ashubh sabit ho sakta hai apke vahan ka nanbr  

ashubh sabit ho sakta hai apke vahan ka nanbar dae. mahesh mohan jha shri pradip kumar achche vyavsayi hain. umra lagabhag 40 varsh hai, vyaktitva ganbhir hai. gari chalate samay traifik ke niyamon ka puri tarah palan karte hain. gati sima men chalna koi unse sikhe. gat varsh unhonne ek nai maruti li. ek varsh ke andar hi us gari se char durghatanaen ho chuki hain. ek men unki jan jate-jate bachi, jabki ek anya durghatana mane ek admi ki mrityu ho gai. ek aur udaharan ayakar vakil shri kamlesh sinh ka hai. ye pratidin 225 se 150 ki.mi. kar chalate hain. har mah ek chalan katvana inki adat ban chuki hai. shahar ke alg-alag konon men apne muvakkilon se milne ke lie ye gati simaon se doguni gati se kar chalate hain. inke sathi, inke sath baithne se ghabrate hain, kintu inke vahan dvara koi durghatana nahin ghati. ek anya udaharan hain shri ramachadra chaidhri shri chaidhri ek sarkari adhikari rahe hain. vah bhi tej kar chalate hain, kintu yatayat niyamon ka purn palan karte hain. margon men gati sima ka ullanghan nahin karte hain. inki draiving surakshit kahi ja sakti hai, par gat tin varshon men inki tin durghatanaen ho chuki hain aur tinon ek hi kar se hui hain. dusri kar se, jo inke pas pichle tin varshon se hai, aj tak koi bhi durghatana nahin hui. upar varnit pahle do udaharan do viprit sthitiyon ke suchak hain. ek or jahan niyamanusar vahan chalane vale shri prasad ki kar se alpavdhi men kai durghatanaen ho chuki hain, vahin dusri or teji se vahan chalane ke paryay ban chuke shri sinh pichle panch varshon men ek bhi durghatana ke shikar nahin hue. yahan in donon udahrnon ka nishkarsh yah hai ki durghatana kar chalak ke karan n hokar kar ke karan hui. shri chaidhri ke udaharan men keval ek hi kar se durghatana hona bhi is tathya ko darshata hai ki dosh kar chalak ka n hokar kar ka hai. ab tinon udahrnon ki vastavik sthiti par gaur karen. shri pradip kumar ka janm dinank 27.04.1961 hai. is prakar inka mulank 9 tatha bhagyank 3 hai. inki durghatana karne vale vahan ka nanbar 5234 hai, jiska mulank 5 hai. ab pradip kumar ke mulank aur bhagyank ka kar ke mulank se sanbandh dekhen. kar ka mulank 5 unke mulank 9 aur bhagyank 3 ka shatru ank hai. atah is shatruta ka parinam durghatanaon ke rup men samne aya. shri sinh ka janm 5.9.1962 ko hua, atah inka mulank aur bhagyank 5 hua. inke vahan ka nanbar 2795 hai, atah kar ka mulank 5 hua. shri sinh ke mulank aur bhagyank tatha kar ke mulank men mitrata hai, isi karan unke sath durghatana nahin hui. shri ramchandra chaidhri ka janm 6.12. 1931 ko hua, atah inka mulank aur bhagyank kramshah 6 aur 5 hua. unki ek gari ka nanbar 3495 tatha dusri ka 5696 hai. inke mulank kramshah 3 aur 8 hain. shri chaidhri ke mulank aur bhagyank ki pratham kar ke mulank se mitrata, kintu dusri gari ke mulank se shatruta hai. yahi karan hai ki is kar se hi durghatana hui hai, jiska nanbar 5696 aur mulank 8 hai. kahne ka ashay yah hai ki vyakti ko vahan lete samay un ankon ka chayan karna chahie, jinke mulank ki uske mulank se mitrata ho. kis mulank aur bhagyank ke jatak ke lie kis mulank aur bhagyank tatha kis rang ka vahan upyukt hoga, iska vivaran niche diya ja raha hai. mulank ya bhagyank 1: jin logon ka janm 1,10,19 ya 28 tarikh ko hua ho, unka mulank 1 hoga. 1 mulank ya bhagyank vale vyakti ko 1, 2, 4 aur 7 mulank vale vahan rakhne chahie . 