vale mane jate hain. is rashi par budh ka adhipatya hota hai. kanya ki akriti vali is rashi se prabhavit log adanbar pasand nahin hote. 34 varsh ki ayu ke uprant inka bhagya inka sath deta hai. tivra smaran shakti, stri sadrishya prakriti, dhairya, lajila svabhav adi is rashi valon ke vishesh gun hanai. sadsahitya, ganit, vigyan, manovigyan adi ke adhyayn-adhyapan tatha hastakala, vipanan, ejensi, ashulipi, sarvajnik jaise karyon se is rashi se prabhavit jatkon ka sanbandh hota hai. aise log apni man-maryada ka sadaiv khyal rakhne vale hote hain. inke lie panna bhagyavardhak hota hai. yadi is samyavdhi men janme logon ki janm patrika men kanya lagn ho, to ve panna, nilam aur hira ya unke uparatnon se bana trishakti laeket dharan kar sakte hain. inke lie jivan ka 29, 33, 41 aur 50van varsh mahatvapurn hote hain. 24 sitanbar se 23 aktubar bhartiya ank shastra ya pashchatya paddhati ke anusar is avdhi men janme logon ki rashi ‘‘tula’’ hai. yah shukra ke svamitva vali rashi hai jiski akriti tula jaisi hai. is rashi ke jatkon ko sadaiv vyapar men labh aur dhanoparjan ki chinta rahti hai. ve satyanishth, nyayapriya, darshanik buddhi vale, nritya sangit premi, shringar mane abhiruchi rakhne vale, sachche premi, prasann rahne vale tatha svachchatapriya hote hain. vakil, bairistar, rangmanch karmi, duradarshan ke kalakar, abhineta, nyayvid, lekhak, sanpadak, patrakar, rediyosingar, uchch padasth adhikari, uchchavargiya vyapari, ayat-niryatakarta, sangitagya adi tula rashi se prabhavit hote hain. is rashi valon ko gurde, mutra, rakt adi ki bimari ho sakti hai. ratnaraj hira inke lie shubh hai. inhen nilam, panna aur hira athva inke uparatn ek sath dharan karna saman rup se labhdayak hota hai. 24 aktubar se 23 navanbr: is avdhi men janme jatkon ki rashi ank shastra ke anusar vrishchik hai. inke bhagyavardhak varsh 18,26,34,44 aur 68 mane gae hanai. is rashi par mangal ka prabhav adhik hota hai. bhu-utkhanan, bhavn-nirman, injiniyaring, ilektrisiti, taskari, rajdutavas, guptachari, khilari, elopaithi, shalya-kriyaen, alochna, jadugri, sena adi se sanbandhit log isi rashi se prabhavit hote hain. vrishchik lagn valon ko munga, pukhraj aur moti nirmit laeket pahnna chahie. 24 navanbar se 22 disanbr: is kalkhand men janme logon ki rashi dhanu hoti hai. yah guru ke svamitva vali rashi hai. aise jatkon ke lie unke jivan ka 21,30,39,48,66van varsh shubh mane gae hain. is rashi ka ratn pushparag mani tatha sahayak ratn vidrum aur mukta hain. inke bachche kam hote hain. artha-sanpann hote hue bhi is rashi ke jatkon ke jivan men dhan ki kami bani rahti hai. inhen har karya men saflta milti hai. mul nakshatra inke lie ashubhatva karak hai. mathadhish, pradhyapak, purohit, darshanik, r a j n i it gya , p r a m shar a d a t a , artha-dharma-nyayshastri t th a a gh a u d d a ai d , ayurved aur chikitsa se jure log is rashi se prabhavit hote hain. dhanu lagn valon ko guru, mangal aur chandra ke ratn ya uparatn sanyukt rup men dharan karna chahie, isse dhan-sanpda men vriddhi hoti hai.