1 mulank ya bhagyank vale kisi vyakti ko 6 ya 8 mulank vala vahan nahin rakhna chahie. inhen pile, sunhre athva krim rang ka vahan kray karna chahie, nile, bhure, baingni ya kale rang ka vahan nahin. mulank ya bhagyank 2: jin logon ka janm 2, 11, 20 ya 29 tarikh ko hua ho, unka mulank 2 hoga. 2 mulank vale kisi vyakti ko 1,2,4 aur 7 mulank vala vahan rakhna chahie. iske lie mulank 9 vala vahan ashubh hoga. aise log safed athva halke hare rang ka vahan kray karen lal aur gulabi rang ka nahin. mulank ya bhagyank 3: jinka janm 3,12,21 ya 30 tarikh ko hua ho unka mulank 3 hoga. aise log 3,6 ya 9 mulank vala vahan rakhen, 5 ya 8 vala vahan ashubh siddh ho sakta hai. 3 mulank valon ko pile, baingni, nile ya gulabi rang ka vahan kharidna chahie, halke hare, safed ya bhure rang ka vahan nahin. mulank ya bhagyank 4: jin vyakti ka janm 4,13,22 ya 31 tarikh ko hua ho unka mulank 4 hoga. inhen 4, 1, 2 ya 7 mulank vala vahan rakhna chahie. aise logon ke lie mulank 9, 6 aur 8 vala vahan ashubh hoga. nile ya bhure rang ka vahan kray karna aise logon ke lie shubh hoga, gulabi ya kale rang ka nahin. mulank ya bhagyank 5: 5, 14 ya 23 tarikh ko janme logon ka mulank 5 hoga, aise logon ko 5 mulank vale vahan rakhne chahie, 3, 8 ya 9 mulank vale vahan ashubh sabit honge. aise log halke hare, safed ya bhure rang ka vahan rakhen, pile, gulabi ya kale rang ka nahin. mulank ya bhagyank 6: jin vyakti ka janm 6, 15 evan 24 tarikh ko hua ho, unka mulank 6 hoga. inhen 3, 6 ya 9 mulank vala vahan rakhna chahie. 8 ya 4 mulank vala vahan inke lie ashubh hoga. inhen halke nile, gulabi ya pile rang ka vahan kray karna chahie, kale rang ka vahan anishtakar ho sakta hai. mulank ya bhagyank 7: tarikh 7,16 ya 25 ko janme vyakti ka mulank 7 hoga. mulank ya bhagyank 7 vale vyakti ko mulank 7,1,2 ya 4 vala vahan rakhna chahie. 8 ya 9 mulank vala vahan inke lie ashubh hoga. vahan nile ya safed rang ka ho to shubh rahega. mulank ya bhagyank 8: jin logon ka janm 8, 17 ya 26 tarikh ko hua ho, unka mulank 8 hoga. is mulank valon ko 8 mulank vala vahan kharidna chahie aur 1 aur 4 mulank vale vahan se parhej karna chahie. kale, nile, bhure evan baingni rangon ke vahan rakhna inke lie upyukt hoga. mulank ya bhagyank 9: tarikh 9, 18 yan 27 ko janme vyakti ka mulank 9 hoga. aise logon ke lie 9, 3 ya 6 mulank vala vahan shubh aur 5 ya 7 mulank vala ashubh hoga. vahan ka rang lal ya gulabi rakhen to shubh ho. kisi vyakti ka mulank aur bhagyank alg-alag hon to aisi sthiti men jivan ki ghatnaon ka vishleshan karte hue yah dekhna chahie ki kaun sa mulank adhik shubhaprad raha hai. fir usi ke anurup vahan ke nanbar ka chayan karna chahie. jin logon ka janm ratri men hua ho, unhen is sanbandh men duvidha rahti hai ki ve apna mulank ratri se purva vali tarikh se manen athva pashchat vali tarikh ko. is sanbandh men susthapit mat yahi hai ki ratri 12 baje tak janme logon ka mulank ratri se purva ki tarikh ke anusar aur ratri 12 baje ke pashchat janme logon ka mulank ratri ke bad vali tarikh ke anusar hoga. mulank ke anusar vahan kharidne ka shubh din: mulank din 1 ravivar 2 somvar 3 guruvar 4 shanivar 5 budhvar 6 shukravar 7 ravivar 8 shanivar 9 manglvar